Read Paite Chin NEHEMIAH 12 Bible Online

NEHEMIAH 12 - Paite Chin bible

NEHEMIAH 12

¹Huan hiaite Sialtiel tapa Zerubbabel toh tontou siampute leh Levi mite ahi uh, Joshua:

²Siampute: Seraiah, Jeremiah, Ezra Amariah, Malluk, Hattush;

³Sekaniah, Rehum, Meremoth;

⁴Iddo, Ginnetho, Abijah;

⁵Miamin, Maadiah, Bilgah;

⁶Semaiah, Joiarib, Jedaiah;

⁷Sallu, Amok, Hilkiah, Jedaiah. Hiaite siampute lak leh a unaute uh lak a Jeshua damlai a pipente uh ahi.

⁸Levi mite mah leng: Jeshua, Binnui, Kadmiel, Serebiah, Judah, Mattaniah, kipahthugenna tung a om, amah leh a unaute.

⁹Bakbukiah leh Unni leng, a unaute utoh, biakbuk sung ah a om uh.

¹⁰Huan Joshua in Joiakim a suang, Joiakim in Eliasib a suang, Eliasib in Joiada a suang,

¹¹Joiada in Jonathan a suang, Jonathan in Jaddua a suang hi.

¹²Huan Joiakim damlai in siampute a om ua, pipute inkawte lupente: Seraiah lak ah Meraiah: Jeremiah lak ah Hananiah;

¹³Ezra lak ah Mesullam; Amariah lak ah Jehohanan;

¹⁴Meliku lak ah Jonathan; Sebaniah lak ah Joseph;

¹⁵Harim lak ah Adna; Meraioth lak ah Helkai;

¹⁶Iddo lak ah Zekariah; Ginnethon lak ah Mesullam;

¹⁷Abijah lak ah Zikri; Miniamin lak ah, Moadiah lak ah Piltai;

¹⁸Bilgah lak ah Sammua; Semaiah lak ah Jehonathan;

¹⁹Joiarib lak ah Mattenai; Jedaiah lak ah Uzzi;

²⁰Sallai lak ah Kallai; Amok lak ah Eber;

²¹Hilkiah lak ah Hasabiah; Jedaiah lak ah Nethaneel.

²²Eliasib, Joiada, Johanan, Jaddua damlai in Levi mite, pipute inkawte lupen a gelh ahi uh: Persia mi Darias vaihawm lai a, siampute toh in.

²³Levi tapate, pipute inkawte lupente, Kronikil laibu ah, Eliasib tapa Johanan damlai tanhiala, gelh ahi.

²⁴Huan Levi mite hausate: Hasabiah, Serebiah, Jeshua, Kadmiel tapa, amau delh a unaute uh, Pathian mi David thupiak dungzui in, indan leh indan kisu in.

²⁵Mattaniah, Bakbukiah, Obadiah, Mesullam, Talmon, Akkubte kongpite vankoihna dantan kem kongkhak ngakte ahi uhi.

²⁶Hiaite Jeshua tapa Joiakim, Jozadak tapa damlai, Nehemiah ukpipa leh Ezra siampu Laigelhmi damlai a om ahi uhi.

²⁷Huan Jerusalem kulhbang latna adin a omna tengteng uah Levi mite a zongkhia ua, kipahna toh, kipahthugenna leh, lasak, dakkhutbet, tumgingte leh kaihgingte toh a Jerusalem a amaute honpi ding a, kipahna bawl ding in.

²⁸Huchi in lasamite tapate a ki kaikhawm ua, Jerusalem kimvel a phaizang a kipan leh Netophath mite khotate a kipan in;

²⁹Bethgilgal a kipan in leng, Geba leh Azmaveth loute a kipan in: lasamite’n lah Jerusalem kimvel in khotate a na bawlta ngal ua.

³⁰Huchi in siampute leh Levi mite a kisiangsak ua: mite leh kongpite leh kulhbangte a siangsak uhi.

³¹Huchihlai in kulhbang tung ah Judah vaihawmte ka pitou a, kipahthugen leh a hon a pai pawlpi nih ka sep a; huai ah pawl khat kulhbang tung ah ekvum kongpi lam ah a pai uhi.

³²Amau nung ah Hoshaiah leh Judah vaihawmte lak a kimkhat,

³³Azariah, Ezra, Mesullam,

³⁴Judah, Benjamin, Semaiah, Jeremiah,

³⁵Leh siampute tapate lak a kuate hiam pengkulte toh: Zekariah Jonathan tapa, Semaiah tapa, Mattaniah tapa, Mikaiah tapa, Zakkur tapa, Asaph tapa;

³⁶A unaute, Semaiah, Azarel, Milalai, Gilalai, Maai, Nethaneel, Judah, Hanani Pathian mi David tumging theihte toh; a ma uah Ezra Laigelhmi a om hi:

³⁷Tuikhuk kongpi kiang ah, a mazawn tak uah, David khopi dohkang ah a paitou ua, kulhbang toupaina ah, David inn tunglam ah, suahlampang a tui kongpi pha in.

³⁸Huan a lak ua pawl dang kipahthugente amaute tuak ding in a pai ua, kei amau nung ah, kulhbang tung a, meipi insang tunglam ah, kulhbang lian tanpha in;

³⁹Ephraim kongpi tung ah, kongpi lui kiang, ngasa kongpi kiang a Hananel insang, Meah insang, belam kongpi tanpha in: venna kongpi ah ading den uh.

⁴⁰Huchi in Pathian insung a kipahthugen pawl nihte leh kei, leh ka kiang a vaihawmte lak a a kimkhat ading ua:

⁴¹Siampute, Eliakim, Maaseiah, Miniamin, Mikaiah, Elioenai, Zekariah, Hananiah, pengkulte toh;

⁴²Huan Maaseiah, Semaiah, Eleazar, Uzzi, Jehohanan, Malkijah, Elam leh Ezer. Huchi in lasamite’n ngaihtak in, a heutupa uh Jezrahiah toh la a sa uhi.

⁴³Huai ni’n kithoihna thupite a lan ua, nuam a sa uhi; Pathian in lah nuamsakna thupi in amau nuam a sasak hi; numeite leh naupangte toh a kipak uhi: huchi in Jerusalem kipahna husa gamlapi tan a leng zak in a om hi.

⁴⁴Huai ni’n thohlawmte, vei thillatte, haithak masapente, sawmakhatte koihkhawmna dantante a heutu, Dan in a seh bang a, siampu leh Levite tantuan khochih in a na hihzoh bangzel ua lakhawm ding mite a sep uhi. Judahte bel nasemmi siampute leh Levite ziak in a kipak mahmah uhi.

⁴⁵A Pathian uh indan leh siansakna indan a kem ua, huchibang in lasamite leh kongkhak ngakmite’n David leh, a tapa Solomon thupiak bang in a hihta uhi.

⁴⁶David leh nidanglai a Asaph damlai in lasami heutupen leh Pathian kiang a phatna leh kipahthugenna lasate lah a om ngal a.

⁴⁷Huan Zerubbabel damlai leh Nehemiah damlai in Israel tengteng in, ni teng a a kul bang in lasamite leh kongkhak ngakmite tantuan a pe zel uhi: Levi mite ading in a siang a koihtuam ua; Aron tapate ading in Levi mite’n a siang a koihtuam uhi.