Read Paite Joshua 15 Bible Online

Joshua 15 - Paite bible

Joshua 15

¹Huan, Juda suante nam a inkuan dungjui jela tuam ding ua seh bel Edom gamgi chiang sim lampang, Zin gamdai tan hialin, simtawp vengveng tan ahi.

²Huan, sim lampanga a gamgi chiang uh Tuipi AI tawp vengveng, sim sawn tuipimeng akipanin ahi;

³Huan, Akrabim tungahna simlam suanin a pai jela, Zin a vatunga, huan, Kades-barnea simlamah a tungkaha, Hebron a vatunga, huan Adar ah a tou paia, Karka a kualkhum:

⁴Huan, Azmon ah a pai jela, Aigupta lui ah a tuakkhiaa; huchiin tuipi gamgi tawp chiang ahi: huai bel sim lampanga na gamgi chiang ding uh ahi ding.

⁵Huan, suah lampang gamgi bel Tuipi AI, Jordan tun tak ahi. Huan, mal lampang gamgi bel tuipi tuimeng, Jordan tun akipanin ahi a;

⁶Huchiin gamgi pen Beth-hogla ah a tou paia, Beth-araba mal ah a pai jela: huan, gamgi bel Reuben tapa Bohan suang ah a pai tou jela:

⁷Huan, gamgi tuh Akor guam akipanin Debir ah a pai toutoua, huan, lui simlama om Adumima tungkahna china Gilgal lam juanin mallamah a pai jela: huan, gamgi bel Ensemes tuite ah a paipaia, huchiinhuai gamgi tuh En-rogel ah a suakkhia ahi:

⁸Huan, gamgi pen Hinam tapa guam ah Jebuste gam pang simlam (huai bel Jerusalem a hi) phain a paitoua; huan, gamgi tuh Hinom tang lampang guam china om tang vumah a pai toua, huai bel Rephaim mal lampang guam tawp mahmah ahi;

⁹Huan, gamgi tang vum akipanin Nephtoa lui tuite phain a paisak ua, Ephron tanga khopi ahte a pai jela; huan, gamgi tuh Baala ah (huai bel Kiriath-jearim a hi) a paisak uh;

¹⁰Hian, gamgi pen Baala akipanin tum lampang ah Seir tang phain a kihek kual nawna, mal lampangah Jearim (huai bel Kesalon a hi) tang julah a pai suka, Timna lamah a pai jela;

¹¹Huan, gamgi bel mal lampang Ekron julah a pai khiaa, huan, gamgi tuh Sikron ah a paisak ua, huan, Baala tangah a pai jela, Jabneel ah a pawta; huchiin gamgi tuh tuipi ah a tawp ahi.

¹²Huan, tum lampang gamgi bel tuipi azata ja leh a piau chiang teng ahi. Huai gam chiangchiang ahi Juda suante adia a inkhuan uh dungjui jela seh.

¹³Huan, Jephuni tapa Kaleb TOUPAN Josua thu a piak bangin Juda suante lakah tantuam a bawlsak tei a, huai bel Kiriath-arba ahi, Arba bel Ananka pa ahi, (huai tuh Hebron leng a chi uh).

¹⁴Huan, Kalebin huai khua akipan Anak tapate thum Sesai te, Ahiman te, Talmai te, Anak tate a delhkhia.

¹⁵Huan, huai akipanin Debir khuaa mite a vasim ua; a main Debir kho min pen Kiriath-sepher ahi.

¹⁶Huan, Kalebin, Kuapeuh Kiriathsepher vasima, vala thei peuhmah ka tanu Aksa ji dingin ka neisak ding, a chi a.

¹⁷Kaleb unau Kenaz tapa Othnielin a valaa; huchiin a tanu Aksa ji dingin a neisakta.

¹⁸Huan, hichi ahia, a kiang a vatunin, a pa gam ngen dingin a kuana: huan, a sabengtung akipan a kuma; huan, Kalebin a kiangah, Bang na deiha? a nachi a.

¹⁹Huan, aman, Honvualjawlin; Simlam gamah lah non na-om sakta ngala, tui nakneite honpe tel lain, a chi a. Huchiin tui nakneite saknung leh tui nakneite khangnung a peta hi.

²⁰Huai pen ahi Juda suante nam a inkuan uh dungjui jela a gouluah uh.

²¹Huan, Sima Edom gamgi vasunpen Juda suante nam khopi nawlnungpente tuh Kabzeel te, Eder te, Jagur te;

²²Kina te, Dimona te, Adada te;

²³Kades te, Hazorte, Ithnan te;

²⁴Zip te, Telem te, Bealot te,

²⁵Hazar-hadata te, Meroth-hezron (huai tuh Hazor a hi) te;

²⁶Aman te, Sema te, Molada te;

²⁷Hazar-gada te, Hesmon te, Beth-pelet te;

²⁸Hazar-sual te, Beer-seba te, Biziothia te;

²⁹Baala te, Iim te, Ezem te;

³⁰Eltolad te, Kesil te, Horma te;

³¹Ziklag te, Madmana te, Sansana te;

³²Lebaoth te, Silhim te, Ain te, Rimon te ahi: Khopi tengtenga khopelte toh kho sawmnih leh kho kua ahi.

³³Huan, phai gam lamah Estael te, Zora te, Asna te;

³⁴Zanoa te, En-ganim te, Tapua te, Enam te;

³⁵Jarmuth te, Adulam te, Sokoh te, Azeka te;

³⁶Saaraim te, Adithaim te, Gerera te, Dedrothaim te: khopite a khopelte toh kho sawm leh kho li ahi.

³⁷Zenan te, Hadas te, Migdalgad te;

³⁸Dilan te, Mizpe te, Joktheel te;

³⁹Lakis te, Boz-kat te, Eglon te;

⁴⁰Kabon te, Lakhmam te, Kitlis te;

⁴¹Gederot te, Beth-dagon te, Kakeda te; khopi a khopelte toh kho sawm leh kho guk ahi.

⁴²Libna te, Ether te, Asan te;

⁴³Iphta te, Asna te Nezib te;

⁴⁴Keila te, Akizb te, Maresa te; khopite a khopelte toh kho kua ahi.

⁴⁵Ekron leh a khopite leh a khopelte:

⁴⁶Ekron akipana tuipi tanpha hialin Asdod jula om tengteng a khopilte toh.

⁴⁷Asdod leh a khopite leh a khopelte; Gaza leh a khopite leh a khopelte; Aigupta lui leh tuipi ja leh a gei chiang phain.

⁴⁸Huan, singtang gam lamah Samir te, Jatir te, Soko te;

⁴⁹Dana te, Kiriath-sana (huai bel Debir a hi) te;

⁵⁰Anab te, Estem te, Anim te; Gosen te,

⁵¹Holon te, Gilo te; khopite a khopelte toh kho sawm leh kho khat ahi.

⁵²Arab te, Duma te, Esan te;

⁵³Janim te, Beth-tapua te, Apheka te;

⁵⁴Humta te, Kiriath-arba (huai bel Hebron a hi) te, Zior te; khopite a khopelte toh kho kua ahi.

⁵⁵Maon te, Karmel te, Zip te, Juta te;

⁵⁶Jezreel te, Jokdeam te, Zanoa te;

⁵⁷Kain te, Gibea te, Timna te; khopi a khopelte toh kho sawm ahi.

⁵⁸Halhulte, Beth-zur te, Gedor te;

⁵⁹Maarat te, Beth-anot te, Eltekon te; khopite a khopelte toh kho guk ahi.

⁶⁰Kiriath-baal (huai bel Kiriath-jearim a hi) te, Raba te; khopi a khopelte toh kho nih ahi.

⁶¹Gamdai lamah Beth-araba te, Midin te, sekaka te;

⁶²Nibsan te, Chi khopite, En-gedi te; khopite a khopelte toh kho guk ahi.Jerusalem khuaa teng Jebuste bel Juda suanten a delhkhe theikei ua; huchiin, Jebuste Juda suante toh tu tanin Jerusalem ah a teng khawm nilouh uhi.

⁶³Jerusalem khuaa teng Jebuste bel Juda suanten a delhkhe theikei ua; huchiin, Jebuste Juda suante toh tu tanin Jerusalem ah a teng khawm nilouh uhi.