Read Paite Joshua 19 Bible Online

Joshua 19 - Paite bible

Joshua 19

¹Huan, aisan nihveina Simeon tungah, Simeon suante nam tungah a inkuan uh dungjui jelin a puk nawna: amau tantuam Juda suante tantuam lakah a tel tei ahi.

²A tantuam ding ua pukte Beer-seba (Seba hiam) te, Molada te;

³Hazar-sual te, Bala te, Ezem te;

⁴Eltolad te, Bethul te, Horma te;

⁵Ziklag te, Beth-markaboth te, Hazar-susa te;

⁶Bethlebaoth te, Saruhen te; khopi sawm leh thum a khopelte toh:

⁷Ain te, Rimon te, Ether te, Asan te: khopi li a khopel toh:

⁸Huai khopi kima khopel tengteng Baalath-beer simlama Rama a pha. Huaite ahi Simeon suante a inkuan uh dungjui jela a mau tantuam dinga seh.

⁹Simeon suante tantuam Juda suante tantuam Juda suante tan laka ahi: Juda suante tan tuam bel amau adingin a za lo ngala; huajiakin Simeon suante tantuam lakah a tel tei hi.

¹⁰Huan, aisan thumveina bel Zebulun suante tungah a inkuan uh dungjui jelin a puk nawn: huan, a tantuam gamgi uh Sarid tanin ahi:

¹¹Huan, a gamgi uh tumlam pangah Marala phain a pai jela. Dabeseth a vatunga; huan, Jokneam china luta a vatunga;

¹²Huan, Sarid akipanin suahlam pang ni suahna lamah Kisloth-tabor gamgi phain a kawi toua; Daberathah a pawta,

¹³Huan, huai akipanin suahlam pangah Gath-hepher leh Ethkazin ah a pai jela, Nea lam juanin Rimon ah a pawt;

¹⁴Huan, gamgi mal lamah Hanathonah a kual phei nawna: huan, a pawtna Iphtah-el guam ah ahi;

¹⁵Huan, katath te, nahalal te Siron te, Idala te, Bethlehem te; khopi sawmleh nih a khopelte toh.

¹⁶Huaite ahi Zebulun suante a inkuan uh dungjui jela a tantuam ding ua she; huai khopite a khopelte toh.

¹⁷Huan, aisan li veina Isakar tungah, Isakar suante tungah a inkuan uh omdan dungjui jelin a puk nawn a.

¹⁸Huan, a gamgi chiang uh Jezreel te, Kesuloth te, sunem te;

¹⁹Hapharaim te, sion te, Anaharath te;

²⁰Rabith te, Kision te, Ebez te;

²¹Remeth te, Enganim te, Enhada te, Beth-pazez te tanin ahi;

²²Huan, gamgiin Tabor te, Sahazuma te, Bethsemes te a vaphaa; huchiin a gamgi uh pawtna Joran ah ahi:

²³Khopi sawm leh guk a khopelte toh. Huaite ahi Isakar suante nam a inkuan uh dungjui jela a tantuam ding ua seh; khopi te leh a khopelte toh.

²⁴Huan, aisan ngana Aser suante nam tungah a inkuan uh dungjui jelin a puk nawna.

²⁵Huan, amau gamgi chiang bel Helkath te, Hali te, Beten te, Aksaph te,

²⁶Alamelek te, Amad te, Misal te ahi; tum lampangah Karmel leh Sihor-libnath a pha suka;

²⁷Huan, ni suahna lampangah Beth-dagonah a kual toua, huan, Zebulun leh mallam pangah Iphtah-el guam ah Bethemek leh Neiel a vaphaa;

²⁸Huan, veilam pangah Kabul te, Ebron te, Rehob te, Hamon te, kana te, Zidon thupi phain a pai jela;

²⁹Huan, gamgi Rama ah leh Rura khopi kulhnei ah a kual pheia: huan, gamgi Hosa ah a kualphei pheia; huchiin a pawtna Akzib gam tuipi ah ahi:

³⁰Uma te, Aphek te, Rehob te: kho sawmnih leh nih a khopelte toh.

³¹Huaite ahi Aser suante nam a inkuan uh dungjui jela a tantuam uh: huai khopite leh a khopelte.

³²Huan, aissan gukna Naphtali suan tungah a inkuan uh dung jui jel mahin Naphtali suante tungah a puk nawn.

³³Huan, a gamgi chiang uh Heleph akipan bang, Zaana nima tosaw akipan bang, Admai-nekeb leh Jabneel akipan banga Lakum pha ahi; huan, a pawtna Jordan ah ahi:

³⁴Huan, gamgi tumlam pangah Aznoth-taborah a pai suka; huan, huai akipanin Hukokah a paia; huan, simlamah Zebulun a vatunga, tumlamah Aser a tunga, huan, ni suahnalamah Judia gama Jordan a pha tou.

³⁵Huan, khopi kulh neite bel Zidim te, Zer te, Hamath te, Rakath te, Kinereth te;

³⁶Adama te, Rama te, Hazor te;

³⁷Kedes te, Edrei te, En-hozor te;

³⁸Iron te, Migdal-el te, Horem te, Bethanath te, Beth-semes te ahi; khopi sawm leh kua a khopelte toh.

³⁹Huaite ahi Naphtali suante nam a inkuan uh dungjui jela a tantuam uh, khopite leh a khopelte toh.

⁴⁰Huan, aisan sagih veina Dan suante anam tungah a inkuan uh dungjui jelin a puaka.

⁴¹Huan, a tantuam gamgi uh Zora te, Estaol te, Ir-semes te;

⁴²Saalbin te, Aijalon te, Ithla te;

⁴³Elon te, Timna te, Ekron te;

⁴⁴Elteke te, Givethon te, Baalath te;

⁴⁵Jehud te, Nen-berak te, Gath-rimon te;

⁴⁶Me-jarkon te, Radon, Jopa chin gam te toh ahi.

⁴⁷Huan, Dan suante gamgiin huaite a vakheng a: Dan suanten Lesem a sual ua, a la ua, namsauin a hihmang ua, a tangta ua, Huailaiah a om pah ngal ua, a pu uh Dan min tamin Lesem tuh Dan a nachi uhi.

⁴⁸Huaite ahi Dan suante nam a inkuan uh dungjui jela a tantuam uh; huai khopi leh a khopelte toh.

⁴⁹Huchiin a tantuam ding un gamgi bawl bang jelin gam a nahawm khin ua; huchiin Israel suanten Nun tapa Josua a lak uah tantuam bawlsak a sawm uh:

⁵⁰TOUPA thupiak bangin Ephraim singtang gama a khopi din Timnath-sera khua mahmah a pia ua: huan, khopi a bawla, huaiah a omta hi.Huaite ahi siampu Eleazar te, Nun tapa Josua te leh Israel suante nam inkuana intekpenten Siloa TOUPA maa kihoupihna puaina kongkhak a aisana a goutan ding ua a nahawmte uh. Huchiin gam khen tuh a zouta uhi.

⁵¹Huaite ahi siampu Eleazar te, Nun tapa Josua te leh Israel suante nam inkuana intekpenten Siloa TOUPA maa kihoupihna puaina kongkhak a aisana a goutan ding ua a nahawmte uh. Huchiin gam khen tuh a zouta uhi.