Read Paite Numbers 1 Bible Online

Numbers 1 - Paite bible

Numbers 1

¹Aigupta gam akipan a hongpawt uh kum nih kum, kha nihna, ni khat niin Sinai gamdai ah kihoupihna puanin ah TOUPAN Mosi a houpiha,

²Israel saunte a omkhawm tengteng, a chi chiin, a inkuankuanin, a min uh kizomdan bangjelin pasal tengteng sim vekin;

³Kum sawmnih akipan tunglam Israel laka galkap thei chiang peuhmah nang leh Aronin a pawlpawlin na sim vek ding uhi.

⁴Huan, na kiangah nam chih laka khat, inkuana lupen jel a om ding uh ahi.

⁵Huan, hiaite na kianga om dingte min ahi: Reuben nama Sedeur tapa Elizur,

⁶Simeon nama Zurisaddai tapa Selumiel.

⁷Juda nama Amminadab tapa Nahson.

⁸Isakar nama Zuar tapa Nethanel.

⁹Zebulun nama Helon tapa Eliab.

¹⁰Joseph tate, Ephraim nama Ammihud tapa Elisama: Manasseh nama Pedahzur tapa Gamaliel.

¹¹Benjamin nama Gideoni tapa Abidan.

¹²Dan nama Ammisaddai tapa Ahiezer.

¹³Aser nama Okran tapa Pagiel.

¹⁴Gad nama Deuel tapa Eliasaph.

¹⁵Naphtali nama Enan tapa Ahira.

¹⁶Hiaite mipite tel, a pi leh pute uh nama lupen Israel inkuana lupente ahi uh, chiin.

¹⁷Huchiin Mosi leh Aronin huai mi a min uh a lohte uh a pi ua:

¹⁸Mipi tengteng kha nihna, ni khat niin a sam khawm vek ua; a chichiin, a inkuan kuanin, a min uh kizomdan bangjelin kum sawmnih akipan tunglam teng a pipute uh min a taklang uhi.

¹⁹TOUPAN Mosi thu a piak bangin Sinai gamdai ah a simta hi.

²⁰Israel tapa upapen, Reuben tate suante a chichiin, a inkuankuanin, a min uh kizomdan bangjelin pasal kum sawmnih akipan tunglam, galkap thei teng a sim ua;

²¹Reuben nam, a simte uh sing li leh sang guk leh za nga ahi uhi.

²²Simeon tate suante a chichiin, a inkuankuanin, a min uh kizomdan bangjelin pasal kum sawmnih akipan tunglam galkap thei teng a sim ua;

²³Simeon nam, a simte uh sing nga leh sang kua leh za thum ahi uh.

²⁴Gad tate suante a chichiin, a inkuankuanin, a min uh kizomdan bangjelin pasal kum sawmnih akipan tunglam, galkap thei teng a sim ua;

²⁵Gad nama, a simte uh sing li leh sang nga leh za guk leh sawmnga ahi uh.

²⁶Juda tate suante a chichiin, a inkuankuanin, a min uh kizomdan bangjelin kum sawmnih akipan tunglam, galkap thie teng a sim ua;

²⁷Juda nama, a simte uh sing sagih leh sang li leh za guk ahi uh.

²⁸Isakar tate suante a chichiin, a inkuankuanin, a min uh kizom dan bang jelin kum sawmnih akipan tunglam, galkap thei teng a sim ua;

²⁹Isakar nama, a simte uh sing nga leh sang li leh za li ahi uh.

³⁰Zebulun tate suante a chichiin, a inkuankuanin, a min uh kizom dan bang jelin kum sawmnih akipan tunglam, galkap thei teng a sim ua;

³¹Zebulun nama, a simte uh sing nga leh sang sagih leh za li ahi uh.

³²Joseph tate laka Ephraim tate suante a chichiin, a inkuankuanin, a min uh tamdan bang jelin kum sawmnih akipan tunglam, galkap thei teng a sim ua;

³³Ephraim nama, a simte uh sing li leh za nga ahi uh.

³⁴Manase tate suante a chichiin, a inkuankuanin, a min uh tamdan bang jelin kum sawmnih akipan tunglam, galkap thei teng a sim ua;

³⁵Manase nama, a simte uh, sing thum leh sang nih leh za nih ahi uh.

³⁶Benjamin tate suante a chichiin, a inkuankuanin, a min uh tamdan bang jelin kum sawmnih akipan tunglam, galkap thei teng a sim ua;

³⁷Benjamin nama, a simte uh, sing thum leh sang nga leh za li ahi uh.

³⁸Dan tate suante a chichiin, a inkuankuanin, a min uh tamdan bang jelin kum sawmnih akipan tunglam, galkap thei teng a sim ua;

³⁹Dan nama, a simte uh, sing guk leh sang nih leh za sagih ahi uh.

⁴⁰Aser tate suante a chichiin, a inkuankuanin, a min uh tamdan bang jelin kum sawmnih akipan tunglam, galkap thei teng a sim ua;

⁴¹Aser nama, a simte uh, sing li leh sang khat leh za nga ahi uh.

⁴²Naphtali tate suante a chichiin, a inkuankuanin, a min uh tamdan bang jelin kum sawmnih akipan tunglam, galkap thei teng a sim ua;

⁴³Naphtali nama, a simte uh, sing nga leh sang thum leh za li ahi uh.

⁴⁴Huaite ahi uh, Mosi leh Aronin Israel lupen sawm leh nih, inkuana lupente toh a simte.

⁴⁵Huchiin Israel suan a inkuankuan ua kum sawmnih akipan tunglam, galkap thei chiang teng, Israel gamate sim ahi uh;

⁴⁶A simte teng uh nuai guk leh sang thum leh za nga leh sawmnga ahi uh.

⁴⁷Levite pipute jaw a simtel kei uh.

⁴⁸TOUPAN Mosi a houpiha,

⁴⁹Levi chi jaw na simtel ding ahi keia, Israel mite lakah na simtel ding ahi sam kei:

⁵⁰Levite jaw theihsakna biakbuk kemmite leh van tengteng kemmite dia seh jawk ding ahi: biakbuka van tengteng a zong jel ding ua, a kem ding ua, tua biakbuk a kimvelin a omkhum ding uh.

⁵¹Huan, biakbuk malama a pai chiangin Leviten a phel ding ua; huan, biakbuk kaih ding chiangin Levite mahin a kai nawn ding uh; nam dang a hongkigolh peuhmah hihlup ding ahi.

⁵²Huan, Israel suanten amau mun chiat ah, a pawlpawlin a tamdan uh dungjui jelin a puaninte uh a kai ding uh.

⁵³Leviten Israel suante khawmpi tunga hehna a omlouhna dingin theihsakna biakbuk kimvelah a akai ding uhi; Leviten theihsakna biakbuk a kep ding uh ahi, chia thu a nagentak jiakin,Huchibangin Israel suanten ahih uh; TOUPAN Mosi thu a piak tengteng bangin, huchibangin a hih uh.

⁵⁴Huchibangin Israel suanten ahih uh; TOUPAN Mosi thu a piak tengteng bangin, huchibangin a hih uh.