Read Paite Psalms 91 Bible Online

Psalms 91 - Paite bible

Psalms 91

¹Tungnungpen bukna muna ommi Bangkimhihthei lim ah a om gige ding hi.

²TOUPA tungthu-ah, Amah tuh ka kihumbitna leh ka kulhpi; ka Pathian, ka muan ahi, ka chi ding.

³Aman tuh thangkammi thang lakah leh hi hoihlou tak lakah nang a honhondam ding ahi.

⁴A khain a honkhuh dinga, a kha nuaiah na muang ding hi; a thutak tuh pho neu leh pho lian ahi.

⁵Jana thil mulkimhuai na lau kei dinga. suna thal hongleng zong na lau kei ding hi:

⁶Mialnuaia hi leng jel tuh na lau kei dinga, sun laia thil hihsia siatna tuh na lau sam kei ding hi.

⁷Na sikah sang a puk ding ua, na taklamah leng sing a puk ding uhi; himahleh nang jaw a honnaih kei ding hi.

⁸Na mitin na en dinga, migilousaloute ditna tuh a muhin na mu lel ding hi.

⁹TOUPA aw, nang tuh ka kihumbitna na hi ngala! tungnungpen tuh na omnain na nei hi;

¹⁰Thil hoihlou himhimin a hontuak kei dinga, hi himhim inleng na puanin a honnaih sam kei ding hi.

¹¹Na lampi tenga honhumbit dingin, na tungthu-ah jaw a angelte thu pe ding ahi ngala.

¹²A khut un hondom ding ua, huchilouinjaw na khein suang na sui khakha ding hi.

¹³Humpinelkai leh gul gial tuh na sikden dinga; humpinelkai hatlai leh gulpi tuh na chil ek ding hi.

¹⁴Ka tunga a itna a ngak jiakin amah ka humbit dinga: ka min a theih jiakin mun sangah ka khatou ding hi.

¹⁵Aman honsam dinga, huan, ka dawng ding; kei tuh mangbat laiin a kiangah ka om dinga: amah tuh ka humbitin ka pahtawi ding hi.Damsawtnain ka hihlungkim dinga, ka hotdamna leng ka musak ding hi.

¹⁶Damsawtnain ka hihlungkim dinga, ka hotdamna leng ka musak ding hi.