Read Paite Proverbs 10 Bible Online

Proverbs 10 - Paite bible

Proverbs 10

¹Solomon paunakte. Tapa pilin pa kipak a bawl: Himahleh tapa hai a nu gikna ahi.

²Gitlouhna sumten bangmah a lohtak kei: himahleh diktatnain sihna akipan a tankhia.

³TOUPAN mi diktat kha a kialsih a phal kei ding; himahleh migilou akipan a tankhia.

⁴Khut zeol zanga thilhihmi a honggentheia: himahleh mi thanuam khutin hauhsakna a bawl hi.

⁵Nipi laia lakhawmpa tapa pil ahi: himahleh pawltak huna ihmupa zumhuaina omsak tapa ahi.

⁶Midiktat lu tungah vualjawlnate a oma: himahleh migilou kam hiamgamna in a tuam hi.

⁷Midik theihgigena a nuama: himahleh mi gilou min a muat mang ding.

⁸Lungtanga pilin thupiakte a sang dinga: himahleh mihai haihama puk ding.

⁹tang taka pai hoihtakin a paia: himahleh a lampite kilawmlousak theih in a om ding hi.

¹⁰Amita chiamtehna bawlin lungkham na a omsaka; himahleh mihai haiham a puk ding.

¹¹Mi diktat kam hinna tuikhuk ahi: himahleh hiamgamna in gilou kam a tuam hi.

¹²Huatna in kidouna a tokthou, himahleh itna in tatlekna tengteng a khuh hi.

¹³Theihkak theihna neimi muk ah pilna muhin a om: himahleh chiang theihsiamna neilou mi nungjang a ding ahi.

¹⁴Mi pilten theihna a khol khawm ua: himahleh mihai kamin siatna a neih.

¹⁵Mi haisa hauhsakna a khopi muanhuai ahi: mi genthei siatna a gentheih uh ahi.

¹⁶Mi diktat sepgimna in hinna a juana; gilou punna in khelhna lam.

¹⁷Bawlhoihna limsak hinna lampi ah a om a: himahleh salhna donlou a paikhial hi.

¹⁸Huatna sel juautheimukte a kipan ahia; huan mi gensiatna gen mihai ahi.

¹⁹Thu tampite ah tatlekna a omlou keia: himahleh a mikte thuzoh in piltakin a hih ahi.

²⁰Mi diktat lei dangka hoihpen bang ahi: migilou lungtang a thamatna neuchik ahi.

²¹Mi diktat mukten mi tampi a vaka: himahleh mihaite theihsiamna taksap jiakin a si uh.

²²Toupa vualjawl na in, hauhsakna a bawl a, huan huaiah lungkham na a behlap kei hi.

²³Gitlouhna hih mihai a dingin ki sukhalh na bang ahi: huan huchibang in theisiam mi a dingin pilna ahi.

²⁴Mi gilou launa, amah tungah a hongtung ding: midiktat deih phal in a om ding hi.

²⁵Pingpei in a honkhen chiangin, migilou a om nawn kei: himahleh mi diktat khantawn suangphum ahi.

²⁶zuthuk in ha a suksiat bangin meikhu in mit a susia a, huchibang mah in amah sawlte a dingin mi zongjaw tuh a om hi.

²⁷Toupa kihtakin nite a sausaka himahleh mi gilou kumte hihtom ahi ding.

²⁸Mi diktat lametna kipahna ahi ding, himahleh mi gilou lametna a mangthang ding.

²⁹Toupa lampi mi tante a dingin kulh muanhuai ahi; himahleh migilou nasemmite a dingin siatna ahi.

³⁰Mi diktat suan mang ahi ngeikei ding: himahleh mi gilou gamsungah a teng kei ding hi.

³¹Mi diktat kamin pilna a hontun a: himahleh lei ginalou satkhiak iin a om ding.Mi diktat mukten laktuak bang ahia a theia, himahleh migilou kamin ginatlouhna a gen hi.

³²Mi diktat mukten laktuak bang ahia a theia, himahleh migilou kamin ginatlouhna a gen hi.