Read Paite Deuteronomy 14 Bible Online

Deuteronomy 14 - Paite bible

Deuteronomy 14

¹TOUPA na Pathian uh tate na hi ua; mi si jiakin na ki-at ding uh ahi keia, na mit mul uh leng na met mai ding uh ahi tuan kei hi,

²TOUPA na Pathian uh adingin lah nam siangthou na hi ngal ua, leitunga nam tengteng tungah amaha tuam mawng hi dinga TOUPAN a hontel na hi uhi.

³Thil kihhuai himhim na nek ding uh ahi kei.

⁴Hiai sate khawng ahi, nanek theih ding uh; bawngtal, belam, kel,

⁵Sakhi, sangai, sakhi tal, sathak, gamkel, gamlawi gam belamte khawng.

⁶Huan, sa chiteng, chin kaa chin kapaisuak, eknel hai chi peuhmah laka na thei ding uh,

⁷Himahleh eknel leng hai ngala, a chin uh leng ka ngalte khawng, na nek ding uh ahi kei; sangawngsau zupi, zusapi, eknel a hai na ua, a chin uh a kat louh jiakin nou adingin a nin ahi:

⁸Huan, vok pen a chin jaw a ka naa, eknel a hai louh jiakin nou adingin a nin ahi; a sa na nek ding uh ahi kei hi, a luang leng na khoih ding uh ahi kei hi.

⁹Tuia tengte laka hiaite na ne thei dinguh; phe leh lip nei peuhmah na ne thei ding uh:

¹⁰Phe leh lip neilou peuhmahte na ne theikei ding uh, nou adingin nin ahi.

¹¹Vasa siangthou tengteng na ne thei ding uh.

¹²Hiaite jaw na ne ding uh ahi kei; muvanlai, mungawnggiau, mu-akla;

¹³Mu sanete bang, mu meikate, mu a chi himhim;

¹⁴Vaak chi himhim;

¹⁵Simbu, janmu, mu chi himhim, tuipimu;

¹⁶Simbu neu, simbu lian, simbutanglip;

¹⁷Vatawt, musane, vangawngsau;

¹⁸Tuipi, tuiva lian chi himhim, huihtun leh bak.

¹⁹Khe nei khea pai chi himhim nou adingin thil nin ahi uh, nek ding ahi kei.

²⁰Vasa siangthou tengteng na ne thei ding uh.

²¹Amah siha si bangmah na nek ding uh ahi kei; na ompih uh gam dang mite nek dingin na pe thei ding uh; nam dang mite kiang ah leng na juak thei dinguh; nou jaw TOUPA na Pathian uh a dingin nam siangthou na hi uhi. Kelnou bang a pi nawituiin na huan ding uh ahi kei hi.

²²Kum chihin na lou ua an tung tengteng sawma khat na piak ngeingei ding uh ahi.

²³TOUPA na Pathian uh laudansiam nadan na hontheihgige theih na ding un sawma khat, na buh uh, na uain uh, na thau uh leh na bawng hon uh leh na belam hon lak ua piang masapente TOUPA na Pathian uh maah, a min omna dinga a seh dingah na nek ding uh ahi.

²⁴TOUPA na Pathian un a honvualjawl chiangin, TOUPA na Pathian un a min omna ding a seh dinga a gamlat luat jiaka nou dinga lampi a sau luate na tawi theih kei uleh:

²⁵Paihsa na sa ding ua, paihsa na tawi ding ua, TOUPA na Pathian un a mun sehna ah na hoh ding uh ahi:

²⁶Huan, paihsa na lungsim ua na deihpen uh, bawngtal hiam, belam hiam, uain hiam, zupi hiam, na lungsim ua na lunggulh lah peuhmah uh dingin na zang ding ua; huaiah TOUPA na Pathian uh maah na ne ding ua, nuamsa takin na om ding uhi, noute leh na inkote utoh:

²⁷Na omna ua om Levite limsaklouin om het kei un; na lak uah lah tantuan leng, goutan leng a nei tei ngal kei ua.

²⁸Kum thum a chin kumin huai kuma na thil tung tengteng ua sawma khat pen n ala khawm vek ding ua, na omna ua na koih ding uh ahi:Huan, a omna ua om Levite leng, na lak ua tantuan, goutan leng nei tei loute leh gam dang mite leh pa neiloute leh meithaiten a ne ding ua, a hongkhosa thei sam ding uh; huchiin TOUPA na Pathian un na khut koihna tengteng uh a honvualjawl ding ahi.

²⁹Huan, a omna ua om Levite leng, na lak ua tantuan, goutan leng nei tei loute leh gam dang mite leh pa neiloute leh meithaiten a ne ding ua, a hongkhosa thei sam ding uh; huchiin TOUPA na Pathian un na khut koihna tengteng uh a honvualjawl ding ahi.