Read Paite Psalms 92 Bible Online

Psalms 92 - Paite bible

Psalms 92

¹TOUPA kianga kipahthu gen leh, Tungnungpen aw, na min phata lasak tuh thilhoih tak ahi a:

²Jingsanga na chitna hihlat leh, jan tenga na ginomna hihlat,

³Thil tum theih gui sawm neite, pekging te, kaihging tum khasiathuaite toh, a hoih hi.

⁴TOUPA, nang na nasepin non kipaksak ngala: na khut thilhihte jiakin nuamin la ka sa ding hi.

⁵TOUPA aw, na thilhihte thupi hina tele! na ngaihtuahnate tuh a thuk nalawmlawm e!

⁶Mi mawlin hiai tuh a theikei hi; mi haiin a theisiam sam kei hi:

⁷Mi gilou-saloute loupa banga a hongnou ua, thilhihkhialte tengteng a hongphat letlot un, khantawn a dinga hihmana hongom ding uh a ahi, chih.

⁸TOUPA aw, nang jaw khantawna ding sangpi a om tawntung na hi.

⁹TOUPA aw, ngai dih, nang hondoute, ngai dih, nang hondoute mangthang dek uhi; thilhihkhialte tengteng hihjakin a om vek ding uhi.

¹⁰Himahleh ka ki tuh gam bawngtal ki bangin na pahtawia: thau thaka nilh ka hita hi.

¹¹Ka mitin leng ka galte tunga ka thudeih a mu dia, ka bilin kei hondou gilou-saloute tunga ka thudeih a za ding.

¹²Mi diktat tuh tum bangin a pha zeizoia dinga: Lebanon tanga sidar sing bangin a khang huthut ding hi.

¹³TOUPA inn a suante tuh I Pathian biakin huang sung inntual ah a pha zeizoi ding hi.

¹⁴Upat nungin leng a gah lailai ding uhi; tui pai kiihkeihin a hing didip ding uhi.TOUPA tuh mi diktat ahi chih theihsakna dingin: amah tuh ka suangpi ahi a, amah ah diktatlouhna himhim aom kei hi.

¹⁵TOUPA tuh mi diktat ahi chih theihsakna dingin: amah tuh ka suangpi ahi a, amah ah diktatlouhna himhim aom kei hi.