Read Paite Numbers 26 Bible Online

Numbers 26 - Paite bible

Numbers 26

¹Huan, Gawtna a daih nung in hich ahi a, TOUPA'N Mosi leh siampu Aron tapa Eleazar a houpih a,

²Israel suante omkhawm tengteng, kum sawmnih a kipan tung lam, a chichi in Israel gam a galkap thei chiang teng sim vek un, chi in.

³Huchi in Mosi leh siampu Eleazar in Jeriko zawn, Jordan gei, Moab phai ah amaute a houpih a,

⁴Mipite kum sawmnih a kipan tung lam sim un, chi in; TOUPA'N Mosi leh Aigupta gam a kipan Israel suante kiang a thu a piak bang in.

⁵Israel ta chil Reuben: Reuben tapate: Hanokte innkuan lak a mi Hanok: Palute innkuan lak a mi Palu:

⁶Hezronte innkuan lak a mi Hezron, Karmite innkuan inntek pen Karmi.

⁷Hiaite Reubente innkuan ahi uh: Sim ching tengteng singli leh sangthum leh zasagih leh sawmthum ahi uh.

⁸Palu suan, Eliab.

⁹Huan, Eliab suante; Neumuel, Dathan, Ahiram ahi uh. Hiai Dathante leh Abiramte ahi ua, TOUPA a suallai ua Mosi leh Aron sualpa Kora pawl a tel omkhawmte telte:

¹⁰Huan, huai pawl a sih lai un lei in a kam a ka a, Korate toh a valh khawm a: mei in mi zanih leh sawmnga a velh lai in, huchi in chiamtehna a na hi ta uh.

¹¹Himahleh Kora tapate a si kei uh.

¹²A innkuan uh kizomdan tang zel a suante: Nemuel suante Nemuelte. Jamin suante Maninte: Jakin suante Jakinte:

¹³Zera suante Zerate: Sawl suante Sawlte ahi uh.

¹⁴Hiaite Simeon suante ahi ua, singnih leh sangnih leh zanih ahi uh.

¹⁵A innkuan kizomdan bang a Gad tapate: Zephon suan Zephonte: Haggi suante Haggite, Sunni suante Sunnite:

¹⁶Ozni suante Oznite:

¹⁷Eri suante Erite: Arod suante Arodte: Areli suante Arelite.

¹⁸Hiaite a simdan bang ua Gad tapate suante ahi uh, singli leh zanga ahi uh.

¹⁹Huan, Juda tapate, Er leh Onan: Er leh Onan Kanan gamah a si uh.

²⁰Huan, Juda suante innkuan paidan hichi ahi a: Sela suan Selate.

²¹Perez suante Perezte: Zer suante Zerte ah uh: Huan, Peres suante: Hezron suante Hezronte: Hamul suante Hamulte ahi uh.

²²Hiaite a simdan bang un Juda tapate suante ahi uh, nuaiguk leh singkhat leh sangguk leh zanga ahi uh.

²³A innkuan uh kizomdan bang zel a Isakar suante: Tola suante Tolate: Pua suante Puate:

²⁴Jasub suante Jasubte: Simron suante Simronte ahi uh.

²⁵Hiaite a simdan bang un Isakar tapate suante ahi uh, singguk leh sangli leh zathum ahi uh.

²⁶A innkuan uh kizomdan bang zel a Zebulun suante: Sered suante Seredte: Elon suante Elonte: Jaleel suante Jaleelte ahi uh.

²⁷Hiaite a simdan bang ua Zebulunte suante ah uh, singguk leh zanga ahi uh.

²⁸A innkuan uh kizomdan bang zel a Joseph suante: Manase leh Ephraim.

²⁹Manase suante: Makir suante Makirte: Huan, Makir in Gilead a suang a: Gilead suante Gileadte ahi uh.

³⁰Hiaite Gilead suante ahi uh: Iezer suante Iezerte: Helek suante Helekte:

³¹Asriel suante Asrielte: Sekem suante Sekemte:

³²Semid suante Semidte: Hepher suante Hepherte ahi uh.

³³Huan, Hepher tapa Zelophedhad in tapa neilou in tanute a nei a: Zelophedhad tanute min Malate, Novate, Hoglate, Milkate, Zirzate ahi uh.

³⁴Hiaite Manase suante ahi uh. A sim teng uh singnga leh sangnih leh za sagih ahi uh.

³⁵Hiai a innkuan uh kizomdan bang zel a Ephraim suante ahi uh: Suthela suante Suthelate: Beker suante Bekerte: Tahan suante Tahante ahi uh.

³⁶Huan, hiaite Suthela suante ahi uh. Eran suante Erante ahi uh.

³⁷Hiaite a simdan bang un Ephraim suante innkuan ahi ua, singthum leh sangnih leh zanga ahi uh. Hiai a innkuan kizomdan bang zel ua Joseph suante ahi uh

³⁸A innkuan uh kizomdan bang zel a Benjamin suante: Bela suante Belate: Asbel suante Asbelte: Ahiram suante Ahiramte.

³⁹Supham suante Suphamte. Hupham suante Huphamte ahi uh.

⁴⁰Huan, Bela suante Ardi leh Naaman ahi uh: Ardi suante Ardite: Naaman suante Naamante ahi uh.

⁴¹Hiaite a innkuan uh kizomdan bang zel in Benjamin suante ahi uh: Huan, a sim teng uh singli leh sangnga leh zaguk ahi uh.

⁴²Hiaite a innkuan uh kizomdan bang zel a Dan suante ahi uh: Saham suante Sahamte ahi uh. Hiaite a innkuan uh kizomdan bang zel a Dan suante ahi uh.

⁴³Saham suante tengteng a simdan bang un singguk leh sangli leh zali ahi uh.

⁴⁴A innkuan uh kizomdan bang zel a Aser suante: Imna suante Imnate: Isvi suante Isvite.

⁴⁵Beria suante Beriate ahi uh. Beria suante: Heber suante Heberte: Malkiel suante Makielte ahi uh.

⁴⁶Huan, Aser tanu min Ser ahi.

⁴⁷Hiaite Aser tapate suante a sim teng uh ahi ua, singnga leh sangthum leh zali ahi uh.

⁴⁸A innkuan uh kizomdan bang zela Naphtali suante: Jazeel suante Jazeelte: Guni suante Gunite;

⁴⁹Jezer suante Jezerte: Silem suante Silemte ahi uh.

⁵⁰Hiaite a innkuan uh kizomdan bang zel a Naphtali suante ahi uh: a sim teng uh singli leh sangnga leh zali ahi uh.

⁵¹Hiaite Israel tate a sim teng uh ahi ua, nuaiguk leh sangkhat leh zasagih leh sawmthum ahi uh.

⁵²Huan, TOUPA'N Mosi a houpih a,

⁵³Hiaite a min zah zel un gam hawm sak ding ahi.

⁵⁴A tam deuhte gam na pe tam ding a, a tawm deuhte gam na pe tawm ding hi: simdan bang in gam piak chiat ding ahi.

⁵⁵Himahleh aisan a gam hawm ding ahi: a pute nam min kizomdan bang zel in gam a tang ding uh.

⁵⁶Aisan bang zel in gam a tam leh a tawmte kiang ah hawm ahi ding hi.

⁵⁷Huan, hiaite Levite a innkuan kizomdan bang zel a simte ahi uh. Gerson suante Gersonte: Kohath suante Kohathte: Merari suante Merarite ahi uh.

⁵⁸Hiaite Levi suante ahi uh: Libni suante, Hebron suante, Mahli suante, Musi suante, Kora suante ahi uhi.

⁵⁹Huan, Kohat in Amram a suang a, Huan, Amram zi min Jokebed, Levi tanu, Aigupta gam a Levi lak a piang ahi a, huan, aman Amram lak ah Aron leh Mosi leh a sanggamnu Miriam a suang hi.

⁶⁰Huan, Aron in Nadabte, Abihute, Eleazarte, Ithamarte, a suang hi.

⁶¹Huan, Nadab leh Abihu in TOUPA zat louh ding chi mei a zat lai un a si uhi.

⁶²Huan, sim tengteng pasal kha khat chiang tung lam teng singnih leh sangthum ahi uh. Israel mite lak ah gam hawm tang tei ding a hih louh ziak un Israel mite lak ah sim ahi kei uh.

⁶³Hiaite ahi uh Jeriko zawn, Jordan gei, Moab phai a Israel suante simpa Mosi leh siampu Eleazar in a sim uh.

⁶⁴Sinai gamdai a Israel mite Mosi leh siampu Aron in a simte khat lel leng a om ta kei.TOUPA'N, Gamdai ah a si ngeingei ding uh ahi, a na chi khin ta ngal a, Jephune tapa Kelep leh Nun tapa Josua loungal kuamah dam a omta kei uhi.

⁶⁵TOUPA'N, Gamdai ah a si ngeingei ding uh ahi, a na chi khin ta ngal a, Jephune tapa Kelep leh Nun tapa Josua loungal kuamah dam a omta kei uhi.