Read Paite Chin EZRA 3 Bible Online

EZRA 3 - Paite Chin bible

EZRA 3

¹Huchi a kha sagihna a hongtun a, khopite a Israel tate a omlai un, mite Jerusalem ah mi khat bang in a kikhawm khawm uhi.

²Huchi in Jozadak tapa Jeshua leh, a unaute siampute leh, Sialtiel tapa Zerubbabel leh, a unaute, ading ua, Pathian mi Mosi Dan a a kigelh bang a, a tung a haltum thillatte lan ding in, Israel Pathian maitam a bawl uhi.

³Maitam a kingakna tung ah a tung ua; gamte a mite ziak in a tung uah launa a om hi: huchi in a tung ah TOUPA ading in haltum thillatte zing leh nitak a haltum thillatte ngei a lan uhi.

⁴Huan a kigelh bang in, biakbukte Ankuangluina a bawl ua, a hih ding zah in niteng haltum thillatte, dan dungzui in, niteng a sepding kiphamoh bang in a lan uhi;

⁵Huai nung in haltum thillat ngeinate, kha thakte thillatte leh, hihsiangthou a om TOUPA Ankuanglui sehkhiakte tengteng leh, michih a kipan TOUPA adia uttak a utthu a thillatte a lan uhi.

⁶A kha sagih a ni khat ni a kipan in TOUPA ading in haltum thillatte a lanpan ua: himahleh TOUPA biakin suangphum a kiphum naikei hi.

⁷Sumte suangsekmite kiang leh khutsiammite kiang ah a pia ua; Kura Persia kumpipa a kipan a phalna a muh bang ua tuipi a, Joppa tan a Lebanon tang a kipan sidar singte honla ding in, Zidonte kiang leh, Turate kiang ah, sa, dawn ding, leh sathau a pia uhi.

⁸Huchi in a kha nihna, Jerusalem a Pathian inn a hongtun uh a kum nihna in, Sialtiel tapa Zerubbabel leh, Jozadak tapa Jeshua leh, a unaute siampute leh Levi mite leh, koltanna a kipan a Jerusalem a hongpaite a kipan ua; Levimite kum sawmnih a upa leh a tunglam TOUPA inn nasepna a heutute hi ding in a sep uhi.

⁹Huchi in Pathian in a nasemmite heutu ding in, Jeshua a tapate leh a unaute, Kadmiel leh a tapate, Judah tapate, Henadad tapate, a tapate uh leh a unaute uh Levi mite toh ading khawmta uhi.

¹⁰Inn lammite’n TOUPA biakin suangphum a koihlai un, Israel kumpipa David thupiak bang in, TOUPA phat ding in, siampute pengkulte toh a puan uh a silhsak ua, Levi mite Asaph tapate dakkhutbette a guan uhi.

¹¹Huchi in TOUPA phatna leh kipahna piakna in la a sakhawm chiat ua, Amah lah a hoih ngal a, a chitna tangtawn in Israel lam ah a om gige ngal a, chi in. Huchi in TOUPA inn suangphum a koih ziak un mite tengteng aw ngaihtak a kikou in TOUPA a phat uhi.

¹²Himahleh siampute leh Levi mite leh pipute inkawte lak a mi tampi, a mit mahmah ua hiai inn suangphum a kikoih lai a, tua inn masa mute putekte, ngaihtak in a kapkhia ua; mi tampi nuamsa in ngaihtak in a kikou uhi.

¹³Huchi in mite’n nuamsakna kikouna husa mite kahna husa toh a theikak theikei ua: mite ngaihtak in a kikou ua, a husa uh gamlapi ah a kiza hi.