Read Paite Psalms 89 Bible Online

Psalms 89 - Paite bible

Psalms 89

¹TOUPA chitna thute tuh khantawnin lain ka sa dinga: ka kamin na ginomdan suan tengteng tanin ka theisak ding.

²Chitna tuh khantawn adingin leptouhin a om dinga; na ginomna tuh vante ah ngei na hihkip ding, ka chita ahi.

³Ka mitel kiangah thu ka khunga, ka sikha David kiangah ka kichiamta a;

⁴Na suante khantawn adingin ka hihkip dinga, na laltutphah leng suan tengteng taninka lemtou ding, chiin. Selah.

⁵TOUPA aw, vanten na thillamdang hih a phat ding uh; mi siangthoute kikhopna ah na ginomna leng a phat ding uhi.

⁶Tung vandumte ah TOUPA toh kiteh thei ding kua a oma? Mi thilhihhhteitak tate laka TOUPA bang.

⁷Mi siangthoute kihou khawmna ah Pathian kihtakhuai tak, a kim khawnga mi tengteng sanga kihtakpen ding, kua ahia?

⁸TOUPA sepaihte Pathian aw, A aw, nang banga mi hat kua a oma? Na ginomna na kimah a om ngala.

⁹Nang tuipi kisaktheihna vai na hawma: a tuikihawt kisep laite uh na hihdai hi.

¹⁰Nang Rahab gal thah bangin na hihkham dimdema; nangmah galte tuh na ban tha hatin na keksakta hi.

¹¹Vante nangmaha ahi a, lei leng nangmaha ahi: khovel leh a sunga omteng nangmah muhkhiak ahi.

¹²Sim leh mal nangmah siam ahia: Tabor leh Hermon na min jiak in a nuam hi.

¹³Nang ban thilhihtheitak na neia: na khut a hata, na khut taklam tuh pahtawiin a om hi.

¹⁴Diktatna leh vaihawmna dik tuh na laltutphah kingakna ahi a: chitna leh thutak tuh n amaah a pai hi.

¹⁵Husa kipahhuai ja, namten nuam a sa ua: TOUPA aw, amau tuh na mel vakah a vak uhi.

¹⁶Na min jiakin nitumin a nuam ua, diktatna jiakin pahtawiin a om uhi.

¹⁷Nang ahatna uh thupina na ahi ngala: na deihsakna jiakin ka ki uh pahtawiin a om ding.

¹⁸Ka phaw uh TOUPA a ahi ngala: ka kumpipa uh Israelte Mi Siangthou ahi.

¹⁹Huai laiin na mi siangthoute kiangah kilaknain thu na gena, mi hattak khat tungah panpihna ka ngaa; mi khat mite laka tel khiak ka pahtawita hi, chiin.

²⁰Ka sikha David tuh ka mukheta a; ka thau siangthouin amah ka nilhtaa:

²¹Ka khut a kiangah hihkipin a om dinga; ka banin amah a hihhat dinga; ka banin amah a hihat ding hi.

²²Melmain a lakah a phut kei ding; thulimlouhna tain leng a hihgim kei ding hi.

²³Amah galte a maah ka sat puk dinga, amah hote ka bawl ek ding.

²⁴Amah kiangah bel ka ginomna leh ka chitna a om ding hi; ka min jiakin a ki tuh pahtawiin a om ding hi.

²⁵A khut tuh tuipi-ah ka nga sak dinga, a khut taklam tuh luipite ah.

²⁶Aman, Nang ka Pa, ka Pathian, ka kihotdamna suangpi na hi, chiin, honsam ding.

²⁷Huan, ken amah tuh ta masain ka siam dinga, leia kumpipate lakah tungnungpenin ka bawl ding hi.

²⁸Ka chitna tuh khantawnin amah adingin ka kep hoih sak dinga, ka thukhun tuh a kiangah a om kip ding hi.

²⁹A chi suante tuh khantawnin ka omsak dinga, a laltutphah van om lai siahin ka omsak ding hi.

³⁰A taten ka dan a lehngatsan ua, ka vaihawmnate banga a om louh ua.

³¹Ka thuseh a tatlekna a neih ua, ka thupiakte a kep hoih kei uleh.

³²A tatleknate uh chiangin ka hongkan dinga, a thulimlouhnate uh jepin ka hongkan ding hi.

³³Himahleh, ka chitna tuin a kiang akipan ka laksak vek kei dinga, ka ginomna tuh juau a suak din leng ka phal sam kei ding.

³⁴Ka thukhun ka suse kei dinga, ka muka thupawt leng ka hihlamdang sam kei ding hi.

³⁵Khatvei ka siangthouna louin ka kichiama, David kiangah juau ka gen kei ding;

³⁶A chi suante tuh khantawnin a om ding ua, a laltutphah ka maah ni bangin a om ding hi.

³⁷Kha bangin khantawn adingin hihkipin a om dinga, van duma theihpih ginom bangin, a chi a, Selah.

³⁸Himahleh nang na khahkhiain na deih keia, na thau nilhpa tungah na hehta ahi,

³⁹Na sikha thukhun tuh na kiha: a lallukhu leia pai khe hialin na hihniamta hi.

⁴⁰A huang tengteng na hihpuka; a kulh pite na hihse ta hi.

⁴¹Lampi a pai peuhmahin a thil a laksak jel uh.

⁴²Amah doute khut taklam tuh na pahtawia; a melma tengteng na hihnuamsata hi,

⁴³Ahi, a namsau ma tuh na beng peka, amah tuh kisualna ah na ding kip sakta kei hi.

⁴⁴A vakna tuh na hihtawp saka, a laltutphah leiah na pai kheta hi.

⁴⁵A tangvallai nite uh na hihtom saka; amah tuh zahlaknain na khuhta ngala. Selah.

⁴⁶TOUPA aw, bangtan ahia na buk nilouh ding? Bangtan ahia na hehna tuh mei banga a kuan ding?

⁴⁷Aw, ka hun a tom dingdan theigige inla; mihing tate tengteng siam gina kei natel chia!

⁴⁸Kua mi ahia sih ni mel mulou ahinga, Sheol khut akipana a hinna humbit ding? Selah.

⁴⁹TOUPA, nidanglaia na hehpihna, na ginomna David kianga kichiama na chiam, koia om a hita a?

⁵⁰TOUPA, na sikhate a gensiatnauh theigige in; nam hat takte tengteng gensiatna ka angsunga ka thuak jeldan.

⁵¹TOUPA aw, nang hondoute gensiatna, na thaunilhpa khapte gensiatna mah,TOUPA tuh khantawnin phatin om hen. Amen, Amen.

⁵²TOUPA tuh khantawnin phatin om hen. Amen, Amen.