Read Paite Psalms 95 Bible Online

Psalms 95 - Paite bible

Psalms 95

¹Aw hongpai un, TOUPA pahtawiin nuamtakin la I sa ding uh: I hotdamna suangpi pahtawiin nuam takin I kikou ding uhi.

²Kipahthu genin a maah pai ni e, phatna lasaa amah pahtawiin nuam takin aw isuah ding uhi.

³TOUPA Pathian a thupi mahmah jiakin, Pathian tengteng tungah Kumpipa thupitak ahi.

⁴Amah khut ah lei mun thuktakte tuh a oma: mualdawn sang takte leng amaha mah ahi.

⁵Tuipi amaha ahi a, amah bawl ahi ngala; gam leng a khut suak ahi.

⁶Aw hongpai unla, biain kun ni e: TOUPA honsiampa maah i khukdin ding uh.

⁷Amah tuh i Pathian a hi-a, eite tuh a gantatna muna mite leh, a khuta belamte I hi ngal ua. Tuniin a aw na zak uleh,

⁸Meribaa a hih bang un na lungtang uh khauhsak kei un, gamdaia Massah ni bangin:

⁹Huailaiin na pipute un honkhem ua, honzeet ua, ka thilhih tuh a mu uhi.

¹⁰Kum sawmli sung hilhial huai suante tungah ka lunghikei hi. A lungtang ua ngaihkhelh hat mi ahi ua, ka lampite leng a theikei uhi, ka chi a:Huaijiakin, Ka khawlna ah a lutkei ding uh, chiin, hehin ka kichiam hi.

¹¹Huaijiakin, Ka khawlna ah a lutkei ding uh, chiin, hehin ka kichiam hi.