Read Paite Chin EZRA 10 Bible Online

EZRA 10 - Paite Chin bible

EZRA 10

¹Huchi a Ezra kap a Pathian inn mai a leisatna a kinei a, a thum a, thupha a tawilai in, Israel a kipan pasal leh numei leh naupang tampi kikhawmte a kiang ah hong kikaikhawm ua: mite lah a nakkah mahmah ngal ua.

²Elam tapate lak a khat, Jehiel tapa Sekaniah in a dawng a Ezra kiang ah, I Pathian tung ah i talekta ua, gammi numei namdangte i kitenpihta uh: hitamahleh hiai thil thu ah Israel ading in lametna a omlai hi.

³Huaiziak in tuin zite tengteng leh, amau a kipan a huchibang a piangte, ka toupa thuhilh dungzui in leh, i Pathian uh thupiak a lau a lingte thuhilh dungzui in, koihmang ding in i Pathian toh thu i khung ding uh; huan dan dungzui a hih hi hen.

⁴Thou in, a thu lah nang a ahi ngal a, kou leng na kiang ah ka om ding uhi: hangsantak in om inla, hih in, a chi hi.

⁵Huchi in Ezra a thou a, hiai thu dungzui a a hih ding un, siampute leh Levi mite lak a pipente leh Israel tengteng a kichiamsak hi. Huchi in a kichiamta uhi.

⁶Pathian inn mai a kipan Ezra a thoukhia a, Eliasib tapa Jehohanan dantan sung ah a lut a: huailai a hongpai lai in, tanghou a ne kei a, tui lah a dawn kei hi: saltanna a te tatlekna ziak in a sun hi.

⁷Judah leh Jerusalem teng a saltanna tate tengteng kiang ah thu a puangkhia ua, Jerusalem a ki kaikhawm vek ding in;

⁸Kuapeuh ni thum sung a hong pailou, vaihawmte leh upate thu bangzel in, a van tengteng laksak ahi ding a, amah mah saltanna omkhawmte a kipan a tuamkoih ahi ding hi.

⁹Huchihlai in Judah leh Benjamin mi tengteng Jerusalem ah ni thum sung in a kikaikhawm ua; a kha kuan a ahi a, a kha ni sawmnih ni: huchi in mi tengteng Pathian inn mai a mun lian ah a tu ua, hiai thu leh vuahpi ziak in a ling uhi.

¹⁰Huchi in Ezra siampu ading a, a kiang uah, “Na talek ua, Israel mawhna khangsak ding in, numei namdangte na kitenpih uhi,

¹¹Huaiziak in tuin na pipute uh Pathian, TOUPA kiang ah thupha tawi unla, a kipahlam hih un: gam a mite a kipan, numei namdangte a kipan kituam seh un” a chi hi.

¹²Huchi in kikhawmte tengteng in a dawng ua, aw ngaihtak in, “Ka tungtang uh na gen bang in, huchibang in ka hih ding uh” a chi uhi.

¹³Himahleh mite tampi ahi ua, vuah tampi zuklai ahi, huchi in inkuan ah ka ding theikei ua, hiai lah ni khat hiam nasep ahi kei hi: hiai thu ah lah nakpitak in i talekta ngal ua.

¹⁴Tuin omkhawmte ading in i vaihawmte ding seh in om henla, i Pathian uh thangpaihna ei a kipan a a kihei a, hiai thu hihbei a hih masiah, numei lamdangte kitenpihte i khopite a omte hun sehsate ah, khopi chiteng a upate amau toh, huailai a vaihawmmite toh, hongpai uhen.

¹⁵Asahel tapa Jonathan leh Tikvah tapa Jahaziah kia’n hiai thu a sel uh: huan Mesullam leh Sabbethai Levi mi in amaute a panpih uhi.

¹⁶Huchibang in saltanna a kipan kiknawnte’n a hihta uhi. Siampu Ezra, a pipute uh inkawte dungzui a, pipute inkaw lak a lupen kuate hiam toh, leh a minte ua amaute tengteng, tuam sehkhiak in a om ua; huchi in a thu entel ding in a kha sawmna ni khat ni’n a tuta uhi.

¹⁷Huchi in a kha khatna a ni khat ni’n numei namdang kitenpih mite a hihkhin uhi.

¹⁸Huchi in siampute tapate lak ah numei namdang kitenpih muh in a om a: huaite, Jeshua tapate, Jozadak tapa leh, a unaute, Maaseiah, Eliezer, Jarib leh Gedaliahte.

¹⁹Huchi in a zite uh koihmang ding in pha a sa ua; a mawh ziak un, a mawhna ading in belamhon lak a belamtal a lanta uhi.

²⁰Immer tapate lak ah; Hanani leh Zebadiah.

²¹Harim tapate lak ah; Maaseiah, Elijah, Semaiah, Jehiel leh, Uzziah.

²²Pashur tapate lak ah; Elioenai, Maaseiah, Ishmael, Nethaneel, Jozabad leh Elasah.

²³Levi mite lak ah; Jozabad, Shimei, Kelaiah, huai mah Kelita ahi, Pethahiah, Judah leh Eliezer.

²⁴Lasamite lak ah; Eliasib: huan kongkhak ngakmite lak ah; Sallum, Telem leh Uri.

²⁵Israel lak ah: Parosh tapate lak ah; Ramiah, Izziah, Malkiah Mijamin, Eleazar leh, Malkijah leh Benaiah.

²⁶Elam tapate lak ah; Mattaniah, Zekariah, Jehiel, Abdi, Jeremoth leh Eliah.

²⁷Zattu tapate lak ah: Elioenai, Eliasib, Mattaniah, Jeremoth, Zabad, leh Aziza.

²⁸Bebai tapate lak ah; Jehohanan, Hananiah, Zabbai, Athlai.

²⁹Bani tapate lak ah; Mesullam, Malluk, Adaiah, Jasub, Sheal leh Jeremoth.

³⁰Huan Pahath moab tapate lak ah; Adna, Selal, Benaiah, Maaseiah, Mattaniah, Bezalel, Binnui, leh Manasseh.

³¹Harim tapate lak ah; Eliezer, Ishijah, Malkiah, Semaiah, Simeon;

³²Benjamin, Malluk leh Semariah.

³³Hasum tapate lak ah; Mattenai, Mattattah, Zabad, Eliphelet, Jeremai, Manasseh, Shimei.

³⁴Bani tapate lak ah; Maadai, Amram, leh Uel;

³⁵Benaiah, Bedeiah, Kelluh;

³⁶Vaniah, Meremoth, Eliasib;

³⁷Mattaniah, Mattenai, leh Jaasau;

³⁸Bani, Binnui, Shimei;

³⁹Selemiah leh, Nathan leh, Adaiah;

⁴⁰Maknadebai, Shasai, Sharai;

⁴¹Azarel leh, Selemiah, Semariah;

⁴²Sallum, Amariah, Joseph.

⁴³Nebo tapate lak ah; Jeiel, Mattithiah, Zabad, Zebina, Iddo, Joel leh Benaiah.

⁴⁴Hiai tengtengte’n namdang zite a pi ua: huchi in a lak ua khenkhatte’n hiai zite a kipan tate a nei uhi.