Read Paite Chin GENESIS 14 Bible Online

GENESIS 14 - Paite Chin bible

GENESIS 14

¹Huan, Sinar khaw kumpipa Amraphel, Ellasar khaw kumpipa Ariok, Elam khaw kumpipa Kedorla-omer, Goiim khaw kumpipa Tidal damlai in hichi ahi a;

²Amau Sodom khaw kumpipa Bera a sim uh. Gomorrah khaw kumpipa Birsa, Admah khaw kumpipa Sinab, Zeboiim khaw kumpipa Semeber, Bela khaw kumpipa leng a sim uhi, huai Zoar ahi.

³Hiai tengteng Siddim guam ah a pang uh, huai guam Chi Tuipi ahi.

⁴Kum sawmlehnih sung Kedorla-omer nuai ah a na om ua, a kum sawm leh thumna in a helta uhi.

⁵A kum sawmlehlina ah Kedorla-omer leh a kiang a kumpipa omte a hong ua, Asteroth-karnaim khua ah Rephaimte a that ua, Ham khua ah Zuzimte a that ua, Kariathaim phaizang ah Emimte a that uhi.

⁶A omna Seir tang ah Elparan pha in, Horte a that uhi, Elparan gamdai zul a om ahi.

⁷A kiknawn ua, Enmishpat a tung ua, huai Kadesh ahita, Amalekte gam a mi teng leh Amorte, Hazezon tamar khua a tengte leng a that nawn uhi.

⁸Sodom khaw kumpipa, Gomorrah khaw kumpipa, Admah khaw kumpipa, Zeboiim khaw kumpipa leh Bela khaw kumpipa a pawt ua, Bela khua Zoar khua ahita, Siddim guam ah amau sual ding in a pangta uhi.

⁹Elam khaw kumpipa Kedorla-omer, Goiim khaw kumpipa Tidal, Shinar khaw kumpipa Amraphel te, Ellasar khaw kumpipa Ariok sual ding in, Kumpipa li in kumpipa nga a sual uhi.

¹⁰Siddim guam longnai khuk in a dim a; Sodom leh Gomorrah khaw kumpipate a taikek ua, huai ah a kia ua, a keloute tang ah a tai touta uh.

¹¹Sodom leh Gomorrah mite sum tengteng leh a nekding tengteng uh a la ua, a paita uhi.

¹²Lot, Abram unau tapa, Sodom khua a om, a neih teng toh a la ua, a paita uhi.

¹³Mi khat hong taikhia a hongpai a, Hebru mi Abram a hilh a; amah Amormi Mamre tawsaw kiang ah a teng hi. Mamre Eskol unau leh Aner unau ahi a; huai mite Abram toh pangkhawm ahi uh.

¹⁴Abram in unaupa sal in a pi uh, chih a zaktak in, a inn a piang, aman a chilsiamsa mi za thum leh sawmlehgiat a pikhia a, Dan khua pha in a delhta hi.

¹⁵Zan in amau sual ding in amah leh a sikhate a ki hawmzak ua, a that ua Hobah pha in a delh uhi. Hobah bel Damaska mallam ah a om hi.

¹⁶Thil tengteng a honla kiknawn vek a, a unaupa Lot leh a neih tengteng a honla kiknawn vek a, numeite leng a hon pinawn a, midang tengteng toh.

¹⁷Kedorla-omer leh a kiang a om kumpipate that khin, a paikik in Sodom kumpipa Shave guam ah, Abram dawn ding in a hohsuk hi. Shave guam kumpipa guam ahita.

¹⁸Salem khaw kumpipa Melkizedek in tanghou leh uain a hontawi a; amah Pathian Tungnungpen siampu ahi.

¹⁹Aman Abram a vualzawl a; “Lei leh van neipa, Pathian Tungnungpen Abram vualzawl in om hen.

²⁰Na melmate na khut a hon pepa, Pathian Tungnungpen, phat in om hen” a chi hi. Abram in amah bangkim a sawm a khat a pia hi.

²¹Sodom khaw kumpipa’n Abram kiang ah, “Mite honpia inla, thilte nang kineih in” a chi hi.

²²Abram in Sodom kumpipa kiang ah, “Lei leh van neipa, TOUPA, Pathian Tungnungpen lam ah ka khut ka zakta hi.

²³Khauzang khat lel leng, khedap khau khat lel leng, na neih himhim ka lakei ding, huchilou in zaw, Abram, kei hauhsak sak ahi, na chikha ding” a chi hi.

²⁴“Tangvalte nekmang leh ka mi paipihte tantuan kia louzaw ka lakei ding, Aner, Eskol leh Mamrete’n a tantuan uh la uhen” a chi hi.