Read Paite Chin 1 KRONIKIL 24 Bible Online

1 KRONIKIL 24 - Paite Chin bible

1 KRONIKIL 24

¹Aron tapate pawl khen dan hichibang ahi, Aron tapate Nadab, Abihu, Eleazar leh Ithamar ahi uh.

²Nadab leh Abihu bel a pa uh sang in a si masa ua; ta a neikei uh; huaiziak in Eleazar leh Ithamarte’n siampu na a sem uhi.

³David in Eleazar tapa Zadok leh Ithamar tapa Ahimelekte toh a nasep dan ding uh a hawmsak hi.

⁴Ithamar suante sang in Eleazar suan pipen a pang a tamzaw uh; hichibang in a khen uh; Eleazar suan ah, inkuan pipen sawmlehguk ahi ua; Ithamar suan ah, inkuan pipen giat ahi uh.

⁵Eleazar suan a mi leh Ithamar suan a mite lak ah, Mun Siangthou a miliante leh Pathian miliante a om tuaktuak uh ahihman in aisan in, amaute a khen uhi.

⁶Huan Levi mi, Laigelhmi Nethaneel tapa Semaiah in kumpipa, milian, siampu Zadok, Abiathar tapa Ahimelek, siampute leh Levite inkaw pipente mitmuh in a gelh a; inkuan pipa khat tan Eleazar tung ah a puk a, khat bel Ithamar tung ah a puk hi.

⁷Huchi in aisan khatveina bel Jehoarib tung ah a puk a, nihveina Jedaiah tung ah;

⁸Thumveina Harim tung ah, liveina Seorim tung ah;

⁹Ngaveina Makijah tung ah, gukveina Mijamin tung ah;

¹⁰Sagihveina Hakoz tung ah, giatveina Abijah tung ah;

¹¹Kuaveina Jeshua tung ah, sawmveina Sekaniah tung ah;

¹²Sawmlehkhatveina Eliasib tung ah, sawmlehnihveina Jakim tung ah;

¹³Sawmlehthumveina Hupah tung ah, sawmlehli veina Jesebeab tung ah;

¹⁴Sawmlehngaveina Bilgah tung ah, sawmlehgukveina Immer tung ah;

¹⁵Sawmlehsagih veina Hezir tung ah, sawmlehgiatveina Apzes tung ah;

¹⁶Sawmlehkuaveina Pethahiah tung ah, sawmnih veina Jehezekel tung ah;

¹⁷Sawmnih leh khatveina Jakin tung ah, sawmnih leh nihveina Gamul tung ah;

¹⁸Sawmnih leh thumveina Delaiah tung ah, sawmnih leh liveina Maaziah tung ah.

¹⁹Huai bel TOUPA, Israelte Pathian in a pu uh Aron thu a na piak, TOUPA insung a na a sep dan ding a na sehdan ahi hi.

²⁰Levi suan dangte lak ah; Amram tate lak ah Subael ahi; Subael tate lak ah Jedeiah.

²¹Rehabiah lam ah; Rehabaihte lak ah pipen Isshiah.

²²Izharte lak ah Selomoth; Selomoth tapate lak ah Jahath,

²³Hebron tapate, a upapen Jeriah ahi a, a sang Amariah, a sang nawn Jahaziel, a sang nawn Jokameam ahi.

²⁴Uziel tapate lak a mi Mikah; Mikah tapate lak a mi Samir ahi.

²⁵Mikah unaupa Isshiah ahi a; Isshiah tapate lak ah, Zekariah.

²⁶Merari tapate bel Mahli leh Musi ahi ua; Jaaziah tapate lak a mi Beno ahi.

²⁷Merari suante, Jaaziah lak ah Beno, Soham, Zakur leh Ibrite ahi uh.

²⁸Mahli lak ah, Eleazar ahi a, aman tapa a neikei.

²⁹Kish lak ah, Kish tapa Jerameel ahi.

³⁰Musi suante bel, Mahli, Ede leh Jerimothte ahi uh. Hiaite bel Levite suante lak a a inkuan ua pipente ahi uhi.

³¹Hiai inkuan chih a lianpen leh naupangpen te’n leng Aron ta a unaute uh bang in, a gam tanding uh, kumpipa David, Zadok, Ahimelek, siampu leh Levite inkaw pipente mitmuh in ai a san sam uhi.