Read Paite Proverbs 21 Bible Online

Proverbs 21 - Paite bible

Proverbs 21

¹Kumpipa lungtang Toupa khuta om ahi tuilampite bangain; a utna lamlam ah a hei hi.

²Mihing lampi chiteng amah mit ah a dik a; himahleh TOUPAN lungtangte a buk hi.

³Diktatna leh vaihawmna hih kithoihna sangin TOUPA adingin a laktak jaw hi.

⁴Mit-hah sang leh, lungtang kisathei, mi gilou khawnvak nasan, khwlhna ahi.

⁵Mi pil ngaihtuahnaten hauhsakna lam kia a nawta; himahleh mi chih kinohhat taksapna lam kiaah a kinoh hi.

⁶Lei juautheia gou muh tuimei langkhat langkhata mutleng bang ahi; huaite zong min sihna a zong uh.

⁷Mi gilou hiamgamnain amaute a tai mang ding, vaihawmna hih a nial jiakun.

⁸Amah mohnaa dimpa lampi a kawi mahmah; himahleh misiangthou a hihleh, a thilhih a dik ahi.

⁹Intungvum ninga ten a hoihjaw, in zapisunga numei selhat toh ten sangin.

¹⁰Mi gilou khain hoihlou a deiha; a invengin a mit ah deihsakna a mu kei hi.

¹¹Muhsithatmi gawta a om chiangin, mi pil mawl bawl pilin a om hi; huan mi pil hilha a om chiangin, theihna a mu hi.

¹²Mi diktatin mi gilou inkuan a ngaihtuah; mi giloute amau siatna dingin vuallela a omdan uh.

¹³Kuapeuh genthei kahnaa bil hum, amah leng a kap ding, himahleh jakin a om kei ding.

¹⁴Aguka thilpiakin hehna a nemzou huan angsunga vantawiin heh mahmahna.

¹⁵Mi diktat adingin vaihawmna hih kipahna ahi, himahleh thulimlou hihte adingin siatna ahi.

¹⁶Theihsiamna lampi lampi akipan vak mang mi misite kikhopna ah a khawl ding.

¹⁷Kuapeuh nopbawlna it mi genthei ahi ding; kuapeuh uain leh sathau hai a hau kei ding uh.

¹⁸Mi gilou diktatmi adingin tatnasum ahia, huan mi lepchiah mi tang mun ah a hongpai hi.

¹⁹Gam keua ten a hoihjaw, numei kiselhat leh kinakhat kiang sangin.

²⁰Mi pil tenna ah gou leh sathau manpha a om; himahleh mi haiin huaituh a nawmvalh vek hi.

²¹Kuapeuh diktatna leh chitna delhin hinna, diktatna leh zahtakhuaina a mu ding.

²²Mi pil mihatte khopi ah a kaha, huailaia muanna hatna a phel hi.

²³Kuapeuh kamsima, pau louin buainate akipan a kha a kem hoih hi.

²⁴Mi kasathei leh uang, amin muhsithat ahi, kisakthiehna otsaknain thil a hih jel hi.

²⁵Thadahmi deihin amah a thata; a khutten sepgim a nial ngal uh.

²⁶Nituma duhgawl taka huaiham a oma; himahleh mi diktatin a pia a, a it kei hi.

²⁷Mi gilou kithoihna kikhuai ahi, lungsimgilou toh huau sem ahi de aw!

²⁸Theihpih juauthei a mangthang ding; himahleh a ja min kalhvuallouhin thu a gending.

²⁹Mi gilouin a maitang a taksaka himahleh mi tang ahihlebel, a lampite a bawlhoih hi.

³⁰TOUPA kalhin pilna hiam theihsiamna hiam thupha hiam a om kei hi.Kidou ni adingin sakol bawlsa ahi; himahleh Vualzohna TOUPA ahi.

³¹Kidou ni adingin sakol bawlsa ahi; himahleh Vualzohna TOUPA ahi.