Read Paite Psalms 94 Bible Online

Psalms 94 - Paite bible

Psalms 94

¹TOUPA aw, nang phulakna thunei Pathian, nang phulakna thunei, Pathian, vak khiain.

²Nang leia vaihawmpa, kisa inla: kisatheite tuh a gitlouhman uh thuk in.

³TOUPA, mi gilou-saloute bangtan ahi, mi gilou-saloute bangtan ahia a vualzoh ding uh?

⁴Amau tuh a mawk pau ua, kisathei takin thu a gen ua: thilhihkhialte tengteng tuh a kiphat tawm uhi.

⁵TOUPA aw, na mite a keknen sak ua, na gouluah tuh a hihgim uhi.

⁶Meithai leh mikhual a that ua, pa neilou tuh a that uhi.

⁷TOUPAN a mu kei ding, Jakobte Pathianin a ngaihtuah sam kei ding, a chi uhi.

⁸Mi laka mi mawlte aw, ngaihtuah un: mi haite aw, chikchiangin ahia na pil ding uh?

⁹Bil phutpan a za kei dia hia? Mitsiampan a mu kei dia hia?

¹⁰Nam chih thuzohpana taihilh kei dia hia, mihing pilna hilhpan?

¹¹TOUPAN mihing ngaihtuahte bangmahlou phet ahi chih a theia.

¹²TOUPA aw, mi na thuzoha, na dan thu akipan na hilhmi a hampha hi.

¹³Mi gilou adia kokhuk toha a om masiah, mangbat nite na khawlsan theihsakna din,

¹⁴TOUPAN a mite a pia khe dek ngal keia, a goutan tuh a paisan sam kei ding hi.

¹⁵Vaihawmna tuh diktatna lamah a kik nawn dia: lungtang diktak pu tengtengin huai a jui ding uhi.

¹⁶Kua ahia thilhoihlou hihte hondou sak dinga kisa ding? Kua ahia thilhihkhialte hondou sak dinga ding ding?

¹⁷TOUPA honpanpihpa hi kei leh, ka hinna tuh kintakinmun dai ah a omta ding hi.

¹⁸Ka khe a teua, ka chihin, aw TOUPA, na chitnain a hon kai hi.

¹⁹Ka lungsima ngaihtuah tampi ka neih laiin, na khamuannaten ka hinna a hihnuam jel hi.

²⁰Gitlouh-satlouhna laltutphah, dana thilhihkhelhna omsakin, nang honkithuahpihna a nei dia hia?

²¹Mi diktat hinna sual tumin a pungkhawm duamduam ua, sisan gensiatbei tuh siamlouh a tangsak nak uhi.

²²Himahleh TOUPA tuh ka insang ahi a: ka Pahtian jaw ka kihumbitna suangpi ahi.Aman tuh amau khelhna ngei a tunguah a kesaka, amau hoihlouhna mahah a hihmangthang dinga; TOUPA I Pathianin a hihmang ding hi.

²³Aman tuh amau khelhna ngei a tunguah a kesaka, amau hoihlouhna mahah a hihmangthang dinga; TOUPA I Pathianin a hihmang ding hi.