Read Paite Proverbs 16 Bible Online

Proverbs 16 - Paite bible

Proverbs 16

¹Lungtang kisakkholna mihinga ahi: himahleh lei dawnna TOUPA akipan ahi.

²Mihing lampi tengteng amah mit ah a sianga: himahleh TOUPAN khate a buk jel hi.

³TOUPA kiangah na nasepte kemsak inla, huan na ngaihtuahnate hihkipin a om ding hi.

⁴TOUPAN thil chiteng a tawpna dingin a bawlta: ahi, gilou nangawn gilou ni adingin.

⁵Mi chih lungtang kisathei TOUPA adingin kihhuai ahi; thei in, gawtlouhin a om kei ding.

⁶Chitna leh thutakin thulimlouhna suksiang ahi: huan TOUPA kihtaknain mite hoihlou akipan apai mang uh.

⁷Mihing lampiten TOUPA a suklungkim chiangin, a melmate nangawn amah toh kilem dingin a bawl hi.

⁸Diktatna toh tawmchik a hoihjaw diklouhna toh summuhna thupi sangin.

⁹Mihing lungtangin a lampi a ngaihtuaha: himahleh TOUPAN a kalsuante a bawlsak hi.

¹⁰Kumpipa muk ah pathian thu a om: a kamin vaihawmnate ah a talek kei ding hi.

¹¹Bukna dik leh tehna dik TOUPAA ahi uh: ip gikna tengteng a nasep ahi.

¹²Kumpipate adingin gilou hih kihhuai ahi: mangtutphah lah diktatnaa hihkip ahi ngala.

¹³Muk diktatte kumpipate kipahna ahi; huan kuapeuh a dik a it uh.

¹⁴Kumpipa thangpaihna sihna sawltakte bang ahi: himahleh mi pilin a hihlungdam ding hi.

¹⁵Kumpipa mel vakna ah hinna a om; huan a deihsakna vuah nanung meipi bang ahi.

¹⁶Pilna muh dangkaeng sangin nak hoihjawk hina e: ahi, theihsiamna muh dangka sanga tel jawk ding ahi.

¹⁷Mi tang lamlian hoihlou akipana pai mang ahi: kuapeuh a lampi kemin a kha a hawi hi.

¹⁸Kisaktheihna siatna maah a paia, huan lungsim kiuangsak pukna maah.

¹⁹Gentheite toh lungsim niamkiaka om a hoihjaw, kisathei toh gallak hawm sangin.

²⁰Kuapeuh thu limsakin hoih a mu ding: huan kuapeuh TOUPA a muang, aman nuam a sa hi.

²¹Lungtang pil pilvang a chi ding uh; huan muk khumna in sinsiamna a pungsak hi.

²²Theihsiamna huai neia dingin hinna luikhuk ahi: himahleh mi haite bawlhoihna a haina uh ahi.

²³Mi pil lungtangin a kam a hilha, huan a muk ah sinsiamna a behlap hi.

²⁴Thu kipahhuai khuaizu-khak bang ahi, khaa dia khum, guhte adia damna.

²⁵Mihing adia dika kilawm lampi a om, himahleh huai tawpna sihna lampite ahi.

²⁶Semgim mi gilkialnain amaha dingin a semgima: a kamin lah huai amah akipan a lunggulh ngala.

²⁷Mi thulimlouin siatna a ngaihtuah: huan a muk ah mei sa bang a om hi.

²⁸Mi kiuangsakin kinakna a theh jaka: huan huauhatmiin lawm bulte a khen jak hi.

²⁹Hiamgam min a inveng a khema, a hoihlou lam lampi ah a pi.

³⁰Kuapeuh a mit si, thil hoihloua ngaih ding ahi; kuapeuh a muk chihin hoihlou a hontunsak nak hi.

³¹Lutang kang thupina manglukhu ahi, diktatna lampi ah muhin a om hi.

³²Kuapeuh hehhak mihat sangin a hoihjaw; huan kuapeuh a lungsim thuzoh khopi lasangin.Angsungah ai a kisana; himahleh huaia hihpaisuakna jaw TOUPA akipan ahi.

³³Angsungah ai a kisana; himahleh huaia hihpaisuakna jaw TOUPA akipan ahi.