Read Paite Psalms 81 Bible Online

Psalms 81 - Paite bible

Psalms 81

¹Pathian honhihhatpa pahtawiin nuamtakin lasa unla; Jakobte Pathian pahtawin nuam takin kikou un.

²Phatna lasa unla, khuangnou te, kaihging ngaihnophuaite, pekging te toh hontawi un.

³Kha thakin pengkul mut unla, kha lika I ankuangluina thupi niin.

⁴Israelte dinga thuseh ahi ngala, Jakobte Pathian dan ahi.

⁵Huai tuh Joseph te laka thutheihsakna dingin a seh ahi. Aigupta gam tunga a pai khiak laiin: ka theihlouh pau ka jak laiin.

⁶A liangjang thil gik akipanin ka lasuana: a khutte loh akipana khahin a om hi.

⁷Mangbatniin non sama, ka honhumbita; van ging bukna munah ka hon dawnga; Meribah tuiahte khawng ka hon zeet ahi. Selah

⁸Ka mite aw, ngaikhia unla, ka hontheihsak bangin; Israelte aw, ka thu ngaikhe nuamle uteh aw!

⁹Gam dang Pathian himhim na lak uah a om ding uh ahi keia; mi dang Pathian himhim na biak ding uh leng ahi kei hi.

¹⁰Kei, TOUPA na Pathian uh ka hi a, Aigupta gam akipan honpi khepa tak: na kam uh lian kat unla, ka hihdim ding ahi.

¹¹Himahleh ka miten ka aw a ngaikhe sam kei ua; Israelten hon deih kei uhi.

¹²Huchiin a lungtang uh genhakdan bang jela om dingin ka khahzamta ahi, amau hoihsak banga a om na ding un.

¹³Aw, ka miten ka thu ngaikhiain, Israelte ka lampi-ahte pai le u aw:

¹⁴A melmate uh ka hihneu zokin, amau galte tungah ka khut ka lik ding hi.

¹⁵TOUPA hote a kiangah a kipe lut ding uhi; amau hun bel a om nilouhlouh ding ahi.Nou bel buh hoihpenin kon vak ding hi; suangpi-a khuaijuin ka hontaisak ding ahi.

¹⁶Nou bel buh hoihpenin kon vak ding hi; suangpi-a khuaijuin ka hontaisak ding ahi.