Read Paite Proverbs 4 Bible Online

Proverbs 4 - Paite bible

Proverbs 4

¹Ka tapate, pa hilhna ja un, theihsiam na thei dingin limsak un:

²Thuginpi hoih lah ka honpe ngala; ka dan taisan kei un.

³Ka pa dingin tapa ka hi ngala, ka nu mitmuha nou leh it keleuleu.

⁴Huan a honsinsaka, ka kiangah, na lungtangin ka thute lenden hen; ka thupiakte jui inla, huan hing in:

⁵Pilna neiin, theihsiamna nei in: mangngilh ken, ka kama thute akipan lunglel ken:

⁶Huai mangngilh kenla, nang a honhawi dinga; amah it inla, aman a hon kem ding hi.

⁷Pilna thil pipen ahi; huaijiakin pilna la in: ahi, na muhsa tengteng toh theihsiamna la in.

⁸Amah pahtawi inla, a man nang honkaisangsak ding: zahtakna a hontun dia, amah na kawi laiin.

⁹Na lua dingin kilawmna kizepna a honpe dia: kilawmna manglukhu nang a honpe ding hi.

¹⁰Aw ka tapa, ka gente ja inla, sang in; huchiin na damsung kumte a tam ding hi.

¹¹Pilna lampi ah ka honkisinsaktaa; tanna lampite ah ka honpita hi.

¹²Na pai chiangin, na kalsuante haksain a om kei dia; na tai leh, na kisui puk kei ding.

¹³Hilhna kip takin lenin; pai sak ken: amah vom in; amah lah na hinna ahi ngala.

¹⁴Migiloute lampi ah lut ken, gilou mite lampi ah pai ken.

¹⁵Pel khia inla, a kiangah pai ken; kiheisan inla, pai vengveng in.

¹⁶Poi a khoih kei ngal uleh, a ihmu ngal kei ua; kuahiam a puksak kei uleh, a ihmutna uh lakmangin a om hi.

¹⁷Gitlouhna tanghou lah a ne ngal ua, hiamgamna uain a dawn uhi.

¹⁸Himahleh mi diktatte lampi khovak tung bang ahi, sunlaitak takna tang semsem.

¹⁹Migiloute lampi khomial bang ahi: a kisuihna uh a theikei uh.

²⁰Ka tapa, ka thute limsak in; ka gente ah na bil doh in.

²¹Na mitte akipan amaute lamang ken; na lungtang lakah vom in.

²²Amau mute ading in hinna ahi ngal ua, a sa uh adingin damna.

²³Thanopna tengteng toh na lungtang kem in; huai akipan lah hinna tuinakte a luang ngala.

²⁴Nang akipan kam hoihlou koih mang inla, nang akipanin muk kilawmloute gamlapiah koih in.

²⁵Na miten tang takin en uhenla, na etna na maah tang hen.

²⁶Na khe lampi pheisak inla, huan na lampi tengteng hihkipin omsak inKhut taklam ah hiam veilam ah hiam pial ken: gilou akipanin na khe suan in.

²⁷Khut taklam ah hiam veilam ah hiam pial ken: gilou akipanin na khe suan in.