Read Paite Proverbs 26 Bible Online

Proverbs 26 - Paite bible

Proverbs 26

¹Nipi laia vuk bangin leh, pawltak laia vuah bangin, huai bangin zahtakhuaina mihai adingin a kilawn kei hi.

²Kawlgit a vakvai bangin, phialphiah a len lai bangin, huchimahbangin hamsia bulneilou a tangtung kei.

³Zepna sakol ading, kamkaihna sabengtung ading, huan chiang mihaite nungjang ading.

⁴Mihai a haina dungjuin dawng ken, huchilouinjaw nang leng amah na bang kha ding.

⁵Mihai a haina bangin dawng in, amah kideihna ah a pil kha ding hi.

⁶Kuapeuh mihai khuta thu khakin amah khete a tan khiaa, siatna ding a dawn hi.

⁷Khebai khete a kikhai nelnel: huaibangmahin mihaite kam sunga gentehna ahi.

⁸Suang chiankhawma suangmanpha ip bang in, huaibangin kuapeuh zahtak-huaina mihai kianga pai ahi.

⁹Zukhamhat khute lut tou ling bangin, huaibangmahin mihaite kam sunga gentehna ahi.

¹⁰Mihai leh mi vialvak guaimi, thalkapsiammi liamsak jelmi bang ahi.

¹¹Ui amah luak lama kik nawn bangin, huaimah bangin a haina sunzom mihai ahi.

¹²Amah kideihnaa pil mi na mu hi? Amah akipan sangin mihai akipan lametna a om jaw hi.

¹³Thadahin, Lampi ah humpinelkai a om; humpinelkai kongzing ah a om, a chi.

¹⁴Kongkhak a kopja ah a kihei jel bangin, huaibangin thadah a lupna tungah a om.

¹⁵Thadahin kuang sungah a khut a thun; huaituh a kam tun nawn dingin a ngap kei hi.

¹⁶Thadah amah kideihna ah a piljaw, a san pe thei ding mi sagih sangin.

¹⁷Kuapeuh paisuak a, amaha hilou kinakna a kihihbuai, ui a bila man bang ahi.

¹⁸Mihai meiekte, thal leh sihna pai bang in;

¹⁹Huaibangin mi a inveng khema, Chiamnuih ka hika hia? chi bangin a om hi.

²⁰Sing taksap jiakin mei a mit a: huan huauhatmi om louhna ah, kinakna a bei hi.

²¹Suangkuangtheite meisum sa a ding bangin leh sing mei a ding bangin: huchibang kinak hat mi kilanna uangsak ahi.

²²Huauhatmi thute an limtak bang ahi, huan gilpi sungnungpen ah a tumsuk hi.

²³Leibel limlangtuia luan bangin lungtang gilou muk a zolin a nal!

²⁴Mihuathatmiin a muk in a theh dalh a, a lungtang in khemna a pai.

²⁵Kilawmna thu a gen chiang in, amah um ken; a lungtang ah lah kihhuai sagih a om ngala:

²⁶A huatna zekhemna in kituam mahleh, khawmpite maah tangpi muh in a gitlouhna etsak ahi ding hi.

²⁷Kuapeuh khuk tou huaiah a ke ding: huan kuapeuh suang khuk, amah tungah hong kileh ding hi.Lei juau theiin a hihliamsate a mudaha maitangphathat kamin siatna a bawl hi.

²⁸Lei juau theiin a hihliamsate a mudaha maitangphathat kamin siatna a bawl hi.