Read Paite Proverbs 9 Bible Online

Proverbs 9 - Paite bible

Proverbs 9

¹Pilnain a in a lamkhina, a khuam sagihte a phuta:

²A gante a goutaa: a uain leng a helta hi; a dohkan leng a bawl khinta.

³A nungakte a sawlkhe taa, khopi munsang penpente tungah a kikou a,

⁴Mi mawl peuhmah, hiai lamah hong kihei hen: theihsiamna neilou amah tungtang ahihleh, aman a kiangah,

⁵Hongin, ka tanghou ne unla, ka helsa ka uain dawn un, a chi hi.

⁶Pai khia unla, nou mi mawlte, hing un; theihsiamna lampi ah pai un.

⁷Musitmi bawl hoihin amaha dingin zumhuaina a mu: huan kuapeuh migilou salin amah adingin minsiatna a mu.

⁸Musitmi sal dahin, nang a honho kha ding: mi pil salin, huan nang a honit ding.

⁹Mi pil kiangah hilhna pe lechin, a pilzo lai dinga: mi diktat sinsakin,

¹⁰Toupa kihtak pilna bul ahi: mi siangthou theihna theihsiamna ahi.

¹¹Kei jiakin na nite lah hihtam ahi dinga, na damsung kumte lah hihpun ahi ding hi.

¹²Na pil leh, nangmah adia pil na hi. Huan mi na muhsit leh, nang kian na po ding hi.

¹³Numei hai a aphuai; mimawl ahia, bangmah a theikei.

¹⁴Huan a in konhkhak ah a tu a, khopi munsangtea tutphah tungah,

¹⁵A vial paite sam ding, a lampite ua pai jelte,

¹⁶Mi mawlte, hiai laiah hongkihei heh: huan amah theihsiamna neilou tungtang ahihleh, aman a kiangah,

¹⁷Tui gukte a khuma, aguka tanghou nak a nuam hi, a chi.Himahleh aman huailaiah misite a om uh chi a theikei; a mi sapte Seol thuk ah a om uh chih.

¹⁸Himahleh aman huailaiah misite a om uh chi a theikei; a mi sapte Seol thuk ah a om uh chih.