Read Paite Chin 1 KRONIKIL 9 Bible Online

1 KRONIKIL 9 - Paite Chin bible

1 KRONIKIL 9

¹Huchi in Israel tengteng khangthu a sim in a om ua; huan, ngai in, Israel leh Judah kumpipate laibu ah gelh in a om uhi: a tatlekna ziak un Babulon lam ah sal a pimang in a om uhi.

²Amau tante a khopite ua teng masapente bel, Israel, siampute, Levi mite leh Nethinim mite ahi uhi.

³Jerusalem ah Judah tate, Benjamin tate, Ephraim leh Manasseh tate a teng uhi;

⁴Uthai Ammihud tapa, Omri tapa, Imri tapa, Bani tapa, Perez tate ah Judah tapa.

⁵Silon mite; Asaiah piang masapen leh a tapate.

⁶Zerah tapate ah; Jeuel, a unaute, za guk leh sawmkua.

⁷Benjamin tapate ah; Sallu Mesullam tapa, Hodaviah tapa, Hasenuah tapa;

⁸Huan Ibneiah Jeroham tapa, Elah Uzzi tapa, Mikri tapa, Sallum Sephatiah tapa, Reuel tapa, Ibnijah tapa;

⁹A unaute uh, a khangte uh dungzui in, za kua leh sawmnga leh guk. Hiai mite tengteng a pipute uh inkawte a pipute inkawte lupente ahi uhi.

¹⁰Huan siampute ah: Jedaiah, Jehoiarib; Jachin;

¹¹Azariah Hilkiah tapa, Mesullam tapa, Ahitub tapa, Pathian inn a vaihawmpa;

¹²Adaiah Jeroham tapa, Pashur tapa, Malkijah tapa, Maasiai Adiel tapa, Jahzerah tapa, Mesullam tapa, Mesillemit tapa, Immer tapa;

¹³A unaute uh, a pipute uh lupente, sang khat leh za sagih leh sawmguk; Pathian inn a nasepna thilhihna ding a mi hithei mahmahte.

¹⁴Huan Levi mite ah: Hashub tapa Semaiah, Azrikam tapa, Hasabiah tapa, Merari tapate ah;

¹⁵Bakbakkar, Heres, Galal, Mattaniah Mikah tapa, Zikri tapa, Asaph tapa;

¹⁶Obadiah Semaiah tapa, Galal tapa, Jeduthun tapa, Berekiah Asa tapa, Elkanah tapa, Netophath mite khuate a tengte.

¹⁷Huan kongkhak ngakmite; Sallum, Akkub, Talmon, Ahiman, a unaute uh: Sallum bel a pipen ahi.

¹⁸Kumpipa kongpi suahlam pang ngak sek: Levi tate puanin adia kongkhak ngakmite ahi uhi.

¹⁹Sallum Kore tapa, Ebiasaph tapa, Korah tapa, a unaute, a pa inkawte a, Korah mite, nasepna thilhihna a heutu ahi ua, biakbuk kongpite ngakmite: a pipute uh TOUPA puanin tung a heutu, biakbuk lutna ngakmite ahi uhi;

²⁰Phinehas Eleazar tapa hun paisa ah amaute tung a vaihawmpa ahi a, a kiang ah TOUPA a om hi.

²¹Zekariah Meselemiah tapa kihoupihna puanin kongkhak ngakpa ahi.

²²Hiaite tengteng kongpite kongkhak ngakmite hidia telte za nih leh sawmlehnih ahi uh. Hiaite a khuate ua khangthu a sim ahi ua, a sepding uh bawlsa a David leh zawlnei Samuel in a hihkipsa ahi uhi.

²³Huchi in amau leh a tate un TOUPA inn kongpite, a dandan in, biakbuk inn nasan in a kem uhi.

²⁴A pang lite ah, suahlam, tumlam, mallam, simlam ah kongkhak ngakmite a om uhi.

²⁵A unaute uh, a kallak lak in ni sagihnite teng in amau kiang a om ding in a hongpai zel ding uh ahi:

²⁶Kongkhak ngakpipen lite lah, Levi mite, sepding sehsa a om ahi ua, Pathian insung a dantante leh sumkoihnate tung ah heutu ahi uhi.

²⁷Huailai a thupiak amau tung a a om ziak in, Pathian inn kimvel ah a giak ua, zingsang teng in huai hon ding amau nasep ahi.

²⁸Huan a lak ua kuate hiam in nasepna tuiumbel suante a kem ua; kikou a laklut in a om ua, kikou a lakkhiak in a om uhi.

²⁹A lak ua khenkhatte vante, mun siangthoupen tuium-belsuan, tangbuang nelte, uainte, sathaute begaw leh gimnamtuite kem ding a seh ahi uhi.

³⁰Siampute tapate lak a a khente gimnamtuite toh hel a bawl uh.

³¹Mattithiah, Levi mite, Korah mi Sallum ta masapen, lak a khat in belliangneite kan thilte tung a nasepna sehsa a nei hi.

³²A unaute uh lak a a khen, Kohath mite tapate’n tanghou a kem ua, khawlnite a bawl ding in.

³³Hiaite lasamite ahi ua, Levi mite inkawte pipute inkawte lupente, dantante sung ah a teng ua, sun leh zan in a nasepna ua zat in a om ua, nasepna dangte a kipan awl uhi.

³⁴A khang pumpite uah, hiaite Levi mite pipute inkawte lupente ahi uhi, mi pipente: hiaite Jerusalem ah a teng uhi.

³⁵Huan Gibeon ah Gibeon pa a teng a, Jehiel, a zi min Maakah:

³⁶A tapa masapen Abdon, Zur, Kish, Baal, Ner, Nadab;

³⁷Gedor, Ahio, Zekariah, Mikloth.

³⁸Huan Mikloth in Simeam a suang a, huchi in amau leng a unaute utoh Jerusalem ah, a unaute uh zawn ah a teng uh.

³⁹Ner in Kish a suang a; Kish in Saul a suang; Saul in Jonathan, Malkisua, Abinadab leh Esbaal.

⁴⁰Jonathan tapa bel Merib baal ahi; Merib baal in Mikah a suang hi.

⁴¹Huan Mikah tapate; Pithon, Melek, Tahrea leh Ahaz.

⁴²Ahaz in Jara a suang a; Jara in Alameth, Azmaveth leh Zimri a suang hi; Zimri in Moza a suang.

⁴³Moza in Binea a suang; Rephaiah a tapa, Eleasah a tapa, Azel a tapa:

⁴⁴Azel in tapa guk a nei a, a min uh hiaite ahi: Azrikam, Bokeru, Ishmael, Seariah, Obadiah leh Hanan: hiaite Azel tapate ahi uh.