Read Paite Proverbs 18 Bible Online

Proverbs 18 - Paite bible

Proverbs 18

¹Kuapeuh kituamseh amah deihlam a zong hi, huan pilna hoih teng teng tungah a thangpai hi.

²Theihsiamna ah mi haiin kipahna a neikei, himahleh a lungtang a kitatlat theihna ding ahi.

³Mi gilou a hong chiangin, muhsitna leng a hongpaia, Zahtaklouhna toh zumna a hongpai.

⁴Mihing kam thute tui thukte bang ahi; pilna tuikhuk luite luang bang ahi.

⁵Gilou mi san a hoih kei, vaihawmnaa midiktat paih khiak leng.

⁶Mi hai mukte kiselna ah a luta, huan a kamin jepna a sam hi.

⁷Mi hai kam a siatna ahi, huan mukte a kha thang ahi uh.

⁸Huauhatmi thute tanghou limtak bang ahia, huan gil sungnungpen pen ah a tum suk uh.

⁹A nasepna zeol leng susemi adingin unau ahi.

¹⁰TOUPA min insang muanhuai ahi; mi diktat huaiah a tai luta, a bit hi.

¹¹Mi hau hauhsakna a khopi muan ahi, amah ngaihdana kulhbang sang tak bang.

¹²Siatna maah mihing lungtang a kiuangsaka, zahna maah kiniamkhiak na a pai hi.

¹³Kuapeuh a jak maa dawnna pia, amah adingin haina leh zumna ahi.

¹⁴Mihing lungsimin a batlouhna a dom ding; himahleh lungsim puakkham kuan a thuak zou ding!

¹⁵Mi pilvang lungtangin theihna a mu a; huan mi pil bilin theihna a zong hi.

¹⁶Mihing thilpiakin amah adingin omna a bawla, huan mi thupite maah amah a pi.

¹⁷Kuapeuh a gen masa dikin a kilang phota; himahleh a inveng a hongpaia amah a zongkhia hi.

¹⁸Aisanin kiselna a dai saka, huan mi hatte kikalah a khen hi.

¹⁹Unau hihkhasiat khopi muan sangin lak a haksa jaw: huan huchibang kiselna kulhpi sikchiangte ahi.

²⁰Mihing gilpi a kama gahin a dim ding: a mukte punnaa hihlungkimin a om ding hi.

²¹Sihna leh hinna lei thilhihtheihna ah a om; huan huai itten huai gah a ne ding uh.

²²Kuapeuh ji muin thil hoih a mu a, TOUPA akipan deihsakna a mu hi.

²³Gentheiin kamdamin a khem seka: himahleh hausain khauhtakin a dawng hi.Kuapeuh lawm tampite bawlin amah siatna a hiha: himahleh unau sanga ginom jaw lawm khat a om hi.

²⁴Kuapeuh lawm tampite bawlin amah siatna a hiha: himahleh unau sanga ginom jaw lawm khat a om hi.