Read Paite Chin 1 KRONIKIL 25 Bible Online

1 KRONIKIL 25 - Paite Chin bible

1 KRONIKIL 25

¹Huan Asaph, Heman, Jeduthun tapa khenkhat kaihgingte, pekgingte, dakkhutbette toh a lavek a nasemmi ding in David leh sepaih heutute’n a hihtuam ua; nasep ding omdan bangzel in nasemmite tamdan ding a sep uhi;

²Asaph tapate lak a mi Zakur, Joseph, Nethaniah leh Asarelah ahi ua, amau bel Asaph tapate, kumpipa thupiak bang a lavek zel. Asaph thuthu a om ahi uhi.

³Jeduthun lak ah; Jeduthun ta Gedaliah, Zeri, Jesaiah, Simei; Hasabiah leh Matithiahte, guk ahi uh; kaihging toh TOUPA kiang a kipahthu gen a lavek a a pa uh Jeduthun thuthu a om ahi uh.

⁴Heman lak ah; Heman ta Bukiah, Mataniah, Uziel, Sebuel, Jerimoth, Hananiah, Hanni, Eliathah, Giddalti, Romamtiezer, Josbekasah, Malothi, Hothir leh Mahziothte ahi uhi;

⁵Huaite tengteng Pathian lam thu a kumpipa zawlnei Heman ta pengkulkawi mutmi dingte ahi uhi. Pathian in Heman tapa sawmlehli leh tanu thum a pia.

⁶Huaite tengteng TOUPA inn a dakkhutbet toh, kaihging toh, pekging toh, Pathian inn a nasepna ding a la toh lemmite, a pa uh thuthu a om ahi uh; Asaph, Jeduthun leh Hemante bel kumpipa thupiaka om ahi leuleu uhi.

⁷A tamlam uh, a unau, TOUPA ding a lasak kisin siam khinsa tengtengte toh za nih leh sawmgiat leh giat ahi uh.

⁸Huan a neu a lian, sinsakmi leh sinmi in a tan ding uh kibangsap in ai a san uhi.

⁹Huchi in aisan khatveina Asaph tapa Joseph tung ah a puk a; nihveina Gedaliah tung ah; amah leh a unaute leh a tapate sawmlehnih ahi uhi.

¹⁰Thumveina bel Zakur tung ah, a tapate leh a unaute sawmlehnih ahi uh.

¹¹Liveina Izri tung ah, a tapate leh a unaute sawmlehnih ahi uhi.

¹²Ngaveina Nethaniah tung ah, a tapate leh a unaute sawmlehnih.

¹³Gukveina Bukiah tung ah, a tapate leh a unaute sawmlehnih.

¹⁴Sagihveina Jesarelah tung ah, a tapate leh a unaute sawmlehnih.

¹⁵Giatveina bel Jesaiah tung ah, a tapate leh a unaute sawmlehnih.

¹⁶Kuaveina bel Mataniah tung ah, a tapate leh a unaute sawmlehnih.

¹⁷Sawmveina Shimei tung ah, a tapate leh a unaute sawmlehnih.

¹⁸Sawmlehkhatveina Azarel tung ah, a tapa leh a unaute sawmlehnih.

¹⁹Sawmlehnihveina Hasabiah tung ah, a tapate leh a unaute sawmlehnih.

²⁰Sawmlehthumveina Subael tung ah, a tapate leh a unaute sawmlehnih.

²¹Sawmlehliveina Matithiah tung ah, a tapate leh a unaute sawmlehnih.

²²Sawmlehngaveina Jeremoth tung ah, a tapate leh a unaute sawmlehnih.

²³Sawmlehgukveina Hananiah tung ah, a tapate leh a unaute sawmlehnih.

²⁴Sawmlehsagihveina Josbekasah tung ah, a tapate leh a unaute sawmlehnih.

²⁵Sawmlehgiatveina Hananiah tung ah, a tapate leh a unaute sawmlehnih.

²⁶Sawmlehkuaveina Malothi tung ah, a tapate leh a unaute sawmlehnih.

²⁷Sawmnihveina Eliathah tung ah, a tapate leh a unaute sawmlehnih.

²⁸Sawmnih leh khatveina Hothir tung ah, a tapate leh a unaute sawmlehnih.

²⁹Sawmnih leh nihveina Giddalti tung ah, a tapate leh a unaute sawmlehnih

³⁰Sawmnih leh thumveina Mahazioth tung ah, a tapate leh a unaute sawmlehnih.

³¹Sawmnih leh liveina Romamtiezer tung ah, a tapate leh a unaute sawmlehnih ahi uhi.