Read Paite Chin GENESIS 36 Bible Online

GENESIS 36 - Paite Chin bible

GENESIS 36

¹Huan, hiaite Esau suante ahi uh, Esau Edom ahi.

²Esau in a zite Kanan gam a nungakte lak a a neih ahi: Hit mi Elon tanu Adah leh Hiv mi Zibeon tanu Anah Tanu Aholibamah ahi ua;

³Ishmael tanu, Nebajoth sanggamnu Basemath toh.

⁴Adah in Eliphaz Esau a neihsak a; Basemath in Reuel a nei hi.

⁵Aholibamah in Jeush, Jaalam leh Korah a nei a; hiaite Esau tapate, Kanan gam a a neihte ahi uhi.

⁶Esau in a zite, a tapate, a tanute, a in a mi tengteng, a gante tengteng, a sa tengteng leh a thil neih tengteng, Kanan gam a a muhte a paipih a, a nau Jakob kiang a kipan gamdang ah a paimangta hi.

⁷A thilneihte uh a thupi lua a, a omkhawm theikei uh. A gante uh ziak in mikhual a a omna gam un a chinta kei hi.

⁸Esau Seir tang ah a tengta hi. Esau Edom ahi.

⁹Hiaite Seir tang a Edomte suangpa Esau suante ahi uh:

¹⁰Hiai Esau tapate minte ahi: Eliphaz, Esau zi Adah tapa; Reuel, Esau zi Basemath tapa.

¹¹Eliphaz tapate: Teman, Omar, Zepho, Gatam leh Kenaz ahi uh.

¹²Timna, Esau tapa Eliphaz mei ahi a; aman Amalek Eliphaz a neihsak hi. Hiaite Esau zi Adah suante ahi uh.

¹³Hiaite Reuel tapate ahi uh: Nahath leh Zerah, Sammah leh Mizzah. Hiaite Esau zi Basemath suante ahi uh.

¹⁴Hiaite Zibeon tanu Anah tanu Esau zi Aholibamah tapate ahi uh: Aman Esau Jeush leh Jalaam leh Korah a neihsak hi.

¹⁵Hiaite Esau tapate lak a heutute ahi uh: Esau ta masapen Eliphaz tapate; heutu Teman, heutu Omar, heutu Zepho, heutu Kenaz,

¹⁶heutu Korah, heutu Gatam leh heutu Amalek. Hiaite Edom gam a Eliphaz a kipan pawt heutute ahi ua, hiaite Adah suante ahi uh.

¹⁷Hiaite Esau tapa Reuel suante ahi uh: Heutu Nahath, heutu Zerah, heutu Sammah leh Heutu Mizzah. Hiaite Edom gam a Reuel a kipan a pawt heutute ahi ua; Esau zi Basemath suante ahi uhi.

¹⁸Hiaite Esau zi Aholibamah suante ahi uh: Heutu Jeush, heutu Jalaam leh heutu Korah. Huaite heutu Anah tanu Esau zi Aholibamah suante ahi uh.

¹⁹Huaite Esau tapate ahi ua; a lak ua heutute ahi uh. Esau Edom ahi.

²⁰Hiaite Hor mi Seir tapa gam luahte ahi uh: Lotan, Sobal, Zibeon, Anah.

²¹Dishon, Ezer leh Dishan. Huaite Edom gam a Seir tapa Horte heutute ahi uh.

²²Lotan tate Hor leh Hemam ahi ua; Lotan sanggamnu Timna ahi.

²³Hiaite Sobal tate ahi uh: Alvan, Manahath, Ebal, Shepho leh Onam.

²⁴Hiaite Zibeon tate ahi uh: Ajah leh Anah. Hiai Anah, a pa Zibeon sabiltungte a khah lai a gamdai a tuisa khukte mukhepa ahi.

²⁵Hiaite Anah tate ahi uh: Dishon leh Anah tanu Aholibamah.

²⁶Hiaite Dishon tate ahi uh: Hemdan, Esban, Ithran leh Cheran.

²⁷Hiaite Ezer tate ahi uh: Bilhan, Zaavan leh Akan.

²⁸Hiaite Dishan tate ahi uh: Uz leh Aran.

²⁹Hiaite Horte heutute ahi uh: heutu Lotan, hetu sobal, hetu Zibeon leh heutu Anah.

³⁰Heutu Dison, heutu Ezer leh heutu Dishan. Hiaite Seir gam a heutu a hih dan bang a Horte heutute ahi uh.

³¹Hiaite kumpipa kuamah in Israel suante tung a vai a vaihawm ma ua, Edom gam a vaihawm kumpitate ahi uhi.

³²Beor tapa Bela in Edom gam ah vai a hawm a, a khopi min Dinhabah ahi.

³³Bela a si a, Bozrah khua a mi Zerah tapa Jobab in a sik in vai a hawmta hi.

³⁴Jobab a si a, Timante gam a mi Husam in a sik in vai a hawmta hi.

³⁵Husam a si a, Bedad tapa Hadad, Moab pawn a Midiante thatpa’n a sik in vai a hawm a, a khopi min Avith ahi.

³⁶Hadad a si a, Masrekah mi Samlah in a sik in vai a hawm hi.

³⁷Samlah a si a, Luipi gei a Rehoboth khua a mi Saul in a sik in vai a hawm hi.

³⁸Saul a si a, Akbor tapa Baal hanan in a sik in vai a hawm hi.

³⁹Akbor tapa Bal hanan a si a, Hadar in a sik in vai a hawm a, a khopi min Pau ahi. A zi min Mehetabel ahi a, amah Mezahab tanu Matred tanu ahi

⁴⁰Hiaite a inkuan uh bangzel leh a mun bangzel uh leh a min bangzel ua Esau suan heutute min ahi. Heutu Timnah, heutu Alvah leh heutu Jetheth.

⁴¹Heutu Aholibamah, heutu Elah, heutu Pinon.

⁴²Heutu Kenaz, heutu Teman, heutu Mibzar.

⁴³Heutu Magdiel leh heutu Iram. Hiaite a gam neih uah a omna uh bangzel in Edom suan heutute ahi uh. Edomte pa Esau ahi.