Read Paite Chin ESTHER 6 Bible Online

ESTHER 6 - Paite Chin bible

ESTHER 6

¹Huai zan in kumpipa a ihmu theikei; tanchin chiamtehna laibu hontawi ding in thu a pia a, huaite kumpipa ma ah a sim uhi.

²Kumpipa michilgehte lak a mi nih Bigthan leh Teresh, kongkhak vengte’n, kumpipa Ahasueras tung a khutkhak sawmte tanchin Mordekai in a gen chih a kigelh muh in a om hi.

³Huchi in kumpipa’n, “Hiai ziak in Mordekai tung ah bang zahtakna leh thupina hih in a om a?” a chi hi. Kumpipa sikha amah nasemte’n, “Amah a ding in bangmah hih a omkei” a chi uhi.

⁴Kumpipa’n, “Pisa a om kua ahia?” a chi a. Huchi in Haman kumpipa inn pisa pawnung zaw ah, kumpipa kiang a a bawlkholhsa khailupna khuam a Mordekai khai ding gen ding in a honghi.

⁵Kumpipa sikhate’n a kiang ah, “Ngai in pisa ah Haman a ding nilouh hi” a chi ua. Kumpipa’n, “Honglut heh” a chi hi.

⁶Huchi in Haman a honglut hi. Kumpipa’n a kiang ah, “Mi kumpipa’n a zahtaknop tung ah bang kihih ding ahia?” a chi hi. Haman in a lungtang in, Kumpipa’n kei sang a zahtak kua kiang a bawl nuamzaw ahia? a chi hi.

⁷Haman in kumpipa kiang ah, “Kumpipa’n a zahtak nopmi ading in,

⁸Kumpipa’n a silhzel kumpi puansilh hon lakhia henla, sakol kumpipa tuanzelna leng, a lu zang a lallukhu a koihna zel:

⁹Huchi in puansilh leh sakol kumpipa vaihawmpih thupi penpente lak a khat khut ah pekhe leh, huaite a kumpipa’n zahtak a utpa a zep theihna ding un leh, khopi kongzing lak ah sakol tung ah tuangsak henla, a ma ah, huchibang in kumpipa’n a zahtak nopte kiang ah hih in a om ding, chi in phuang leng” a chi hi.

¹⁰Huailai tak in kumpipa’n Haman kiang ah, “Kin inla, na chih bang in, puansilh leh sakol la inla, kumpipa kongpi a tuzel Mordekai Judah mi tung ah hih in: na gen tengteng bangmah vuaksuak kei hen” a chi hi.

¹¹Huchi in Haman in puansilh leh sakol a la a, Mordekai a zem a, khopi kongzing lak ah a tuangsak a, a ma ah, “Hichibang in kumpipa’n a zahtak nop mi tung a a hih ahi ding” chi in, a phuangta hi.

¹²Huan Mordekai kumpipa kongpi ah a hongpai nawn a. Himahleh Haman bel sun leh a lutang khuhsa in a inn lam ah kintak in a pai hi.

¹³Huchi in Haman in a zi Zeresh kiang leh a lawmte tengteng kiang ah a tung a thiltung tengteng a genvek hi. Huaitak in a mipilte leh a zi Zeresh in a kiang ah,“A ma a na puk patna Mordekai Judah chi a mi a hileh, amah na zoukei ding, himahleh a ma ah na puk ngei ding” a chi uhi.

¹⁴Amah toh a houlim sanlai un, kumpipa michilgehte a hongpai ua, Esther in annek ding a bawlna ading in kintak in hongpita uhi.