Read Paite Numbers 7 Bible Online

Numbers 7 - Paite bible

Numbers 7

¹Huchia Mosiin biakbuk a lam khiata, thau a nilh khita, ahihsiangthou khita, a van tengteng leh a maitam leh a tuiumbelsuan tengteng thau nilha, ahihsiangthou niin hichi ahi a;

²Israelte intekpen, a inkuan ua intekpenten thillat a lan ua, huaite bela nam ua intekpente, a simte uh tunga omte ahi uh:

³A thillatte uh kangtalai tungnei guk leh bawngtal sawm leh nih, intekpen nihin kangtalai khat jel, khatin bawngtal khat jel TOUPA maah a hontawi ua, biakbuk bulah a honglan uhi.

⁴Huan, TOUPAN Mosi houpiha,

⁵Biakbuk nasep dingin a phatuam kha ding, nana la chiat un; Levite, a nasep uh dungjui bangjelin na pe chiat ding hi, chiin

⁶Huchiin Mosiin kangtalaite leh bawngtalte a laa, Levite a pia,

⁷Kangtalaite nih leh bawngtalte li Gerson tapate a nasep uh dungjui jelin a pia:

⁸Huan, kangtalai li leh bawngtal giat, siampu Aron tapa Ithamar te Merari tapate a nasep uh dungjui jelin a pia,

⁹Kohath tapate bel a pe tei kei; mun siangthou nasep amau tuam ahia, a zona zong sek ahi uh.

¹⁰Intekpenten thaunilh niin maitam latna dinga a thillatte uh maitam bulah a lan uh.

¹¹Huan, TOUPAN Mosi kiangah, Intekpen chihin maitam latna dinga thillat, a thillat uh amau tan hi jel dingin lan ding uhi, a chi.

¹²Ni khat nia a thillat a lan ding mi Juda chi Aminadab tapa Nason ahi:

¹³A thillat dangkasik kuang khat, a gikdan sekel ja leh sawmthum, mun siangthoua sekel sawmsagih toh kikima gik dangkasik belhbu khat, tangbuang thillat dingin thau helsa tangbuang nel mahmaha dim tuaktuak;

¹⁴Sekel sawm toh kikima gik gimlima dim dangkaeng keu khat;

¹⁵Halmang thillat dingin bawngtal tuai khat, belamtal khat, belamnou apa kum khata up khat;

¹⁶Khelh thoihna dingin keltal khat;

¹⁷Huan, lemna kithoih thillat dingin bawngtal nih, belamtal nih, belamtal nga, keltal nga, belamnou apa kum khata upa nga: hiaite Aminadab tap Nason thillatte ahi uh.

¹⁸Ni nih niin Isakarte intekpenten Zuar tapa Nathanelin a lana:

¹⁹A thillat dingin dangkasik kuang khat a gikdan sekel ja leh sawmthum, mun siangthoua sekel sawmsagih toh kikima gik dankasik belhbu khat, tangbuang thillat ding thau toh hel tangbuang nel mahmah dim tuaktuak;

²⁰Sekel sawm toh kikima gik gimlima dim dangkaeng keu khat;

²¹Halmang thillat dingin bawngtal tuai khat belamtal khat, belamnou apa kum khata upa khat;

²²Khelh thoihna dingin keltal khat;

²³Huan, lemna kithoihna thillat dingin bawngtal nih, belamtal nga, keltal nga, belamnou apa kum khata upa nga a lana. Hiai Zuar tapa Nathanel thillatte ahi.

²⁴Ni thum niin Zebulun tate intekpen Helon tapa Eliabin a lana:

²⁵A thillat dangkasik kuang khat, a gikdan sekel ja leh sawmthum, mun siangthoua sekel sawmsagih toh kikima gik dangkasik belhbu khat; tangbang thillat ding thau toh jel tangbuang nel mahmaha dim tuaktuak;

²⁶Sekel sawm toh kikima gik gimlima dim dangkaeng keu khat;

²⁷Halmang thillat ding bawngtal tuai khat, belamtal khat, belamnou apa kum khata upa khat;

²⁸Khelh thoihna dingin keltal khat;

²⁹Huan, lemna kithoih thillat dingin bawngtal nih, belamtal nga, keltal nga, belamnou apa kum khata upa nga ahi. Hiaite Helon tapa Eliab thillatte ahi uh.

³⁰Ni li niin Reuben tate intekpen Sedeur tapa Elizurin a lana:

³¹A thillat dangkasik kuang khat a gikdan sekel ja leh sawmthum, mun siangthoua sekel sawmsagih toh kikima gik dankasik belhbu khat, tangbuang thillat dinga thau hel tangbuang nel mahmaha dim tuaktuak;

³²Sekel sawm toh kikima gik gimlima dim dangkaeng keu khat;

³³Halmang thillat ding bawngtal tuai khat, belamtal khat, belamnou apa kum khata up khat;

³⁴Khelh thoihna ding keltal khat;

³⁵Huan, lemna kihthoihna thillat dingin bawngtal nih, belamtal nga, keltal nga, belamnou apa kum khata upa nga ahi. Hiaite Sedeur tapa Elizur thillatte ahi.

³⁶Ni nga niin Simeon tate intekpen Zurisadai tapa Selumielin a lana:

³⁷A thillat dangkasik kuang khat, a gikdan sekel ja leh sawmthum; mun siangthou sekel sawmsagih toh kikima gik dangkasik belhbu khat; tangbuang thillat dingin thau toh hel tangbuang nel mahmaha dim tuaktuak;

³⁸Sekel sawm toh kikima gik gimlima dim dangkaeng keu khat;

³⁹Halmang thillat lat dingin bawngtal tuai khat, belamtal khat, belamnou apa kum khata upa khat;

⁴⁰Khelh thoihna ding keltal khat;

⁴¹Huan, lemna kithoih thillat ding bawngtal nih, belamtal nga, keltal nga, belamnou apa kum khata upa nga ahi; hiai Zurisadai tapa Selumiel thillatte ahi.

⁴²Ni guk niin Gad tate intekpen Deuel tapa Eliasaphin a lana:

⁴³A thillat dangkasik kuang khat, a gikdan sekel ja leh sawmthum, mun siangthoua sekel sawmsagih toh kikima gik dangkasik belhbu khat, tangbuang thillat ding thau toh hel tangbuang nel mahmah dim tuaktuak;

⁴⁴Sekel sawm toh kikima gik gimlima dim dangkaeng keu khat;

⁴⁵Halmang thillat ding bawngtal tuai khat, belamtal khat, belamnou apa kum khata upa, khat;

⁴⁶Khelh thoihna ding keltal khat;

⁴⁷Huan, lemna kithoih thillat ding bawngtal nih, belamtal nga, keltal nga, belamnou apa kum khata upa nga ahi. Hiaite Deuel tapa Eliasaph thillatte ahi.

⁴⁸Ni sagih niin Ephraim tate intekpen Amihud tapa Eliasamin a lana:

⁴⁹A thillat dangkasik kuang khat, a gikdan sekel ja leh sawmthum, khat, mun siangthoua sekel sawmsagih toh kikima gik dangkasik belhbu khat; halmang thillat ding thau toh hel tangbuang nel mahmah dim tuaktuak;

⁵⁰Sekel sawm toh kikima gik gimlima dim dangkaeng keu khat;

⁵¹Halmang thillat ding bawngtal tuai khat, belamtal khat, belamnou apa kum khata upa, khat;

⁵²Khelh thoihna ding keltal khat;

⁵³Huan, lemna kithoih thillat ding bawngtal nih, belamtal nga, keltal nga, belamnou apa kum khata upa nga ahi: hiaite Amihud tapa Eliasam thillatte ahi.

⁵⁴Ni giat niin Manase tate intekpen Pendazur tapa Gamalielin a lana:

⁵⁵A thillat dangkasik kuang khat, a gikdan sekel ja leh sawnthum, mun siangthoua sekel sawmsagih toh kikima gik dangkasik belhbu khat; tangbuang thillat ding thau toh hel, tangbuang nel mahmah a dim tuaktuak;

⁵⁶Sekel sawm toh kikima gik gimlima dim dangkaeng keu khat;

⁵⁷Halmang thillat ding bawngtal tuai khat, belamtal khat, belamnou apa kum khata upa khat;

⁵⁸Khelh thoihna ding keltal khat;

⁵⁹Huan, lemna kihthoih thillat ding bawngtal nih, belamtal nga, keltal nga, belamnou apa kum khata upa nga ahi. Hiaite Pendazur tapa Gameliel thillatte ahi.

⁶⁰Ni kua niin Benjamin tate intekpen Gideoni tapa Abidanin a lana;

⁶¹A thillat dangkasik kuang khat, a gikdan sekel ja leh sawmthum, mun siangthoua sekel sawmsagih toh kikima gik dangkasik belhbu khat, tangbuang thillat ding thau toh hel tangbuang nel mahmaha dim tuaktuak.

⁶²Sekel sawm toh kima gik gimlima dim dangkaeng keu khat;

⁶³Halmang thillat ding bawngtal tuai khat, belamtal khat, belam nou a pa kum khat a upa;

⁶⁴Khelh thoihna ding keltal khat;

⁶⁵Huan, lemna kithoihna thillat ding bawngtal nih, belamtal nga, keltal nga, belamnou apa kum khata upa nga ahi: hiaite Gideoni tapa Abidan thillat ahi.

⁶⁶Ni sawm niin Dan tate intekpen Amisadai tapa Ahiezerin a lana:

⁶⁷A thillat dangkasik kuang khat, a gikdan sekel ja leh sawmthum, khat, mun siangthoua sekel sawmsagih toh kikima gik dangkasik belhbu khat, tangbuang thillat ding thau toh hel tangbuang nel mahmaha dim tuaktuak;

⁶⁸Sekel sawm toh kikima gik gimlima dim dangkaeng keu khat;

⁶⁹Halmang thillat ding bawngtal tuai khat, belamtal khat, belamnou apa kum khata upa khat;

⁷⁰Khelh thoihna ding keltal khat;

⁷¹Huan, lemna kithoih thillat ding bawngtal nih, belamtal nga, keltal nga, belamnou apa kum khata upa nga ahi: Hiaite Amisadai tapa Ahiezer thillatte ahi.

⁷²Ni sawm leh ni khat niin Aser tate intekpen Okran tapa Pagielin a lana:

⁷³A thillat dangkasik kuang khat, a gikdan sekel sawmthum, khat, mun siangthoua sekel sawmsagih toh kikima gik dangkasik belhbu khat, tangbuang thillat ding thau toh hel tangbuang nel mahmaha dim tuaktuak;

⁷⁴Sekel sawm toh kikima gik gimlima dim dangka keu khat;

⁷⁵Halmang thillat ding bawngtal tuai khat, belamtal khat, belamnou apa kum khata upa khat;

⁷⁶Khelh thoihna ding keltal khat;

⁷⁷Huan, lemna kithoih thillat ding bawngtal nih, belamtal nga, keltal nga, belamnou apa kum khat upa nga ahi: hiaite Okran tapa Pagiel thillatte ahi.

⁷⁸Ni sawm leh ni nih niin Naphtali tate intekpen Enan tapa Ahirin a lana;

⁷⁹A thillat dangkasik kuang khat, a gikdan sekel ja leh sawmthum, khat, mun siangthoua sekel sawmsagih toh kikima gik dangkasik belhbu khat, tangbuang thillat ding thau toh hel tangbuang toh hel tangbuang nel mahmaha dim tuaktuak;

⁸⁰Sekel sawm toh kikima gik gimlima dim dangkaeng keu khat;

⁸¹Halmang thillat ding bawngtal tuai khat, belamtal khat, belamnou apa kum khata upa khat;

⁸²Khelh thoihna ding keltal khat;

⁸³Huan, lemna kithoih thillat ding bawngtal nih, belamtal nga, keltal nga, belamnou apa kum khata upa nga ahi: hiaite Enan tapa Ahir thillatte ahi.

⁸⁴Huan, maitam thau nilh nia Israel intekpente thillatte dangkasik kuang sawmlenih, dangkasik belhbu sawmlenih, dangkaeng keu sawmlenih ahi.

⁸⁵Dangkasik kuang sekel ja leh sawmthum toh kikima gik chiat ahia, belhbu sawmsagih chiat ahi: dangkasik tuiumbelsuan tengteng mun siangthoua sekel sang nih leh za li toh kikima gik ahi;

⁸⁶Gimlima dim dangkaeng keu sawm leh nih mun siangthoua sekel sawm toh kikima gik chiat ahi: dangkaeng keu tengteng sekel ja leh sawmnih toh kikima gik ahi:

⁸⁷Halmang thillat ding bawngtal tengteng sawm leh nih ahia, belamtal sawmlenih, belamnou apa kum khata upa sawm leh nih, a tangbuang thillatte uh toh; huan, khelhna thoihna ding keltal sawm leh nih:

⁸⁸Huan, lemna kithoihna thillat ding bel bawngtal sawmnih leh li ahia, belamtal bel sawmguk, keltal bel sawmguk, belamnou apa kum khata upa bel sawmguk ahi. Hiai thau nilh khita maitam latna dinga thilpiakte ahi.Huchiin biakbuka amah be dinga Mosi a lutin thukunna bawm tunga chitna tutphah tunglama cherub nihte kikal akipanin amah honhoupihin aw a ja a: huan a beta hi.

⁸⁹Huchiin biakbuka amah be dinga Mosi a lutin thukunna bawm tunga chitna tutphah tunglama cherub nihte kikal akipanin amah honhoupihin aw a ja a: huan a beta hi.