Read Paite Ecclesiastes 7 Bible Online

Ecclesiastes 7 - Paite bible

Ecclesiastes 7

¹Nuhtheih mantam sangin min hoih a hoihjaw; huan mi pian ni sangin sih ni.

²Ankuangluina ina hoh sangin, sunna ina hoh a hoihjaw: huai lah mite tengteng tawpna ahi ngala; huan mihingin a lungtang taka a ngaihtuah.

³Nuih sangin lungkham a hoihjaw: mel lungkhamna ah lungtang kipahsakin lah a om ngala.

⁴Mi pil lungtang sunna in ah a om; himahleh mi haite lungtang vualnopna in ah a om.

⁵Mi adingin mihaite lasak jak sangin, mi pil taina jak a hoih jaw.

⁶Bel nuaia lingte puak vengvung bangin, mihai nuihna huchibangin a om ngala: hiai leng bangmahlou ahi.

⁷Simmohnain mi pil a haisak mahmaha; thilpiakin theihsiamna a susia hi.

⁸A kipatna sangin thil tawpna a hoihjaw: lungsima kisaktheih sangin lungsima dohtheih a hoihjaw hi.

⁹Heh dingin na lungsimin mangang ken; hehna lah mihaite awm ah a khawl ngala.

¹⁰Ni danglaite hiaite sanga a hoihjawkna a jiak bang ahia? chi ken; hiai thu lah pilhuaitakin na dong ngal keia.

¹¹Pilna gouluah bangin a hoiha; ahi, amau ni mute adingin a hoihzo tham hi.

¹²Dangkasum khihumna ahi bangin, pilna lah kihumna ahi ngala: himahleh theihna hoihjawkna bel, pilnain a neimi hinna a hawisak hi.

¹³Pathian nasep ngaihtuahin: aman a kawisaksa, kua ahia bawl tang thei ding leh?

¹⁴Hauhsak niin nuamsa inla, huan vangtahniin ngaihtuahin: mihingin a nunga thil om ding a muh khiak louhna dingin, Pathianin khat lah a dang kiangah kihiang helhelin a bawl a.

¹⁵Ka bangmahlou niin hiai tengteng ka muta hi: mi diktat a diktatnaa mangthang a oma, huan mi gilou a gilou bawlnaa a hinna hihsau a om hi.

¹⁶Diktat lojen ken; kipilsak lojen sam ken: bangdia nang kihihse ding na hia?

¹⁷Gilo lojen kenla, hai sam ken: na hun tun maa bangdia si ding na hia?

¹⁸Hiai na let chinten a hoih hi; ahi huai akipanin leng na khut kai ken: kuapeuh Pathian kihta lah amute tengteng akipan honpai khe ding uh ahi ngala.

¹⁹Khopi-a om vaihawmmi sawm sangin mi pil a dingin pilna a thupijaw hi.

²⁰Hoih hiha, khiallou, leitungah mi diktatna a om mahmah kei hi.

²¹Thu kigen tengteng leng limsak khol dahin; huchilouin jaw na sikhain nang a honhamsiat na za kha ding hi:

²²Na lungtangin lah huchimahbangin nang leng midante na hamsiat mun chih a thei ngala.

²³Hiai tengteng pilnain ka enchian veka: Ka pil ding ka chia; himahleh kei akipan a gamla hi.

²⁴Alah a gamla, a thuk petpeta; kuan a mu khe thei dia?

²⁵Ka kipumheia, thei ding leh zong khe ding, pilna zong ding leh, thilte ziak zong ding, gitlouhna haina ahi chih thei ding leh, haina lungsimkimlouhna ahi chih thei dingin ka lungtang koih kipin a om hi:

²⁶Sihna sanga kha jaw tuh numei, a lungtang thangte leh lente hia, a khut henna khau hi tuh ahi chih ka muta.

²⁷Ngaiin, hiai ka mu khia, thugen tuin a chi: thil a omdan tak mukhe dingin thil akhat akhat ka buka,

²⁸tuin leng ka zong laia ka mu kei: pasal sang khat lak a mi tang khat ka mu, himahleh numei tengteng laka ah mitang ka mu kei.Ngaiin, Pathianin mihing hoihtakin a bawl chih, hiai kia ka mu-a; himahleh bawltawm tampi a zong khia uh.

²⁹Ngaiin, Pathianin mihing hoihtakin a bawl chih, hiai kia ka mu-a; himahleh bawltawm tampi a zong khia uh.