Read Paite Chin EZRA 8 Bible Online

EZRA 8 - Paite Chin bible

EZRA 8

¹Huan hiaite a pipute uh inkawte lak a a lupente ahi ua, kumpipa Artaksarses vaihawm lai a kei hon zuite khangthusuina ahi.

²Phinehas tapate lak ah, Gershom: Ithamar tapate lak ah Daniel: David tapate lak ah, Hattush,

³Sekaniah tapate lak ah; Parosh tapate lak ah, Zekariah: amah toh pasalte khangthusuina a suikhawmte za khat leh sawmnga ahi.

⁴Pahath moab tapate lak ah, Eliho enai Zerahiah tapa; huan amah toh pasal za nihte.

⁵Sekaniah tapate lak ah, Jahaziel tapa; amah toh pasal sawmngate.

⁶Adin tapate lak ah, Ebed Jonathan tapa; amah toh pasal sawmngate.

⁷Elam tapate lak ah, Jesaiah Athaliah tapa; amah toh pasal sawmsagihte.

⁸Sephatiah tapate, Mikael tapa Zebadiah; amah toh pasal sawmgukte.

⁹Joab tapate lak ah, Obadiah Jehiel tapa; amah toh pasal za nih leh sawmlehgiatte.

¹⁰Selomith tapate lak ah, Josiphiah tapa; amah toh pasal za khat leh sawmgukte.

¹¹Bebai tapate lak ah, Bebai tapa Zekariah; amah toh pasal sawmnih leh giatte.

¹²Azgad tapate lak ah, Hakkatan tapa Johanan; amah toh pasal za leh sawmte.

¹³Adonikam tapate lak ah, a nanungpente; hiaite a min uh ahi, Eliphelet, Jeuel, Semaiah leh, amau toh pasal sawmgukte.

¹⁴Bigvai tapate, Uthai leh Zabbud; amau toh pasal sawmsagihte.

¹⁵Huchi in Ahava pha a luang luipi tan in amaute ka kaikhawm a; huai ah ni thum ka giak uhi: mite leh siampute ka en vialvial a, huai ah Levi tapate kuamah ka mu kei hi.

¹⁶Huan Eliezer, Semaiah, Elnathan, Jarib, Elnathan, Nathan, Zekariah, leh Mesullam, mi kizen tungtuante, sinsakmite Joiarib leh Elnathan leng ka thukhak hi.

¹⁷Kasiphia mun a Iddo hausapa kiang ah amau ka sawlkhia a; Iddo kiang ah leh, Kasiphia mun a a unaute Nithinimte kiang a a gen ding uh ka hilh a, i Pathian inn ua ding a nasemmi ei adia hon tonpih ding in.

¹⁸Huchi in i tung ua i Pathian khut hoih a om dungzui in pasal khat lunggelsiam, Mahli tapate lak a, Levi tapa, Israel tapa ei ding in Serebiah a tapate leh a unaute, sawmlehgiat toh a honpi uhi.

¹⁹Hasabiah, amah toh Merari tapate lak a Jesaiah toh, a unaute leh a tapate uh, sawmnih toh;

²⁰Nithinimte, David leh a vaihawmpihte’n Levi mite nasepna ding a a piakte uh, za nih leh sawmnih Nithinimte: avek un minkhumna ah a khum uhi.

²¹Huchi in huai ah, Ahava lui ah, anngawl ka phuang a, huchi a ei ading leh i nau neute ading leh, i neih i lamte tengteng adia lampi tang amah lak a zong ding a i Pathian uh ma a ei leh ei i ki niamkhiak theihna ding in.

²²Lampi a melma dou ding a ei hon panpih dia kumpipa kiang a sepaih pawl leh sakol tungtuangmi nget lah ka zum ngal a: hoihna ding a, amah zongte tung ah i Pathian khut a om a; himahleh amah mangngilh tengteng siatna ding in a thilhihtheihna leh a thangpaihna a om hi, chi a, kumpipa kiang a thu i gentak ziak in.

²³An i ngawl ua hiai ding in i Pathian ngen ngutngut ua: huchi in amah i ngenzou uhi.

²⁴Huailai in siampute lak a pipente lak a sawmlehnih, Serebiah, Hasabiah, leh a kiang ua om a unaute uh lak a sawm ka seh khen a,

²⁵Amau ading in dangka leh dangkaeng leh, tuium belsuante, kumpipa leh a thuhilhmite leh, a vaihawmpihte’n Toupa inn a a latte uh huailai a om Israel tengteng puak ding in ka buk sak hi.

²⁶A khut sung mahmah uah dangka talent za guk leh sawmnga leh dangka tuium-belsuan talent za ka buk sak a; dangkaeng lak ah talent za;

²⁷Dangkaeng noubem sawmnih, darik sang khat lak ah; dal hoih nawttet, dangkaeng bang a manpha bel nih.

²⁸Huan a kiang uah, “TOUPA adin na siangthou ua, tuium belsuante a siangthou uh; dangka leh dangkaeng TOUPA, na pipute uh Pathian adia utthu a thillat ahi uh.

²⁹TOUPA inn dantante, Jerusalem a siampute lak a lupente leh, Levi mite leh, Israel pipute inkaw vaihawmte ma a huaite na buk masiah uh, kiveng unla, amaute kem un” ka chi hi.

³⁰Huchi in siampute leh Levi mite’n i Pathian inn ua Jerusalem a a puak ding un dangka leh dangkaeng leh, tuium-belsuan bukkhiakte a la uhi.

³¹Huailai in Jerusalem lam a pai ding in, a kha khatna a ni sawmlehnih ni’n Ahava lui a kipan i pawtkhia ua: huan i Pathian khut i tung uah a om a, melma khut leh lampi a bukmi a kipan aman hon tankheta hi.

³²Huchi in Jerusalem i tung ua huai ah ni thum i om uhi.

³³A ni li ni’n dangka leh dangkaeng leh tuium-belsuan i Pathian inn uah Uriah siampu tapa Meremoth khut ah buk in a om a; a kiang ah Phinehas tapa Eleazar a om; a kiang uah Jeshua tapa Jozabad leh, Binnui tapa Noadiah, Levi mite a om uhi;

³⁴A zah leh a gikdan tengteng sim ahi a, huai hun in laibu a chiamteh ahi.

³⁵Pimangna a kipan a hongpai, saltanna tate’n Israel Pathian kiang ah haltum thillatte, bawngtal sawmlehnih Israel tengteng ading in, belamtal sawmkua leh guk, belamnou sawmsagih leh sagih, keltal khelhna thillat ding in sawmlehnih a lan uhi: hiaite tengteng TOUPA ading a haltum thillat ahi.

³⁶Kumpipa thukhenmite kiang leh, tuipi khen a ukpipate kiang ah kumpipa thupiakte a pekhia ua: huchi in mite leh Pathian inn a panpih uhi.