Read Paite Proverbs 19 Bible Online

Proverbs 19 - Paite bible

Proverbs 19

¹Ginoma om mi genthei tuh mihau a muktea kilawm gen leh mi hai sangin a hoihjaw hi

²Huailouin, kha theihna beia a om ding a hoih kei; Huan kuapeuh a khea man-gang a khial nak hi.

³Mihing hainain a lampi a hihsiaa; huan a lungtangin TOUPA a hek.

⁴Hausaknain lawmte tampi a behlapa; himahleh mi genthei a lawm akipan khemin a om.

⁵Theihpih taklou gawt louhin a om kei ding; huan kuapeuh juau gen a suak ta kei ding.

⁶Mi tampiin mi siam deihsakna a ngen ding ua; huan mi chih thilpiakte pia adingin lawm ahi.

⁷Mi genthei unaute tengtengin amah a hua ua; amah akipan bangchia gamlain ahia a lawmte a paiuh! Thutein amau a delha, himahleh a pai khin uh.

⁸Kuapeuh pilna muin a kha a ita; kuapeuh theihsiamna kemin hoih a mu ding hi.

⁹Theihpih taklou gawt louhin a om kei dinga; kuapeuh juau gen a mangthang ding.

¹⁰Nuamtat mi hai adingin a kilawm keia; sikha lalte tunga vaihawm a kilawm kei diak.

¹¹Mihing ngentelnain amah a hehhak saka; huan a tatlekna paikan a thupina ahi.

¹²Kumpipa thangpaihna humpinelkai humham bang ahi; himahleh a deihsakna loupa tunga daitui bang ahi.

¹³Tapa hai a pa tuahsiatna ahi; huan ji hanhat a intung keh gige ahi.

¹⁴In leh hauhsaknate pate akipan gouluah ahi: himahleh ji pil TOUPA akipan ahi.

¹⁵Thadahna nakpia ihmutna ah a paia; huan mi thadahin gilkial a thuak ding.

¹⁶Kuapeuh thupiak juiin a kha a kem; himahleh kuapeuh a lampitea pilvang lou a si ding.

¹⁷Kuapeuh genthei hehpihna neiin TOUPA adingin a leitawi saka, huan a thil hoih hih amah adin nawn ding.

¹⁸Lametna a om laiin na tapa sawi in; huan a siatna dingin na lungtang koih kip hen.

¹⁹Nakpitaka thangpai min gawtna a thuak ding: amah na hut khiak leh, huaituh na hih kik nawn kul ding ahi ngala.

²⁰Thupha ja inla, hilhna sangin, na tawpna nanunga na pil theihna dingin.

²¹Mihing lungtang ah thugel tampi a oma; himahleh TOUPA thupha, huaimah a ding ding hi.

²²Mihing deih thusam a migitna tehna ahi; huan mi genthei mijuauthei sangin a hoihjaw hi.

²³TOUPA kihtak hinna lam zotna ahi; huan kuapeuh huai nei lungkimin a om gige ding; giloua vehin a om kei ding hi.

²⁴Mi thadahin kuangsung ah a khut a phuma, huchiin a kam ah huai tuh a hontun nawn ngap kei hi.

²⁵Simmohhat sat in, mi mawlin pilvangdana sin ding; huan theih siamna nei salin, huan theihna a theisiam ding.

²⁶Kuapeuh a pa tunga hiamgama, a nu delh mang, zumna omsak leh simmohna tun tapa ahi.

²⁷Theihna thute akipana lammang lel din, ka tapa, hilhna jak tawp in.

²⁸Theihpihmi phattuamna neilouin vaihawmna a simmoh: Huan mi gilou kamin thulimlouhna a nawmvalh hi.Muhsithatmi adingin vaihawmnate bawlkholhsa ahi, mihai nungjang adingin vuaknate.

²⁹Muhsithatmi adingin vaihawmnate bawlkholhsa ahi, mihai nungjang adingin vuaknate.