Read Paite Proverbs 13 Bible Online

Proverbs 13 - Paite bible

Proverbs 13

¹Tapa pilin a pa hilhna a jaa: himahleh musittuin a salhna a za kei.

²Min a kam gahin hoih a ne ding hi: himahleh lepchiah mi khain hiamgamna a ne ding hi.

³Kuapeuh a kam vengin a hinna a voma: himahleh kuapeuh a mukte hong jain siatna a nei ding.

⁴Thadah khain a deiha, bangmah a neikei: himahleh thanuam kha thausakin a om ding.

⁵Mi diktatin juau a hua: himahleh mi gilou huathuai ahia, zumna a tung sek.

⁶Lampia mi tang amah diktatnain a veng: himahleh mikhial jaw gitlouhnain a man hi.

⁷Amah leh amah hausaa kibawl a om, himahleh bangmah a neikei: amah leh amah genthei a kibawl a om, himahleh hauhsakna thupi a nei hi.

⁸Mihing hinna tatman a hausakna ahi: himahleh gentheiin vaulauna a za kei hi.

⁹Mi diktat vakna a kipaka: himahleh mi gilou khawnvak a kithat ding.

¹⁰Kisaktheih jiakin kiselna kia a honga: himahleh hoihtaka thuhilh pilna ahi.

¹¹Bangmahloua hauhsakna muh a kiam ding: himahleh sepgimna jiaka lakhawm a pung ding hi.

¹²Lametna hal sawtin lungtang a china saka: himahleh deih a hongtun chiangin, hinna sing ahi.

¹³Kuapeuh thu musitin a tungah siatna a tun hi: himahleh kuapeuh thupiak kihta kipahmah piakin a om ding.

¹⁴Mi pil dan hinna tuikhuk ahi, sihna thangtea kipana paimangna ding.

¹⁵Theihsiamna hoihin deihsakna a piaa: himahleh lepchiah mi lampi a phok hi.

¹⁶Mi pilvang peuhmahin theihna tohin na a sema: himahleh mi haiin diklouhna a theh jak.

¹⁷Sawltak gilou hoihlou ah a puka: himahleh sikadingmi muanhuai danna ahi.

¹⁸Gentheihna leh zumna bawlhoihna nial kiangah a om dia: himahleh salhna limsak zahtakin a om ding.

¹⁹Deih hihpichin khaa dingin a nuama: himahleh gilou akipan paimang mihaite adingin kihhuai ahi.

²⁰Mi pilte toh tonin, huchiin na pil ding: himahleh mi haite kithuahpihin huaijiakin a thuak ding.

²¹Hoihlouin mikhialte a delha: himahleh diktatmi hoiha thukin a om ding hi.

²²Mi hoihin gouluah a tate tate kiangah a nutsiat; mikhial hausakna mi diktat adia kholkhawmin a om hi.

²³Genthei loukhouhna ah an tampi a om: himahleh diklouhna jiaka suksiat a om hi.

²⁴Kuapeuh achiang zang louin a tapa a mudaha: himahleh amah itin amah thanuamtakin a sawi jel hi.Mi diktatin a kha lungkimna tanin a nea: himahleh mi gilou gilpi a tasam ding.

²⁵Mi diktatin a kha lungkimna tanin a nea: himahleh mi gilou gilpi a tasam ding.