Read Paite Psalms 84 Bible Online

Psalms 84 - Paite bible

Psalms 84

¹Sepaihte TOUPA aw, na omnate deihhuai natel e!

²Ka hinnain TOUPA biakin huangsung intualte tuh a ngai mahmaha, ahi, a bahpih hiala; ka lungtang leh ka sa tuh Pathian hing kiangah a kikou khia.

³A hi, kawlgitin in a mu a, lensiamin leng amaha adingin bu a mu a, a nou koihna dingin sepaihte TOUPA aw, ka Kumpipa leh ka Pathian, huai tuh nangmah maitamte ngei ahi hi.

⁴Na inn a omten nuam a sa ua; nang a honphat gige ding uhi, Selah.

⁵Nangmaha hatnanei min nuam a sa hi; a lungtanga Zion naihna lamliante om in.

⁶Kahna guam tuh a tot un, tuikhuk omnate a bawl ua, ahi, vuahtui ke masain vualjawlnain a khuh lel hi.

⁷Hatna akipanin hat nawn semna ah a pai ua, Zion ah Pathian maah a kimusak chiat uhi.

⁸TOUPA aw, Sepaihte Pathian, ka thumna hon ngaikhia inla: Jakobte Pathian aw, bil na dohin. Selah.

⁹Pathian ka phaw pen u aw, enin, na thaunilhpa mel enin.

¹⁰Na biakin huang sung intuala ni khat om tuh mun danga ni sang khat sangin a hoihzo ngala. Gitlouhna puaninte-a om sangin I Pathian ina kongkhakngak hih leng ka ut jaw ahi.

¹¹TOUPA Pathian tuh ni leh phaw ahi ngala: TOUPAN hehpihna leh thupina a pe dinga: diktaka omte lakah thil hoih himhim a it kei ding hi.Sepaihte TOUPA aw, nangmah muang min nuam asa hi.

¹²Sepaihte TOUPA aw, nangmah muang min nuam asa hi.