Read Paite Proverbs 22 Bible Online

Proverbs 22 - Paite bible

Proverbs 22

¹Hauhsakna thupite sangin min hoih tel jawk ding ahi, dangka leh dangkaeng sangin deihsakna a ithuai.

²Hausa leh genthei a kituak khawm ua, amaute teng bawl TOUPA ahi.

³Mi pilvangin hoihlou a mu a, a bu. Himahleh mi mawlin a phu jela, a thuak loh hi.

⁴Kiniamkhiakna leh Toupa kihtakna lohtak hausaknate, zahtakhuaina leh hinna ahi.

⁵Lingte leh tangte mi hoihlou lampi ah a om: kuapeuh a kha kemin huaite a gamlat ding hi.

⁶A paina ding lampi ah naupang chil in, huan a upat hun nangawnin leng huai akipan a paimang kei ding hi.

⁷Mihauin genthei tungah vai a hawma, huan leitawimi leitawisakmi adingin sikha ahi.

⁸Kuapeuh thulumlouhna tuhin tuahsia a la ding: huan a hehna chiang a lohching kei ding.

⁹Kuapeuh khuttawilian mit nei vualjawlin a om ding: mi genthei kianga a tanghou akipan a piak jiakin.

¹⁰Muhsitnatmi delh khia in, huan kinakna a pai khe ding hi: ahi, kisualna leh zumhuaina a tawp ding.

¹¹Kuapeuhlungtang siangthouna it, a mukte deihhuaina jiakin kumpipa a lawm ahi ding hi.

¹²Theihna nei amah TOUPA mitin a vom hoih ding, himahleh lepchiah mi thute a pai ahi.

¹³Thadahin, Po lamah humpinelkai a om: kongzing ah thahin om ding, a chi.

¹⁴Numei lamdangte kam kokhuk thuk ahi: kuapeuh TOUPA kihmi huaiah a ke lut ding.

¹⁵Haina naupang lungtang sunga hen lopin a oma: himahleh bawldikna chiangin amah akipan gamla pi-ah a delhkhe ding.

¹⁶Kuapeuh a punna khansakna dia mi genthei nuaisiaha, kuapeuh mi hau kianga pia, taksapna a tung lel hi.

¹⁷Na bil doh inla, mi pil thute ja in, huan ka theihna lamah na lungtang suk in.

¹⁸Na sunga na kep leh thil nuam ahi ngala, na muka hihkip khawma a om aleh.

¹⁹Na muanna TOUPA ah a hih theihna dingin, tunniin na kiangah, nang mahmah kiangah ka theisak hi.

²⁰Thuphate leh theihna tungtanga thil hoih penpente na kiangah ka gelhkhinta kei maw.

²¹Thutak thutea taktakna nang hontheisak dingin, huchia amau nang honsawlte kianga thutak thute na puak kik theihna dingin?

²²A gentheih jiakin, genthei lok ken, kongpi ah gimthuak leng nuaisiah sam ken.

²³TOUPAN lah a thu uh a gen sin ngala, amau lokte hinna a lok ding hi.

²⁴Mi hehmi toh kijawl kenla, huan thangpaihhatmi toh kithuah ken.

²⁵A lampite na sin kha dia, na kha adingin thang na mu kha ding hi.

²⁶Khutbengte laka khat hikenla, ahihkeileh leibate jiaka mohkhu apangate laka leng hi sam ken.

²⁷Piak ding na neih kei leh, bangdinga na nuaia kipan na lupna lamang ding ahia?

²⁸Na pipute koihkipsa, tanga gamgi suan ken.A nasepa kizen mi na mu hia? Kumpipate maah a ding dinga: mi thulimloute maah a ding kei ding hi.

²⁹A nasepa kizen mi na mu hia? Kumpipate maah a ding dinga: mi thulimloute maah a ding kei ding hi.