Read Paite Numbers 2 Bible Online

Numbers 2 - Paite bible

Numbers 2

¹Huan, TOUPAN Mosi leh Aron a houpiha,

²Israel suanten a inkuan chiamtehna uh tak chiatin a pawl uh hihdan bangin a puanin uh a kaih ding uh ahi: kihoupihna puan ngat chiatin a kimvelin a kai ding uh.

³Ni suahnalam suahlam panga a pawl uh tamdan dungjui jela puanin kai dingte Juda pawlte ahi ding uh; huan, Juda tate laka lupen ding jaw Aminadab tapa Nason ahi ding.

⁴Huai sima om, a pawlte tamdan, sing sagih leh sang li leh za guk ahi uh.

⁵Huan, amah zoma puanin kai dingte Isakar chi ahi ding uh: Isakar tate laka lupen ding jaw Zuar tapa Nathanel ahi ding:

⁶Huai sima om, a pawlte tamdan sing nga leh sang li leh za li ahi uh:

⁷Huan, Zebulun chite: Zebulun tate laka lupen ding jaw Helon tapa Eliab ahi ding:

⁸Huai sima om, a pawlte tamdan, sing nga leh sang sagih leh za li ahi uh.

⁹Apawl uh tamdan bang jelin Judate a simte uh nuai khat leh sing giat leh sang guk leh za li ahi uh. Amauten ma a kaih jel ding uh ahi.

¹⁰A pawl uh tamdan bangjelin a simlam pangah Reubente pawl a om ding uh; Reuben tate laka lupen Seduer tapa Elizur ahi ding.

¹¹Huai sima om, a pawlte tamdan, sing li leh sang guk leh za nga ahi uh.

¹²Huan, a zoma, kai dingte Simeon chi ahi ding uh: Simeon tate laka lupen ding jaw Zurisadai tapa Selumiel ahi ding:

¹³Huai sima om, a pawlte tamdan, sing nga leh sang kua leh za thum ahi uh:

¹⁴Huan, Gad chite: Gad tate laka lupen ding Reuel tapa Eliasaph ahiding:

¹⁵Huai sima om, a pawlte tamdan, sing li leh sang nga leh za guk leh sawmnga ahi uh.

¹⁶Reubente tamdan nuai khat leh singa nga leh sang khat leh za li leh sawmnga ahi uh; a pawl uh dungjuiin. A zomin amau a pawtkhe ding uh uhi.

¹⁷Huchiin kihoupihna puanin akipankhe dinga, Levite bel a laiah a om ding uah, a omna thuthu jelin a pawlpawlin a pai chiat ding uh.

¹⁸A pawl tamdan thuthuin a tumlam pangah Ephraimte a om ding uh: Ephraim tate laka lupen ding jaw Amihud tapa Eliasam ahi ding.

¹⁹Huai sima om, a pawlte tamdan, singa li leh za nga ahi uh.

²⁰Huan, a zomin Manase chi ahi ding ua; Manase tate laka lupen ding Pedazur tapa Gamaliel ahi ding:

²¹Huai sima om, a pawlte tamdan, sing thum leh sang nih leh za nih ahi uh:

²²Huan, a zom nawmin Benjamin chite: Benjamin tate laka lupen ding Gideoni tapa Abidan ahi ding:

²³Huai sima om, a pawlte tamdan, sing thum leh sang nga leh za li ahi uh.

²⁴Huan, Ephraimte tamdan nuai khat leh sang giat leh ja ahi uh. Huan a zom zom nawnin a paikhe ding uh.

²⁵A pawl uh tamdan bangjelin Dante a mallam pangah a om ding uh: Dan tate laka lupen ding Amisadai tapa Ahiezer ahi ding.

²⁶Huai sima omte, a pawlte tamdan, sing guk leh sang nih leh za sagih ahi uh.

²⁷Huan, a zoma puanin kai dingte Aser chi ahi ding uh: Aser tate laka lupen ding Okran tapa Pagiel ahi ding:

²⁸Huai sima omte, a pawlte tamdan, sing li leh sang khat leh za nga ahi uh:

²⁹Huan, a zom nawmin Naphtali chite: Naphtali tate laka a lupen ding Enan tapa Ahir ahi ding.

³⁰Huai sima omte, a pawlte tamdan, sing nga leh sang thum leh za li ahi uh.

³¹Dante tamlam nuai khat leh sing nga leh sang sagih leh za guk ahi uh. Huan, amauten a pawlpawla pawtkhiain nung a hondan jel ding uhi.

³²Hiaite Israel suante inkuan tenga ami simte uh, a tamdan uh nuai guk leh sang thum leh za nga leh sawmnga ahi uh.

³³Levite bel Israel suante laka sim ahi kei uhi, TOUPAN Mosi thu a piak bangin.Huchibangin Israel suanten a hih ua; TOUPAN Mosi thu a piak bangjelin a pawlpawlin puanin a kai uh; huan, huchi mahbangin a chichiin, a inkuankuan jel un a kipankhe sek uhi.

³⁴Huchibangin Israel suanten a hih ua; TOUPAN Mosi thu a piak bangjelin a pawlpawlin puanin a kai uh; huan, huchi mahbangin a chichiin, a inkuankuan jel un a kipankhe sek uhi.