Read Paite Numbers 34 Bible Online

Numbers 34 - Paite bible

Numbers 34

¹Huan, TOUPA'N Mosi a houpih a,

²Israel suante thu pia inla, a kiang uah, Kanan gam na tun chiang un (Kanan gam, a gamgi dan dungzui zel a na luah ding gam uh),

³Sim lam a na luah ding chiang uh Zin gamdai a kipan Edom gam zulzul ahi ding a, sim lam gamgi Tuipi Al tawp a kipan suah lam pang ahi ding.

⁴Huan, na gamgi uh Akrabim tungkahna sim lam pang ah a kawi ding a, huan, a hong pawtna Kades-barnea sim lam ah ahi ding: huan, Hazar-adar ah a pai ding a, Azmon ah a pai zel ding:

⁵Huan, gamgi Azmon a kipan in Aigupta lui tan in a kawi ding a, a tunna tuipi ah ahi ding.

⁶Huan, tumlam pang ah tuipi zaa a gamgi ding in na tang ding a, hiai tum lam a na gamgi uh ahi ding.

⁷Huan, hiai mal lam a na gamgi uh ahi ding: tuipi zaa a kipan in Hor tang huap in na bawl ding a:

⁸Hor tang a kipan Hamat lutna tan in na bawl ding a, gamgi tunna bel Zedah ah ahi ding a;

⁹Huan, gamgi Ziphron ah pai zel ding a, huan, a tunna Hazar-anah ah ahi ding; hiai mal lam a na gamgi uh ahi ding.

¹⁰Huan, suah lam a na gamgi uh Hazar-enan a kipan a Sepham tan in na bawl ding a:

¹¹Huan, gamgi Sepham a kipan in Rebla tan in Ain suah lam pang ah a sukpai ding a; huchi in, gamgi a paisuksuk dia, Kineret tuipi suah lam pang a sun ding:

¹²Huan, gamgi Jordan ah a paisuk ding a, huan, a tunna Tuipi Al ah ahi ding: hiai a kimvel a gamgi paidan bang in na gam uh ahi ding, chi in, chi in.

¹³Huchi in Mosi in Israel suante thu a pia a, Hiai TOUPA'N nam kua leh a kimkhatte piak ding a thu a piak aisan a na luah ding gam uh ahi:

¹⁴Reuben tate nam in a innkuan uh dungzui zel leh Gad tate nam in a innkuan uh dungzui zel leh Manase nam kimkhat in leng a gam luah ding uh a tang ta ngal ua:

¹⁵Nam nih leh nam kimkhatte'n a gam luah ding uh ni suahlam Jeriko zawn Jordan gal suah lam ah a tangta uh, chi in.

¹⁶Huan, TOUPA'N Mosi a houpih a,

¹⁷Luah ding a gam hon khennen pihte min hiaite ahi: siampu Eleazar leh Nun tapa Josuate.

¹⁸Huan, gam luah ding khen mi a ding in namchih lak a inntek pen khat chiat na tel ding ahi, chi in.

¹⁹Huai mite min bel hiaite ahi: Juda nam a mi Jephune tapa Kaleb.

²⁰Huan, Simeon tate nam a mi Amihud tapa Semuel.

²¹Huan, Benzamin nam a mi Kislon tapa Elidad.

²²Dan tate nam lak a inntek pen Jogli tapa Buki.

²³Joseph tate lak a mi, Manase tate nam inntek pen Ephod tapa Haniel:

²⁴Epharim tate nam lak a inntek pen Sitan tapa Kemuel.

²⁵Huan, Zebulun tate nam lak a inntek pen Parnak tapa Elizaphan.

²⁶Isakar tate nam lak a inntek pen Azan tapa Paltiel.

²⁷Aser tate nam lak a inntek pen Selomi tapa Ahihud.

²⁸Naphtali tate nam lak a inntek pen Amidhud tapa Padahel.Hiaite Kanan gam a Israel suante gam luah ding hawm ding a TOUPA'N thu a piakte ahi uhi.

²⁹Hiaite Kanan gam a Israel suante gam luah ding hawm ding a TOUPA'N thu a piakte ahi uhi.