Read Paite Proverbs 12 Bible Online

Proverbs 12 - Paite bible

Proverbs 12

¹Kuapeuh bawl hoih na it in theih na a it hi: himahleh kuapeuh salhna hua ahai ahi.

²Mi hoih in Toupa deihsak na a loh ding: himahleh mi gilou ngaihtuah mipa moh a tang sak ding.

³Gitlouh na in mi a phutkip kei ding: himahleh diktat jung a kisuan ngeikei ding.

⁴Numei hoih a pasal a dingin manglukhu ah: himahleh zumhuai bawl nu a guhte ah muat na bang ahi.

⁵Mi diktat ngaihtuah na a dik a: himahleh mi gilou thu te khem na ahi.

⁶Mi gilou thute sisan suah dia buk na ahi a: himahleh mi tang kam amau a suaktasak ding hi.

⁷Mi gilou te zoh in a om ua, huan a om kei uh: himahleh mi diktat te inn a ding ding.

⁸Mihing a pilna bangbang a phat in a om ding: himahleh kuapeuh lungtang hoih lou muhsit in a om ding.

⁹Kuapeuh amah kingai thupi a, tanghou neilou mi sang in kuapeuh zahtak zek a om a sikha nei mi a hoih jaw.

¹⁰Mi diktat in a gan hinna a limsak hi: himahleh mi gilou chitna nemte a khel mahmah.

¹¹Kuapeuh a gam lei let in tanghou tampi a nei ding: himahleh mi bang mah lou nung delh mi theihsiam na bei ahi.

¹²Mi gilou in mi gilou te len a deih a: himahleh mi diktat te zung in gah a suang hi.

¹³Mukte taklek na ah mi gilou a ding in thang a om a: himahleh mi diktat buai na a kipan a hong pao khe ding.

¹⁴Amuk gah in mi hoih a tai in a om dinga: huan mihing khut te hih te a kinga piak ahi ding.

¹⁵Mihai lampi amah mit ah a dik a; himahleh kuapeuh a pil in thupha a ngai khai hi.

¹⁶Mihai buai na tu mahmah a theih ahi: himahleh mi pilvang in zahlak na a sel.

¹⁷Kuapeuh thutak gen in diktat na a ensak a, himahleh palai juau in khemna.

¹⁸Namsau sut banga pilvang lou taka pau a om a: himahleh mipil lei dam na ahi.

¹⁹Thutak lei khantawn in hih kipin a om ding: himahleh lei juau thei jaw mitphiat kal khat leh a ding leh ahi.

²⁰Gilou gel te lungtang ah khemna a om: himahleh lemna thupha gente kiangah nuam na a om hi.

²¹Mi diktat te kiangah siat na a hong tung kei dia: himahleh mi gilou gilou in dim ding.

²²Muk juau thei te Toupa a dingin kih huai ahi: himahleh mi diktak a hih te a kipah na ahi uh.

²³Mi pilvangin theih na a sel a: himahleh mi hai lungtang in hai na a phuang khia.

²⁴Mi thanuam khut in vaihawm na a po dia: himahleh mithadah sep ding nuai a koih in a om ding hi.

²⁵Mi lungtang gikna in a kun saka; himahleh thu hoih in a kipaksak hi.

²⁶Mi diktat a innveng a dingin pitu ahi a: himahleh mi gilou lampi in a maute a pai khial sak hi.

²⁷Mi thadah in a gam vakna a amat a hau keia: himahleh mite van manpha mi thanuam a ding ahi.Diktatna lampi ah hinna a om; huai a lampi ah sih na a om kei.

²⁸Diktatna lampi ah hinna a om; huai a lampi ah sih na a om kei.