Read Paite Chin EKSODAS 26 Bible Online

EKSODAS 26 - Paite Chin bible

EKSODAS 26

¹Huailou in biakbuk puanmalngat hoih koptah puanzak sawm toh a dum leh a sandup leh a sanau na bawl dia; Siamtak a bawl cherubte toh na bawl ding ahi.

²Puanzak khat saudan tong sawmnih leh giat ahi dia, puanzak khat zatdan tong li; puanzak chih in tehna khat a nei ding ahi.

³Puanzak ngate a kithuap khawmchiat ding uh ahi. Puanzak nga dangte a kithuap khawmchiat ding uh ahi.

⁴A kithuahna a a kipehna apan puanzak khat gei ah a dum in vang na bawl dia; huchibang zel in, puanzak dang mongchin mahmah ah, a nihna kithuahna ah na bawl ding ahi.

⁵Puanzak khat ah vang sawmnga na bawl dia, a nihna kithuahna a om, puanzak mong ah vang sawmnga na bawl ding. Huchi a bangte a kimat chiat theihna ding un.

⁶Dangkaeng in kilhna sawmnga na bawl dia, kilhnate’n puanzakte nihnih in a kilhkhawm ding; huchi in biakbuk khat ahi ding hi.

⁷Biakbuk tungkhuhna ding in kel mul puanzakte na bawl dia; puanzak sawmlehkhat na bawl ding ahi.

⁸Puanzak khat dunglam tong sawmthum ahi dia, puanzak khat vailam tong li; puanzak sawmlehkhat tehna khat ahivek ding hi.

⁹Puanzak ngate amau mah in na thuapkhawm dia, puanzak gukte amau mah in, biakbuk mai ah puanzak gukna na khep ding ahi.

¹⁰A thuahna a puanzak pawnung penpen mong ah vang sawmnga na bawl dia, a nihna thuahna puanzak mong ah vang sawmnga na bawl ding ahi.

¹¹Dal in kilhna sawmnga na bawl dia, kilhnate vang ah na guang dia, puanin khat a hih theihna ding in, na thuapkhawm ding ahi.

¹²Puanin puanzak val omlai tum khatpen biakbuk phaitam a khai ding ahi.

¹³Puanin puanzakte dunglam a omlaite, a pang khatlam ah tong khat, a khuhna ding in hiai lam pang leh huailam pang a biakbuk pangte a khai ding ahi.

¹⁴Puanin khuhna ding belampa vun sansaksa leh a tungsawn khuhna ding in ngalvang vunte na bawl ding ahi.

¹⁵Biakbuk ading in singgi singpek tunna dingtang in na bawl ding ahi.

¹⁶Singpek khat dunglam tong sawm ahi dia, singpek khat vailam tong khat leh a kim ahi ding hi.

¹⁷Singpek khat ah a tunna ding nih a om dia, kimuamtuah ding in lem in. Huchibang in biakbuk singpek tengteng ading in na bawl ding ahi.

¹⁸Biakbuk ading in singpek na bawl dia, simlam pang ah pek sawmnih ahi ding.

¹⁹Singpek sawmnih nuai ah dangka in kingakna khuakkuak sawmli na bawl ding. A kimuamtuah nihte ading in singpek khat nuai ah kingakna khuakkuak nih, a kimuamna nihte ading in singpek dang khat nuai ah kingakna khuakkuak nih na bawl ding ahi.

²⁰Biakbuk pang nihna ading in mallam pang ah singpek sawmnih a om ding hi.

²¹A dangka kingakna khuakkuak sawmlite singpek khat nuai ah kingakna khuakkuak nih, singpek dang khat nuai ah kingakna khuakkuak nih.

²²Biakbuk pang tumlam a te ding in singpek guk bawl in.

²³Pang nih ah biakbuk ningte ading in singpek nih na bawl ding ahi.

²⁴A nuailam ah a kithuapkhawm ding ua, sikkual khat ah a tunglam ah a kithuapkhawm ding uhi. Huchibang in amau tuak ading in ahi ding hi. Ning nihte ading in ahi ding uhi.

²⁵Singpek giat a om dia, a dangka kingakna khuakkuakte uhi, kingakna khuakkuak sawmlehgukte; kingakna khuakkuak nihte leh singpek dang khat nuai a kingakna khuakkuak nihte.

²⁶Singgi sing chiangtawn na bawl dia; biakbuk pang khat a singpekte ading in.

²⁷Biakbuk pang dang khat a singpekte ading in chiangtawn nga, biakbuk pang a singpekte, tumlam sik nihte ading in, chiangtawn nga.

²⁸Singpekte laitak a chiangtawn laita in mong khat apan mong khat tan a phak ding ahi.

²⁹Singpekte dangkaeng in na luan dia, chiangtawnte ading in dangkaeng sikkualte a munte ading in na bawl ding ahi.

³⁰Tang a k’on etsak dungzui in biakbuk na dinsak ding ahi.

³¹Puanzak a dum, a sandup, a sanau leh puanmalngat hoih koptah siamtak a hih na bawl dia, cherubte toh bawl ding ahi.

³²Dangkaeng a luan singgi sing khuam lite tung ah na zak ding a; a bannate dangkaeng ahi ding a, dangka kingakna khuakkuak lite tung ah.

³³Puanzak kilhnate nuai ah na khai dia, huchi a huai a theihpihna bawm n’on lak lut theihna ding in. Puanzak in nang ading in Mun Siangthou leh Mun Siangthou pen kikal a khen ding hi.

³⁴Mun siangthou pen ah theihpihna bawm tung ah chitna tutphah na koih ding.

³⁵Puanzak pawlam ah dohkan na tung ding a; simlam ah biakbuk sik ah dohkan ngai in khawnvak koihna na koih ding. Mallam sik ah dohkan na tung ding hi.

³⁶Puanin kongkhak ading in puankhai na bawl ding, puanmalngat hoih koptah, phim a khui, a dum, a sandup leh a sanau.

³⁷A khaina ding in singgi sing khuam nga na bawl dia, dangkaeng a luan, a bannate dangkaeng ahi ding uhi. Huaite ading in dal kingakna khuakkuak nga na sung ding ahi.