Read Paite Psalms 97 Bible Online

Psalms 97 - Paite bible

Psalms 97

¹TOUPA kumpipain a tu-a; lei tuh nuam takin om hen; tuikulh gam tampi takte tuh kipak takin om hen.

²Meite leh mial sah bekbuk tuh a kimah a oma; diktatna vaihawmna dik tuh a laltutphah kingakna hi.

³A ma lamah mei a paia, a kima amah galte tuh a kangmang hi.

⁴A khophiaten khovel a salvak zolhzolha: leiin a mu a, a ling hi.

⁵Tangte khuainun bangin TOUPA maah a zul khina, khovel tengteng TOUPA maah.

⁶Vanten a diktatna a tangkoupih jel ua, mi khempeuhin a thupidan a muta uhi.

⁷Milim siamtawm nasemte tengteng zahlakin om uhen, milim suangte mah: nou pathian tengteng aw, amah bia un.

⁸Zion tangin a jaa, kipak takin a oma, Judia tanute leng nuamsa takin aom uh; TOUPA aw, na vaihawmte jiakin.

⁹TOUPA, nang tuh leitung tengteng tung pekah pahtawiin na om hi.

¹⁰TOUPA itte, aw, gilou lehngatsan un: aman a mi siangthoute hinna a vom hoiha; amau tuh mi gilousalou khut akipan a humbit nak hi.

¹¹Mi diktat adingin khua a vaka, lungtang diktakpu adingin kipahna a om hi.Mi diktatte aw, TOUPA ah kipak takin om unla; a min siangthou tuh phat un.

¹²Mi diktatte aw, TOUPA ah kipak takin om unla; a min siangthou tuh phat un.