Read Paite Matthew 1 Bible Online

Matthew 1 - Paite bible

Matthew 1

¹Abraham suan: David suan Jesu Kris khangthu bu:

²Abrahamin Issak a suanga; Isaakin Jakob a suanga; Jakobin Juda leh anaute a suanga;

³Judain Tamar lakah Piriz leh Zira a suanga; Pirizin Erom a suanga; Eromin Aram a suanga

⁴Aramin Aminadab a suanga, Aminadabin Nasen a suanga; Nasenin Salmon a suanga;

⁵Salmonin Rahab lakah Boaz a suanga; Boazin Ruthi lakah Obed a suanga; Obedin Jessai a suanga.

⁶Jessaiin kumpipa David a suang. Huan kumpipa Davidin Uria ji lakah Solomon a suanga

⁷Solomonin Rehoboam a suanga, Rehoboamin Abija a suanga, Abijain Asa a suanga;

⁸Asain Jehosaphet a suanga Jehosaphetin Jeram a suanga, Jeramin Uzzia a suanga

⁹Uzzianin Jotham a suanga; Jothamin Ahaz a suanga; Ahazin Hezekia a suanga;

¹⁰Hezekianin Manassi a suanga; Manassiin Amon a suanga; Amonin Josia a suanga;

¹¹Babulon lama sala a pi lai un Josiain Jekonia leh a unaute a suang.

¹²Huan, Babulon lama sala a pi nung un Jekoniain Salathiel a suanga; Salathielin Zerubbabel a suanga;

¹³Zerubabelin Abiud a suanga; Abiudin Eliakim a suanga;

¹⁴Eliakimin Azer a suanga; Azerin Zadok a suanga, Zadokin Akim a suanga, Akimin Eluid a suanga;

¹⁵Eliudin Eleazar a suanga, Eleazarin Mathan a suanga, Mathanin Jakob a suanga;

¹⁶Jakobin Joseph, Mari pasal a suanga; huai Mari lakah, Jesu Kris kichi a hong piangta.

¹⁷Huchiin suan tengteng tuh Abraham apat David chiang suan sawm leh suan li ahi, David apat Babulon lama sala a pi tan un, suan sawm leh suan li ahi, Babulon lama sala a pi ua pat Kris tan suan sawm leh suan li ahi.

¹⁸Huan, Jesu Kris hongpian dan tuh hichibang ahi; A nu Mari Joseph toh a kikham lai ua a omkhawm ma un, Kha Siangthouin a gaisak chih a natheita ua.

¹⁹Huchiin, a pasal Joseph tuh, mi diktak ahi a, amah daisak a ut het keia, a gukin tawpsan a tum.

²⁰Himahleh, huai thute a ngaihtuah laiin, ngaiin, a mangin Toupa angel a kiangah a hong kilaka, Joseph, nang David tapa, na ji Mari neih lau ken, a nau pai Kha Siangthou laka ahi,

²¹Tapa a nei dia, a min dingin Jesu na sa ding, aman a mite a khelhna ua kipan a hotdam ding jiakin, a chi a.

²²Huan, TOUPAN jawlnei kama.

²³Ngai in, nungak siangthou a gai dia, tapa a nei dia, a min dingin Immanuel a sa ding uh. chia a nagen a hongtun theihna dingin huai tengteng tuh a hongom hi. Huai tuh, i kiang uah, Pathian a om, chihna ahi.

²⁴Huchiin, Joseph ihmu lai a thoukhia a, Toupa angel in a kianga thu a piak bangin a hiha, a ji tuh a neita a;Himahleh, tapa a neih masiah a kithuahpih kei; huan, a min dingin Jesu a sata.

²⁵Himahleh, tapa a neih masiah a kithuahpih kei; huan, a min dingin Jesu a sata.