Read Paite 1 Timothy 5 Bible Online

1 Timothy 5 - Paite bible

1 Timothy 5

¹Putek deuhte tai kenla, pa bangin thuhilh zawin; tangval deuhte unau bangin;

²pitek deuhte nu bang in; nungak deuhte siangthou takin sangam numei bangin.

³Meithai, meithai takatakte zahtak in.

⁴Himahleh, meithai kuapeuhin tate hiam, tute hiam aneih uleh, huaiten tuh amau insung lamah Pathian limsakna mohpuakna thei masa uhela, amau nu-le-pa te uh kem uhen; huai tuh Pathian kipah lamtak ahi ngala.

⁵Meithai taktak amah kiaa om intuh, Pathian tungah lametna aneia, sun leh jan a ngenin a thum gige hi.

⁶Ahihhangin, meithai ama nopna lela kipia zaw, adamlai nangawn in a si ahi.

⁷Gensiat bei a a om theihna ding un huai thu bang leng pia in.

⁸Himahleh kuapeuh in amah mite ading a angaihtuah sak kei a, ama inkuante khol houh a ngaihtuahsak keileh, ginna tuh azuausana, ginglou mi sangin a gilou zaw ahi.

⁹Meithai kum sawmguk chiang nuailam mi hi lou, mikhat ji hisa, meithaia gelh theih ahi.

¹⁰Thil hih hoih lam a mi phata tate vaktei khina, mikhualte na zintun khina, misiangthoute khe na silta a, mangbangte na dawnzang khina, thil hoih peuhmah thanuam tak a na hih khin a hih peuhmahleh.

¹¹Himahleh, meithai nungaklaisimte zaw gelh ken; Kris lam a a hong kiplouh un pasal neih a ut nak uhi;

¹²A gin tung na uh a paih ziak un siamlouh tang in a om nak uhi.

¹³Huan, huailou leng, in teng ah a ban pawt ua, a tha uh a dah nak hi; thadah kia leng hilou in, thugen louh ding gen in, kamtam leh mite thilhih lai a vaihawm sak nak uhi.

¹⁴Huchiin, methai nungaklaisimte zaw pasal nei uhenla, tate nei uhenla, insung khosak ngaihtuah uhenla, gensiatna ding lemtang himhim melma musak kei le uh kadeih hi.

¹⁵Tuin leng mi khenkhat in setan lam naihin a pialsanta ngal ua.

¹⁶Gingtami numei in methaite neita leh, dawnzang hen; saptuamte tuh hihbuai in om kei hen; meithai taktakte a dawnzang theihna ding un.

¹⁷Saptuam upa vaihawm hoihte tuh a lehnih a thupi tuak a seh hi uhen. Thuhilh leh thu a semgimte tuh hihthupi tuaka seh nawn sem hi uhen.

¹⁸Laisiangthou in, Bawngtalin buh a chil lain a muk hen ken, a chi a. Nasemmi tuh a loh mutak ahi, a chi nawna.

¹⁹Saptuam upa a hekna uh tuh, theihpih nih hiam kama lou zaw la ken.

²⁰Mikhialte tuh mi tengteng maah taihilh in, midangten leng a lau theihna ding un.

²¹Deihsak tuam neilou a, khentuam nei a bangmah hih lou-a hiai thute zui ding in Pathian leh Khris Jesu leh angel telte mitmuh in phatuamngai takin ka hontheisak hi.

²²Kuamah tungah khut nga pah kenla, midang khelhna bangah leng kikum ken; ki hih siangthou gige in.

²³Tui kia dawn kenla, na gilpi ziakin leh na damlouh nak ziakin uain neu khakha zang zel in.

²⁴mi khenkhat khelhna tuh a lang gige a, vaihawmna atun nak hi; mi khenkhat khelhnate bel a khawnung in a hong kilang.huchibang mahin thil hoih hih kilangsa a om a, huchibang loute leng sel theih ahi kei hi.

²⁵huchibang mahin thil hoih hih kilangsa a om a, huchibang loute leng sel theih ahi kei hi.