Read Paite Ephesians 4 Bible Online

Ephesians 4 - Paite bible

Ephesians 4

¹Huaijiakin, noute sapa na omna utoh kikhoma om dingin kei Toupaa hentain ka honngen hi,

²Kingaihniamna leh migitna tengteng, thuaktheihna toh, itnaa kithuakzou zo chiata,

³Lemnaa Khaa kipumkhatna vom chinten dingin.

⁴A Honsapna pen lametna mun khata sap na hih mahbang un pumpi khat leh Kha khat kia a om;

⁵Toupa khat, ginna khat, baptisma khat,

⁶Bangkim Pathian leh Pa khat kia a oma; amah tuh bangkim tungah a oma, bangkim a mu suaka, bangkim sungah a om hi.

⁷Himahleh, Kris thilpiak tehna bang jelin hehpihna tuh i kiang chiat ah piak a om hi.

⁸Huaijiakin ahi, Tung lama a kahtouh laiin matte tampi a pia, mihingte kiangah leng thilpiakte a pia, a chihna.

⁹Huchiin, A kah tou, chih tuh, lei mun nuainung pente banga a hongsuk masak phot keileh, bangchi a hita ding leh?

¹⁰Hongsukpen tuh, thil tengteng a hihdim theihna dingin, van tengteng tung peka kah toupa mah ahi.

¹¹Huan, khenkhatte sawltak hi dingin, khenkhatte jawlnei hi dingin, khhenkhatte Tanchin Hoih gen dingin, khenkhatte pastor hi dingin, khenkhatte thuhilh dingin a pia hi:

¹²Huai tuh misiangthoute thopna ding, nasepna sepna ding, Kris pumpi lam touhna dingin:

¹³Huai tuh ginna leh Pathian Ta theihna lama thukituaka, pichinga, Kris tangchinna latdan banga i vek ua i hongom masiaha ding ahi.

¹⁴Huchi-a mihingte diklouhna zekhemna banga lepchiah pila khem tawmtawma oma thuhilhna huih chitenga langkhat langkhata sep leh mut lengleng, naupang i hih nawn louhna dingun.

¹⁵Itnaa thutak gena, bangkima Amah, lupen, Kris ngeia i khanlet jawk ding uh ahi.

¹⁶Amah akipan pumpi tengteng, kizopna chiteng sep jiaka, lemtaka suktuah leh kizomkhawma, hiang chihin sep dingdan bangtaka a sep chiangin pumpi a khanga itna ah amah leh amah akilam tou hi.

¹⁷Tuin hiai ka genin Toupa ah kontheisak ahi, Jentelte a lungsim ginatlouhna uh pu-a a om bangun, na om nawn mahmah ding uh ahi kei;

¹⁸Amau tuh a lungtang uh tak jiaka theihtheihlouhna jiakin Pathian hinna theihtheihna a pan posiahin a om uhi;

¹⁹A khenggawpta ua, sianglou chiteng hihna lama huaihamin jautatna ah a kipumpiak uhi.

²⁰Nou jaw huchibangin kris thu na zil kei uhi!

²¹A thu jaa amaha thuhilhna om khin na hih peuhmah uleh, jesua thutak a om bangin.

²²Na pianken lui uh, na nidanglai hindan uh segawpsa suahkhia unla,

²³Na lungsim Kha uah a thakin hongom unla,

²⁴Pianken thak, diktatna leh sianthounaa Pathian batpiha siampen silh un.

²⁵Huchiin, juaugen tawpsanin, noumau inveng kiangah thudiktak gen chiat un; kihiang tuah chiat na hi ngal ua.

²⁶Heh unla, khelh jaw khial kei un; na hehna uh niin tum pih kei hen.

²⁷Diabol leng mun awn sam kei un.

²⁸Gutain gu nawnta kei hen; tasam kianga piak ding a neih theihna dingin, a khuta thil hoih semin gim jaw hen.

²⁹Thu sia peuhmah na kam ua kipanin pawt kei hen; a khawk dan bang jela bawl hoih dingin thu hoih peuhmah pawt jaw hen, a ngaikhete adinga hehpihna a hohnghih theihna dingin.

³⁰Huan, Pathian Kha Siangthou tuh hihlungkham kei un, tatna nia dingin amahah chiamteh na hi uhi.

³¹Khatna bang, thangpaihna bang, hehna bang, hanna bang, gensiatna tengteng tawpsanin omta hen, gitlouhna tengteng toh.Huan, kihehpih chiata lainatna neiin om unla, Pathianin Krisa a honngaihdam bangin, noumau leng kingaidam tuah chiat un.

³²Huan, kihehpih chiata lainatna neiin om unla, Pathianin Krisa a honngaihdam bangin, noumau leng kingaidam tuah chiat un.