Read Paite Chin NEHEMIAH 7 Bible Online

NEHEMIAH 7 - Paite Chin bible

NEHEMIAH 7

¹Hichi a honghi a, kulhbang lamkhit a hih a, kongkhakte ka tun khit a, kongkhak ngakmite leh lasamite leh Levi mite seh a hihkhit nung un,

²Ka unau Hanani leh Hananiah kulh ukpa kiang ah Jerusalem kepna ka pia a: mi ginom ahi a, tampi sang a Pathian laudansiam a hih ziak in.

³A kiang ah, “Ni a sat mateng Jerusalem kongpite hon hi kei hen; galvilmi a dinlai un, kong khakte khak uhenla, amaute kalhkhum un: Jerusalem a tengte vengmi sep inla, michih amah dinmun ah, michih amah in zawn chiat ah” chi in.

⁴Khopi a za in a lian a: himahleh huai ah mite a tawm ua, innte lah lam ahi kei uhi.

⁵Huchi in ka Pathian in ka lungtang miliante, vaihawmmite, mipite, kaikhawm ding in a koih a, huchi a khangsutna a sim a hihtheihna ding un. Huan a masapen a honglang amaute khangsutna laibu ka muta a, huai ah gelh a om ka mu hi:

⁶Hiaite bial naupangte ahi ua, Nebukadnezzar Babulon kumpipa’n a pimangte, huai pimang a omte lak a saltanna kipan a paitoute, Jerusalem leh Judah a kiknawn, michih amah khopi a kik;

⁷Zerubbabel, Jeshua, Nehemiah, Azariah, Raamiah, Nahamani, Mordekai, Bilsan, Mispereth, Bigvai, Nehum, Baanah toh hong paite.

⁸Israel mite lak a pasal zah: Parosh suante, sang nih za khat leh sawmsagih leh nih.

⁹Sephatiah suante, za thum sawmsagih leh nih.

¹⁰Arah suante, za guk sawmnga leh nih.

¹¹Pahath moab suante, Jeshua leh Joab tate, sang nih leh za giat leh sawmlehgiat.

¹²Elam suan, sang khat za nih sawmnga leh li.

¹³Zattu suan, za giat sawmli leh nga.

¹⁴Zakkai suan, za sagih leh sawmguk.

¹⁵Binnui suan, za guk sawmli leh giat.

¹⁶Bebai suan, za guk sawmnih leh giat.

¹⁷Azgad suan, sang nih za thum sawmnih leh nih.

¹⁸Adonikam suan, za guk sawmguk leh sagih.

¹⁹Bigvai suan, sang nih sawmguk leh sagih.

²⁰Adin suan, za guk sawmnga leh nga.

²¹Ater, Hezekiah suan, sawmkua leh giat.

²²Hasum suan, za thum sawmnih leh giat.

²³Bezai suan, za thum sawmnih leh li.

²⁴Hariph suan, za khat leh sawmlehnih.

²⁵Gibeon suan, sawmkua leh nga.

²⁶Bethlehem leh Netophath suan, za khat sawmgiat leh giat.

²⁷Anathoth mite, za khat sawmnih leh giat.

²⁸Bethazmaveth, mite sawmli leh nih.

²⁹Kiriath-jearim, Kephirah, Beeroth suante, za sagih sawmli leh thum.

³⁰Ramah leh Geba mite, za guk sawmnih leh khat.

³¹Mikmas suante, za khat leh sawmnih leh nih.

³²Bethel leh Ai mite, za khat sawmnih leh thum.

³³Nebo dang mite, sawmnga leh nih.

³⁴Elam dang suan, sang khat za nih sawmnga leh li.

³⁵Harim suan, za thum leh sawmnih.

³⁶Jeriko suan, za thum sawmli leh nga.

³⁷Lod, Hadid leh Ono suante, za sagih sawmnih leh khat.

³⁸Senaah suan, sang thum za kua leh sawmthum.

³⁹Siampute: Jedaiah suante, Jeshua inkuan a kipan, za kua sawmsagih leh thum.

⁴⁰Imer suante, sang khat sawmnga leh nih.

⁴¹Pashur suante, sang khat za nih sawmli leh sagih.

⁴²Harim suante, sang khat leh sawmlehsagih.

⁴³Levi mite: Jeshua, Kadmiel suante, Hodevah suante, sawmsagih leh li.

⁴⁴Lasamite: Asaph suante, za khat sawmli leh giat.

⁴⁵Kongkhakngakte: Sallum, Ater, Talmon, Akkub, Hatita leh Sobai suante, za khat sawmthum leh giat.

⁴⁶Temple nasemmi, Nithinim mite: Ziha, Hasupha, Tabbaoth;

⁴⁷Keros, Sia, Padon;

⁴⁸Lebana, Hagaba, Salmai;

⁴⁹Hanan, Giddel, Gahar;

⁵⁰Reaiah, Rezin, Nekoda;

⁵¹Gazzam, Uzza, Paseah;

⁵²Besai, Meunim, Nephisesim;

⁵³Bakbuk, Hakupha, Harhur;

⁵⁴Bazlith, Mehida, Harsa;

⁵⁵Barkos, Sisera, Tamah;

⁵⁶Neziah, leh Hatipha suante.

⁵⁷Solomon sikhate tate: Sotai, Sophereth, Perida;

⁵⁸Jaala, Darkon, Giddel;

⁵⁹Sephatiah, Hattil, Zebaim mi Pokereth leh Ammon suante.

⁶⁰Nithinim mite tengteng leh Solomon sikhate suante, za thum leh sawmkua leh nih.

⁶¹Huan hiaite Telmelah, Telharsa, Kerub, Addon leh Immer a kipan paitoute ahi uh: himahleh a pipute uh inkawte, Israel a kipan ahi hiam chih a ensak theikei uhi:

⁶²Delaiah, Tobiah leh Nekoda suante, za guk sawmli leh nih.

⁶³Siampute a kipan: Habaiah, Koz leh Barzillai suan, Gilead mi Barzillai tanute lak a zi neipa min a tamsak uhi.

⁶⁴Hiaite’n khangthusuina a sim a omte lak ah a min gelhna uh a zong ua, himahleh muh in a omkei: huaiziak in nin a sim ahi ua siamputna a kipan koihkhiak ahi uhi.

⁶⁵Ukpipa in a kiang uah, siampu khat Urim leh Thummim toh a hongsuah mateng thil siangthou penpente lak a neklouh ding chih a gen hi.

⁶⁶Omkhawm tengteng avek un sing li leh sang nih leh za thum leh sawmguk,

⁶⁷A pasal sikhate uh leh a nungak sikhate uh, sang sagih za thum sawmthum leh sagihte, simlouh in: pasal lasa leh numei lasa za nih sawmli leh nga a nei uhi.

⁶⁸A sakolte uh za sagih sawmthum leh guk; a sakolneute uh, za nih sawmli leh nga;

⁶⁹A sangawngsaute, za li sawmthum leh nga; a sabiltungte uh sang guk za sagih leh sawmnih.

⁷⁰Pipute inkawte lak a lupente lak a kipan khenkhatte nasem ding in a kipia uhi. Ukpipa in sumbawm ah dangkaeng darik sang khat, maiphiatkuang sawmnga, siampute puan za nga leh sawmthum a pia hi.

⁷¹Huan pipute inkawte lak a lupente lak a khenkhatte’n dangkaeng darik sang sawmnih leh, dangka paund sang nih leh za nih a pia uhi.

⁷²Mipite lak a a dangdangte piak dangkaeng darik sang sawmnih leh dangka paund sang nih leh, siampute puan sawmguk leh sagih ahi.

⁷³Huchi in siampute, Levi mite, kongkhakngakte leh lasamite, mite lak a a khente leh, Nethinim mite leh Israel tengteng a khopite uah a tengta uhi. A kha sagihna a hongtun in, Israel tate a khopite uah a om uhi.