Read Paite Mark 3 Bible Online

Mark 3 - Paite bible

Mark 3

¹Huan, kikhopna in ah a lut nawna; huaiah mi khat khutjaw a na om a

²Huan, amah a hek theihna ding un Khawlniin a hihdam nop leh nop louh a ensim ua.

³Huan, aman khutjaw kiangah, Hongding khia in, a chi a.

⁴Huan a kiang uah, Khawlniin hihhoih hia siang, hihsiat? hotdam hia siang, hihlup? chiin, a donga. Himahleh a dai dide ua.

⁵Huan a lungtang uh tak jiaka lungkham mahmah leh heh kawma amaute a et velvel nungin, huai mi kiangah, Na khut zan in, a chi a, Huan, a zan kheta a, a khut tuh a damta.

⁶Huan, Phaisaite a pawt khia ua, amah a hihlup theihna dan ding uh ngaihtuahin Herod pawl a mite toh a kihou khawm pah ua.

⁷Huan, Jesu tuh a nungjuite toh dil lamah a pai mang ua; huan, Galili gam a kipanin mipi tampitakin a jui ua;

⁸Huan, a thilhih thupidan a jak un Judia gama kipan, Jerusalem khua akipan, Idumai gam akipan, Jordan gal a kipan, Tura leh Sidon khokim akipan bangin mipi tampitak a kiangah a hong ua.

⁹Huan mipi jiakin amah a dia long neu mansaa na om dingin a nungjuite a hilha. Huchilou in jaw honum lutlut kha ding uh, a chi a.

¹⁰Mi tampi a hihdamta ngala, huchiin natna nei peuhmahin amah a khoih theihna ding un a boh huthut ua.

¹¹Dawi ninten leng amah a muh tengun a maah khupbohin, Nang Pathian Tapa na hi, chiin, a kikou nak uh.

¹²Huan, aman, a tanchin than louh ding a kiang uah a chi bikbek jel a.

¹³Huan, tangah a vahoh tou a, aman a ngaihngaih a sam a; huan, amau tuh a kiangah a hoh tou ua.

¹⁴Huan, a kianga a om ding leh, thu gen dia a sawl khiak dingin sawm leh nihte a sepa.

¹⁵daite delh khiakna thunei dingin leng.

¹⁶Huaite tuh Simon, Peter a chih bang

¹⁷Zebedai tapa Jakob leh Jakob unau Johan, huai mite tuh Baonerges a chih te bang, huai tuh vanging tapate chihna ahi.

¹⁸Andru, Philip, Bartholomai, Matthai, Thoma, Alphai tapa Jakob, Thaddai, Kanan mi Simon,

¹⁹leh a mansapa Juda Iskariot te bang ahi uh. Huan, in ah a paita.

²⁰Huan, mipi a a hong khawm nawn ua, huchiin an nangawn leng a ne theikei ua.

²¹Huan, a lawmten huai a jakunm A hai ahi, chiin amah mat tumin a kisa uh.

²²Huan, laigelhmite Jerusalem khua a kipana hong sukten, Beelzibul a jawl ahi, dawi lal jiakin ahi, dawite a delh khiak nak, a chi ua.

²³Huan, Jesun laigelhmite a sama, gentehna thuin a kiang uah, Setan in Setan mah bangchin a delh khe theia?

²⁴Gam leng amah a kidou leh, huai gam a ding khe theikei ding.

²⁵Inkuan khat leng amau a kidou uleh, huaite inkuan a ding khe theikei kei ding uh.

²⁶Setan mah leng amah kidou a, a kilan in tuh, a ding khe theikei dinga, amangthang zo mai ding.

²⁷Kuamahin mi hat ina lutin a sum a lak sak theikei uh, mi hatpa tuh a hen masak phot kei uleh, huai nungin tuh a in a lohsak mai ding uh.

²⁸Chihtaktakin ka honhilh ahi, mihing tate, a khelhna tengteng uah leh Pathian a gensiatnalam bangpeuh uah leng a gensiatnate uah, ngaihdam ahi ding ua

²⁹Kuapeuh Kha siangthou hilhial gansia jaw bangchik chiang mahin ngaihdamna a mu kei dinga, khantawn khelhna siamlouin a hongom zo ding, a chi a.

³⁰Dawi nin a jawl ahi, a chih jiakun huai tuh a gen ahi.

³¹Huan, a nu leh a unaute a hong ua, inpua ah a ding ua; amah sam din mi a sawl ua.

³²Huan a kim ah mipi a natu diamduam ua; huan, a kiangah, Ngaidih, inpua ah na nu leh na sanggampaten a hongzong uh, a chi ua.

³³Huan, aman a kianguah, Ka nu leh ka samgampate kuate ahi ua? chiin a dawnga

³⁴Huan, a kiang khawnga tute a en velvel a, En un, ka nu leh ka sanggampatekuapeuh Pathian deihlam hih photphot, huai mite tuh ka sanggampate, ka sanggampate, ka sanggamnute, ka nute ahi uh, a chi a.

³⁵kuapeuh Pathian deihlam hih photphot, huai mite tuh ka sanggampate, ka sanggampate, ka sanggamnute, ka nute ahi uh, a chi a.