Read Paite Chin NEHEMIAH 10 Bible Online

NEHEMIAH 10 - Paite Chin bible

NEHEMIAH 10

¹Suaikaite hiaite ahi uh Nehemiah Tirsatha, Hakaliah tapa, leh Zedekiah;

²Seraiah, Azariah, Jeremiah;

³Pashur, Amariah, Malkijah;

⁴Hattush, Sebaniah, Malluk;

⁵Harim, Meremoth, Obadiah;

⁶Daniel, Ginnethon, Baruk;

⁷Mesullam, Abijah, Mijamin;

⁸Maaziah, Bilgai, Semaiah: hiaite siampute ahi uh.

⁹Levi mite: huaite, Jeshua, Azaniah tapa, Binnui Henadad tapa, Kadmiel;

¹⁰A unaute uh, Sebaniah, Hodiah, Kelita, Pelaiah, Hanan;

¹¹Mikha, Rehob, Hasabiah;

¹²Zakkur, Serebiah, Sebaniah;

¹³Hodiah, Bani, Beninu;

¹⁴Mite hausate: Parosh, Pahath moab, Elam, Zattu, Bani;

¹⁵Bunni, Azgad, Bebai;

¹⁶Adonijah, Bigvai, Adin;

¹⁷Ater, Hezekiah, Azzur;

¹⁸Hodiah, Hasum, Bezai;

¹⁹Hariph, Anathot, Nebai;

²⁰Magpiash, Mesullam, Hezir;

²¹Meshezabel, Zadok, Jaddua;

²²Pelatiah, Hanan, Anaiah;

²³Hosea, Hananiah, Hasub;

²⁴Hallohesh, Pileha, Sobek;

²⁵Rehum, Hasabnah, Maaseiah;

²⁶Huan Ahijah, Hanan, Anan;

²⁷Malluk, Harim, Baanah.

²⁸Huan mipi lak a a dangte, siampute, Levi mite, Kongkhak ngakte, Lasamite, Nithinim mite, leh gamte a mite lak a kipan amau leh amau Pathian dan lam a kituamsehte tengteng, a zite uh, a tapate uh, a tanute uh, michih theihna leh theihtheihna neite;

²⁹A unaute uh, a miliante uh lam ah a belh chinten ua, Mosi Pathian sikha in a piak Pathian dan a om ding leh, TOUPA i TOUPA uh thupiak tengteng zuiding leh hih ding a, a vaihawmte leh a thusehte hih ding in hamsia leh kichiamna a bawl uhi.

³⁰Huan i tanute gam a mite pelou ding leh, i tapate adia a tanute uh lalou ding in:

³¹Gam a mite’n khawlni a van hiam annek hiam zuak ding a hontawi uleh, khawlni hiam, ni siang ni hiam in huaite i leikei ding uh: huchi in kum sagihna louhaite lak leh leiba chiteng sik i kidek ding uh.

³²Huailou leng i Pathian uh inn a nasepna ding a kum teng a sekel seh thumna kibasak ding in, dante i kibawl uhi.

³³Tanghou koihna ding, anpiak thillat gige ading, haltum thillat gige ading, khawlnite, kha thakte, sehsa ankuangte ading, thil siangthoute ading, Israel adia lemna kithoihna bawlna dia khelhna thillatte ading, leh i Pathian inn ua nasepna tengteng ading in.

³⁴Ai i san ua, siampute, Levi mite leh mite, sing thillat ading in, dan a kigelh bang a, i Pathian uh TOUPA maitam tung a khul ding, kum teng a, hunsehsa, i pipute inkawte dungzui a, i Pathian inn ua laklut ding in:

³⁵TOUPA inn a, kum teng a, i lei theigah masapente, sing chiteng a gah tengteng a kipan gahmasapente, tawi ding in:

³⁶Dan a kigelh bang in, i tapate lak a piang masapen leh i gantate lak a leng, i bawnghonte lak leh i belamhonte lak a nou masapente, i Pathian inn ua nasem siampute kiang a i Pathian inn ua tawi ding in:

³⁷I tangbuang mek masakpen uleh, i vei thillatte uleh, sing chiteng gah, uain leh thau, i Pathian uh inn a dantante ah, siampute kiang ah i tawiding uh; huan i louma a sawmakhatte Levi mite kiang ah; amau, Levi mite’n, singtang khopi tengteng uah sawm a khat a la uhi.

³⁸Aron tapa siampu, Levi mite’n sawm a khat a lak chiang un, Levi mite kiang ah a om ding: huchi in Levi mite’n sawmakhatte sawm a khat i Pathian inn uah, dantante ah, sumbawm inn ah a tawitou ding uhi.

³⁹Israel tate leh Levi tate’n buh leh bal vei, uain, thau, thillat munsiang tuium-belsuan, nasem siampute, kongkhak ngakte leh lasamite omna, munsiangthou a tawi ding uh ahi: Huchi in i Pathian inn i nuse kei ding uhi.