Read Paite Proverbs 25 Bible Online

Proverbs 25 - Paite bible

Proverbs 25

¹Nipi laia vuk bangin leh, pawltak laia vuah bangin, huai bangin zahtakhuaina mihai adingin a kilawn kei hi.

²Kawlgit a vakvai bangin, phialphiah a len lai bangin, huchimahbangin hamsia bulneilou a tangtung kei.

³Zepna sakol ading, kamkaihna sabengtung ading, huan chiang mihaite nungjang ading.

⁴Mihai a haina dungjuin dawng ken, huchilouinjaw nang leng amah na bang kha ding.

⁵Mihai a haina bangin dawng in, amah kideihna ah a pil kha ding hi.

⁶Kuapeuh mihai khuta thu khakin amah khete a tan khiaa, siatna ding a dawn hi.

⁷Khebai khete a kikhai nelnel: huaibangmahin mihaite kam sunga gentehna ahi.

⁸Suang chiankhawma suangmanpha ip bang in, huaibangin kuapeuh zahtak-huaina mihai kianga pai ahi.

⁹Zukhamhat khute lut tou ling bangin, huaibangmahin mihaite kam sunga gentehna ahi.

¹⁰Mihai leh mi vialvak guaimi, thalkapsiammi liamsak jelmi bang ahi.

¹¹Ui amah luak lama kik nawn bangin, huaimah bangin a haina sunzom mihai ahi.

¹²Amah kideihnaa pil mi na mu hi? Amah akipan sangin mihai akipan lametna a om jaw hi.

¹³Pawltak huan vuk vot bangin, huchiin sawltak ginom amah sawlte adingin ahi; a pute kha lah a hihhalh ngala,

¹⁴Vuah pai lou meipite leh huih bangin, huchiin kuapeuhdikloutaka a thilpiaktea kiuangsak ahi hi.

¹⁵Dohtheih mahmahnain, vaihawmpa thuzoh ahi, huan lei nemin guh a hih tan ding.

¹⁶Khuaju na muta hia? nang adia hun lel ne in; huchilouin jaw na vah dinga, na lo kha ding hi.

¹⁷Na inveng in ah na khe vang sakin; huchilouinjaw a honchimtakin, a honmudah kha ding.

¹⁸Mi a inveng siatna theihpih juaugen khetbuk leh, namsau leh, thal hiam ahi.

¹⁹Buai huna mi ginomloua muanna ha tong bang leh, khepek guh kilawi bang ahi.

²⁰Mi kho vot laia puansilh suah bangin kuapeuh lungtang gik adinga lasa ahi.

²¹Na melma a gil a kial leh, nekding tanghou amah pia in, huan a dang a tak leh, dawn ding tui amah pia in:

²²A lu tunga meiam sek khawm lah na hi ngala, huan TOUPAN ki pahman nang a honpe ding hi.

²³Mal huihin vuah a honzu sak paha; huchibangin migensiatna leiin heh mel a bawl hi.

²⁴In tung ninga ten, in sung jaa kiselhat numei toh tenkhawm sangin a hoih jaw.

²⁵Kha dangtaka dia tui vote bangin, huai banging am gamla akipan tanchin hoih tuh ahi.

²⁶Tuikhuk suknit leh, tuinak hihsiat bangin, huchibang mi diktat mi gilou maa lampi pia tuh ahi.

²⁷Khuaiju tampi nek a hoih kei: huchimahbangin mite dingin amau thupina zon khiak thupina ahi kei.Amah a lungsim thuzohna bei khopi chimsa leh bang neilou bang ahi.

²⁸Amah a lungsim thuzohna bei khopi chimsa leh bang neilou bang ahi.