Read Paite Proverbs 15 Bible Online

Proverbs 15 - Paite bible

Proverbs 15

¹Dawnna nemin thangpaihna a hei manga: himahleh thu siain hehna a tokthou hi.

²Mi pil leiin theihna a gen dika: himahleh mi haite kamin haina a sung khia.

³TOUPA mitte mun chitengah a oma, hoihlou leh hoih veng gigein.

⁴Lei damthei hinna sing ahi: himahleh huaia kilawmlouhna kha sukkhapna ahi.

⁵Mi haiin a pa bawlhoihna a musita: himahleh kuapeuh salhna limsakin pilvanna a mu hi.

⁶Mi diktat in ah gou tampi a om: himahleh mi gilou summuhna buaina ahi.

⁷Mi pil mukten theihna a phalha: himahleh mihai lungtangin huchibangin a hih kei.

⁸Mi gilou kithoihna TOUPA adingin kihhuai ahi: himahleh mi tang thumna a kipahna ahi.

⁹Migilou lampi TOUPA adingin kihhuai ahi: himahleh kuapeuh diktatna jui a it hi.

¹⁰Lampi manghilhmi amah adingin bawlhohna haksatak a oma: huan kuapeuh taihilhna mudah a si ding.

¹¹Seol leh Abaddon TOUPA maah a om uh: mite tate lungtangte bangzah pheta tamzaw ade aw:

¹²Musitmin salha om nuam a sa kei: mi pil kiang a juan kei ding hi.

¹³Lungtang nuamin mel kipak a bawla: himahleh lungtang dalhna jiakin lungsim a puakkham hi.

¹⁴Theihsiamna nei lungtangin theihna a zong: himahleh mi haite kam hainain a kivak hi.

¹⁵Gimthuak nite tengteng hoihlou ahi: himahleh kuapeuh lungtang kipakin ankuang luina a nei gige hi.

¹⁶Tawm chik a hoihjaw TOUPA launa toh, huaia gou thupi leh buaina sangin.

¹⁷Itna omnaa antehlouhing nekding a hoihjaw, bawngtal thau leh huaia muhdahna sangin.

¹⁸Mi thangpaiin kinialna a tokthoua: himahleh kuapeuh heh hakin kinakna a damsak hi.

¹⁹Thadah lampi ling daikalh bang ahi: himahleh mi tang lampi lam liana bawl ahi.

²⁰Tapa pilin pa kipak a bawla: himahleh mi haiin a nu a musit hi.

²¹Pilna beia dingin haina nuamsakna ahi: himahleh theisiam miin a paina a tangsak hi.

²²Thupha omlouhna ah, thiltupte a vuaksuak: himahleh thupha gen tam na ah hihkipin a om uh.

²³A kama dawnna ah min nuamsakna a nei: huan a huna thu khat, hoih hina mah e:

²⁴Mi pil adingin hinna lampi a pai toua, nuai lama Seol akipan a pai mang theihna dingin.

²⁵TOUPAN kisathei in a zungkalh khiak ding: himahleh meithai gamgi a hihkip ding.

²⁶Lunggel giloute TOUPA adingin a kihhuaia: himahleh lungsim siangthoute thugen amah kipah lam ahi.

²⁷Punnaa duhgawlin amah in a hihtuaia: himahleh kuapeuh thilpiak hua a hing ding.

²⁸Mi diktat lungtangin dawng dingin a kisina: himahleh mi gilou kamin thil hoihlou a sung khia.

²⁹TOUPA mi gilou akipan gamla ah a oma: himahleh mi diktat thumna a ja hi.

³⁰Mitte vaknain lungtang a kipak saka: huan tanchin hoihin guhte a thausak hi.

³¹Hinna taihilhnate ngaikhia bil mi pilte lakah a om gige ding.

³²Kuapeuh bawlhoihna nialin amah kha a musit ahi: Himahleh kuapeuh taihilhna ngaikhiain theihsiamna a mu hi.TOUPA kihtak pilna hilhna ahi; huan zahtakna maah kiniamkhiakna a pai hi.

³³TOUPA kihtak pilna hilhna ahi; huan zahtakna maah kiniamkhiakna a pai hi.