Read Paite Psalms 83 Bible Online

Psalms 83 - Paite bible

Psalms 83

¹Pathian aw, paulou in om kenla: Pathian aw, dai nilouh ken, om maimai mahmah ken.

²Ngaiin, nangmah melmate a lum lutlut ua: nangmah hote a dak hawkhawk uhi.

³Na mite lepchiahtakin a sawm ua, na mi selgukte tungah a selamin a kihou a kihou khawm uhi.

⁴Kisa dih ua, a nam uh mangsak khopin i hihmang ding uh: Israel min himhim theihgigea a om nawn louhna dingin, a chi ua.

⁵Thu khat satin a kihou ua; na tungah a selama hih dingin thu a kichiam khawm uhi.

⁶Edomte leh Israelte puan innte, Moabte leh Haggarte;

⁷Gebalte leh Ammonte leh Amelekte; Philistiate Tura khuaa omte toh:

⁸Assuriate leng amau lamah a pang sam ua; Lot suante tuh a panpih uhi. Selah

⁹Amau tuh Midiante tunga na hih bangte, Kison luia Sisera tunga na hih bangte, Jabin tunga na hih bangtein hih sam in.

¹⁰Huai mite tuh Endor khua ah a mang ua; lei adingin eklei bang lel a na hita uhi.

¹¹A miliante uh Oreb leh Zeeb bangin bawl inla, ahi, a kumpipate tengteng uh Zebah leh Zalmunna bangin bawl in.

¹²Huai miten, Pathian omnate I luah sak ding uh, a chi ua.

¹³Ka Pathian aw, amaute tuh leivui kipei lunglung bangin bawlin: buhsi huih mutleng uakuak bang lelin.

¹⁴Gam kang mei bang leh, tang kang meikuang bangin.

¹⁵Amau tuh na huihpiin delh inla, na huih thupi takin hihlau in.

¹⁶TOUPA aw, na min a zon theihna ding un a mel uh zumnain hihdimin.

¹⁷Khahtawnin zahlak leh mangbang takin om uhenla; ahi, hihzuma omin mangthang uhen.Nangmah kia tuh Jehovah minpu, leitung tengteng tunga Tungnungpen na hi chih a theihna ding un.

¹⁸Nangmah kia tuh Jehovah minpu, leitung tengteng tunga Tungnungpen na hi chih a theihna ding un.