Read Paite Proverbs 5 Bible Online

Proverbs 5 - Paite bible

Proverbs 5

¹Ka tapa, ka pilna limsak in; ka theihsiamna na bil doh in:

²Ngentelna na vom theihna, na mukten theihna a kep theih ding un.

³Numei lamdang mukten lah khuaiju a takkhe sak ngala, huan a kam sathau sangin a nal jaw:

⁴Himahleh a tawpna nanung gamsai bangin a khaa, namsau hiamtuah bangin ahiam hi.

⁵A khete sihna lamah a pai suka; a kalsuanten Seol a pom a len chinten;

⁶Huchiin hinna lampi phei a mu kei hi: a lampite a kip keia aman a theikei hi.

⁷Huaijiakin tuin, ka tapate, honngaikhia unla, ka kama thute akipan pai mang kei un.

⁸Amah akipanin na lampi gamla pi ah suan mangin, a in kongkhak naiah hongpai ken:

⁹Huchilouin jaw midangte kiangah na zahtakhuaina na pe kha ding a, na kumte gilou kiangah:

¹⁰Huchilouin jaw na hatna in mikhualte a vah kha ding ua, gamdang mi in ah na seogimnate a om kha ding;

¹¹Huan, na sa leh na pumpi hihgawpa a om laiin na tawpna nanung ah na sun kha ding:

¹²Huan, hilhna naza nuam lou hina tel ing e, ka lungtangin salhna namusitna tel e, na chi kha ding;

¹³hon sinsakmite aw na mang keia, kei honhilhte lam leng ka bilin ka nadoh kei:

¹⁴Omkhawmte leh kikhawmpite lakah gilou tengteng ah siatna ka nahita mahmah hi.

¹⁵nangmah tuibem akipanin tuite dawn in, nangmah tuileh akipanin tuiluang laite.

¹⁶Na tuinakneite sukthanghuai gawpa om ding hia, kongzing ahte na tui luite?

¹⁷Nangmah ading kia hi uhenla, nang kianga mikhualte ding hi louin.

¹⁸Na tuikhuk vualjawlin om hen; huan na tuailai ji ah kipak in.

¹⁹Deihhuai sazukpi leh heksiam sakhipi bang. A itna leh ngaihnatnain chik lai peuhin leng nang honlungkimsak gige hen; huan a itnaa vakin om gige in.

²⁰Bangdingin ahia, ka tapa, numei lamdang vaka om ding na hia, mikhual ang kawi ding na hia?

²¹Mihing lampite lah Toupa mit maah a om ngala, huan aman a lampi te tengteng a pheisak hi.

²²Amah thulimlouhnaten giloute aman dinga, a khelhna guitea kanin a om ding hi.Hilhna taksap jiakin a si dinga; a khelhna thupina ah a pai khial ding hi.

²³Hilhna taksap jiakin a si dinga; a khelhna thupina ah a pai khial ding hi.