Read Paite Chin 1 KRONIKIL 27 Bible Online

1 KRONIKIL 27 - Paite Chin bible

1 KRONIKIL 27

¹Israelte a tamdan uh inkuan pipente, sepaih sang heutute, za heutute leh kumpipa nasemmite tengteng kum khat sung a kha chih a kikheng zelzel, pawl chih a mi sing nih leh sang li ahi uhi.

²Pawl khatna kha khatna a heutu Jebdiel tapa Jasobeam ahi a, pawl ah sing nih leh sang li a om uh.

³Amah Perez suan a mi, kha khatna a sepaih heutu tengteng heutu pen ahi.

⁴Kha nihna pawl heutu Ahoh mi Dodai ahi a, a pawl ah sing nih leh sang li a om uh.

⁵Kha thumna a sepaihte heutu pen siampu Jehoiada tapa Benaiah ahi a, a pawl ah sing nih leh sang li a om uh.

⁶Hiai Benaiah ahi a, sawmthum lak a mi hangsan, sawmthum tung a mi pen; a pawl ah a tapa Amizabad a tel hi.

⁷Kha lina a sepaih heutu Joab unaupa Asahel ahi a, a tapa Zebadiah a sik a pang ahi, a pawl ah sing nih leh sang li a om uh.

⁸Kha ngana sepaih heutu Izrah mi Samhut ahi a, a pawl ah sing nih leh sang li a om uh.

⁹Kha gukna a sepaih heutu Tekoa mi, Ikkes tapa Ira ahi a, a pawl ah sing nih leh sang li a om uh.

¹⁰Kha sagihna a sepaih heutu Ephraim suan Pelon mi Helez ahi a, a pawl ah sing nih leh sang li a om uh.

¹¹Kha giatna a sepaih heutu Zerah suan, Husat mi Sibbekai ahi a, a pawl ah sing nih leh sang li a om uh.

¹²Kha kua na a sepaih heutu Benjamin suan Anathoth mi Abiezer ahi a, a pawl ah sing nih leh sang li a om uh.

¹³Kha sawmna a sepaih heutu Zerah suan Netophath mi Maharai ahi a, a pawl ah sing nih sang li a om uh.

¹⁴Kha sawmlehkhatna a sepaih heutu Ephraim suan Pirathon mi Benaiah ahi a, a pawl ah sing nih leh sang li a om uh.

¹⁵Kha sawmlehnihna a sepaih heutu Othniel suan Netophath mi Heldai ahi a, a pawl ah sing nih sang li a om uh.

¹⁶Huailou leng, Israel namte tung a: Reubente lak a Zikri tapa Eliezer vaihawmpa ahi a, Simeonte lak ah Maakah tapa Sephatiah ahi;

¹⁷Levite lak ah Kumuel tapa, Hasabiah; Aron te lak ah Zadok;

¹⁸Judate lak ah David unaute lak ah Elihu, Issakarte lak ah Mikael tapa Omri;

¹⁹Zebulunte lak ah Obadiah tapa Ishmaiah; Naphtalite lak ah Azriel tapa Jeremoth;

²⁰Ephraim suante lak ah Azaziah tapa Hosea; Manasseh nam kimkhatte lak ah Pedaiah tapa Joel.

²¹Gilead gam a Manasseh nam kimkhatte lak ah, Zekariah tapa Ido; Benjaminte lak ah Abner tapa Jaasiel;

²²Dante lak ah Jeroham tapa Azariel. Huai te Israel nam heutute ahi uh.

²³David in kum sawmnih a kipan a nuailam a sim kei hi, Israelte bel van a aksi zah in a pungsak ding chih TOUPA’N a na gen khit tak ziak in.

²⁴Zeruiah tapa Joab in a sim pana, himahleh a simzou kei a, Israelte tung ah leng hehna a hongtungta a; kumpipa David vaihawm lai tanchin gelhna bu ah a zah gelh leng ahi sam kei hi.

²⁵Kumpipa sum kempa Adiel tapa Azmaveth ahi a; huan loulam ah, khopite ah, khopel khong ah, insangte a sum kempa bel Uzziah tapa Jehonathan ahi a.

²⁶Lou a leileh nasep sem kempa Kelub tapa Ezri ahi a;

²⁷Grep huan kempa Ramath mi, Shimei ahi a, grephuan a uain suksa koihkhawm kempa siphmite mi Zabdi ahi a.

²⁸Phaiguam olive sing leh theipi kungte kempa Geder mi Baal hanan ahi a, sathau koihkhawmna kempa Joash ahi.

²⁹Saron a ta ganhon kempa Saron mi Sitrai ahi a, guam a ganhon kempa Adlai tapa Saphat ahi;

³⁰Sangawngsau kempa Ishmael mite Obil ahi a, sabiltung kempa Meronoth mi Jehdeiah ahi a;

³¹Belamhon kempa Hagar mi Jaziz ahi. Huaite tengteng kumpipa David sumkem mite ahi uh.

³²Huan David pangak, mi pil, laisiam mahmah Jonathan bel thuthei pen ahi a, Hakmoni tapa Jehiel bel kumpipa tapate sinsakpa ahi.

³³Ahitophel kumpipa thutheihpihpa ahi a; Ariki mi Husai kumpipa lawm ahi a.

³⁴Ahitophel zom in Benaiah tapa Jehoiada leh Abiathar ahi uhi, kumpipa sepaih heutu bel Joab ahi.